Isiyaasa 51:12 - Wolaytta Bible

¹² GODAI hagaadan yaagees; “Inttena minttettiyaagee tana. Yaatin, haiqqiya asau yayyanau, maatadan eesuwan meliya asaa na7au yayyanau intte oonee?

Isiyaasa 51:12 Iomraidhean Croise

Kawotu Maxaafaa Naa77anttuwaa 1:15

GODAA kiitanchchai Eelaasayyo, “Yayyoppa! Aara duge wodhdha” yaagiis. Yaagin Eelaasi denddidi, aara kawuwaakko duge wodhdhiis.

Mazamure Maxaafaa 118:6

GODAI tanaara de7iyo gishshau, taani yayyikke. Asi tana ai oottii?

Mazamure Maxaafaa 146:4

Eta shemppoi kiyiyo wode, eti biittau simmoosona; eta halchchoi ubbai he gallassikka atti aggees.

Mazamure Maxaafaa 92:7

Hegeenne, iitati maataadan diccikkokka, iita oottiya ubbati daayikkokka, eti merinaayyo xayana.

Leemiso Maxaafaa 29:26

Daroti sunttatettai de7iyo asata auddashoosona; shin suure pirddai GODAA achchappe beettees.

Isiyaasa 12:2

“Be7ite, Xoossai ta atotettaa; taani an ammanettada, yayyikke. Aissi giikko, GODAI Xoossai taayyo wolqqanne yetta. I ta atotettaa gidiis” yaagana.

Isiyaasa 2:22

Simmi haiqqiya asan ammanettiyoogaa aggite! Asi ai maaddii?

Isiyaasa 40:1

Intte Xoossai hagaadan yaagees; “Ta asaa minttettite! Minttettite!

Isiyaasa 43:25

“Tana, ne mooruwaa ta gishshau gaada qucciyai tanattennee; ne nagaraakka zaarettada hassayikke.

Isiyaasa 49:13

Inttenoo salotoo, ufaissan yexxite. Nenoo biittau ufaitta. Inttenoo deretoo, ililite! Aissi giikko, GODAI ba asaa minttettiis; qassi ba metootanchchatussikka qarettees.

Isiyaasa 51:3

“GODAI Xiyooneeninne a qolettido sohotun de7iya ubba asaa minttettana. I bazzuwaa Edene Gannatiyaadan, i mela sohotakka GODAA ataakilttiyaa sohuwaadan oottana. Ufaissainne hashshu guussai yan de7ana; galataanne mazamuriyaa cenggurssai yan siyettana.

Isiyaasa 52:9

Inttenoo Yerusalaamen qolettida sohotoo, issippe ufaissau yexxite; aissi giikko, GODAI ba asaa minttettiis; Yerusalaame katamaakka woziis.

Isiyaasa 57:11

“Intte oossi yayyidi, taayyo worddotidetii? Intte tana hassayibeekketa; intte wozanankka qoppibeekketa. Taani daro wodiyaa co77u giido gishshaassa gidennee, intte taassi yayyennan aggidoogee?

Isiyaasa 61:2

GODAI doorido laittaanne nu Xoossai haluwaa kessiyo gallassaa awaajjana malanne azzaniyaageeta ubbata minttettana mala, tana kiittiis.

Isiyaasa 66:13

Aayyiyaa ba na7aa minttettiyoogaadan, taanikka inttena minttettanna; intte Yerusalaamen minettana.

Isiyaasa 8:12

“Ha asai maqqo giyoobaa ubbaa maqqo gooppite; eti yayyiyoobau yayyoppite woikko dagammoppite.

Ermmaasa 38:19

Qassikka Kawoi Sedeqiyaasi Ermmaasa, “Taani yayyiyoogee ha biittaappe kaddidi, Baabiloonetukko biida Aihudatussa. Aissi giikko, Baabilooneti tana eta kushiyan aattidi immikko, Aihudati tana tuggayana” yaagiis.

Hizqqeela 2:6

Laa asa na7au, etayyookka eta qaalaayyookka yayyoppa! Qum77uudeenne agunttai ne yuushuwan de7iyaabaa gidikkokka, qassi masimasotu gidduwan neeni uttikkokka, yayyoppa. Eti makkalanchcha zare gidiyo gishshau, eta qaalaayyo yayyoppa; woikko etayyo shabbirettoppa.

Maatiyoosa 10:28

Ashuwaa woriyaageetuyyo yayyoppite; eti shemppuwaa woranau danddayokkona. SHin shemppuwaanne ashuwaa gaannabiyan xaissanau danddayiya Xoossaassi yayyite.

Yohaannisa 14:18

“Taani inttena intterkka yeggabeikke; taani simmada inttekko yaana.

Yesuusi Kiittidoogeetu Oosuwaa 9:31

Yihudan, Galiilaaninne Samaariyan ubban de7iya woosa keettati sarotettan de7idosona; qassi minnidosona; Godaassi yayyiyoogaaninne Geeshsha Ayyaanaa maaduwan heemettiiddi, qoodankka dari dari biidosona.

Koiro PHeexiroosa 1:24

Aissi giikko, Xoossaa maxaafai, “Asai ubbai maataa mala; a bonchcho ubbaikka maataa ciishshaa mala. Maatai melees; ciishshaikka qoqqofettees.

Sameela Maxaafaa Koiruwaa 15:24

Saa7ooli Sameela, “Taani nagaraa oottaas; GODAA azazuwaanne ne qaalaa toochchaas. Taani asaayyo yayyido gishshau, eti giidobaa oottaas.

Sameela Maxaafaa Koiruwaa 17:11

Saa7oolinne Israa7eelati Pilisxxeemiyaa qaalaa siyidi, yeellatidosonanne daroppe yayyidosona.

Sameela Maxaafaa Koiruwaa 21:13

Hegaa gishshau, Daawiti eta sinttan wozani boshettido asa milatiis; eti a oiqqana haniyo wode, gooyiyaabaadan kare penggiyaa ifittaa qaaceretteesinne buuchchaara duge zaaridi saassuwaa lokkayees.