Isiyaasa 5:17 - Wolaytta Bible

¹⁷ He wode dorssati bantta qooruwan heemettiyoogaadan heemettana; dorssa marati qolettida duretu keettatu giddon maana.

Isiyaasa 5:17 Iomraidhean Croise

Nahimiyaa Maxaafaa 9:37

Nu nagaraa gishshau, neeni nu bollan denttido kawoti biittaa anjjuwaa ubbaa eti go77ettoosona. Qassi nu bollaaninne nu mehiyaa bollan bantta koyidobaa oottoosona; nuunikka gita metuwaa giddon de7oos” yaagidosona.

Mazamure Maxaafaa 119:70

Eta wozanai mulekka damma; shin taani ne higgiyan ufaittais.

Mazamure Maxaafaa 17:10

Etassi qareti baawa; otoruwan haasayoosona.

Mazamure Maxaafaa 17:14

Abeet GODAU, hagaa mala asaappe, eta qaadai ha sa7aa de7uwaa xalaalaa gidiyo asaappe ne kushiyan tana ashsha. Neeni etayyo minjjido boshan eta qaxxaya; he boshainne eta naatussi gididi, eta naatu naatussikka palaho.

Mazamure Maxaafaa 73:7

Eta wozanai iitabaa pulttees. Eta qofai pala halchchoi kumidoogaa.

Isiyaasa 1:7

“Intte biittai xafe gidiis; intte katamatikka taman xuugettidosona; intte goshshaa intte xeellishin, allagati ekkoosona; imatta asati laalin, mela attiis.

Isiyaasa 10:16

Hegaa gishshau, Godai, Ubbaappe Wolqqaama GODAI, a mino tooranchchatu bolli laafettiya harggiyaa yeddana; a bonchchuwaappe garssaara mishoi eexxiya tamaadan eexxi kiyana.

Isiyaasa 17:2

Sooriyaa biittaa katamati asi de7enna bazzo gidana; hegan mehiyaa wudee allaxxana; eta yashissiyaabikka de7enna.

Isiyaasa 32:14

Miixai attana; daro asai de7iyo katamatikka onana; qatoinne wochchiyo gimbbeti merinau baisa gidana; eti wora hareti ufaittiyoosaanne dorssaa wudee hemettiyoosaa gidana.

Isiyaasa 40:11

I ba wudiyaa henttanchchaadan mizees; ba dorssa maratakka ba qesiyan shiishshidi, ba kiyuwan idimmana. Xanttiyaageetakka loddaara kaalettana.

Isiyaasa 65:10

Tana koyida ta asaayyo Saaroona giyo dembbai dorssaa wudiyaa heemmiyo soho gidana; qassi Akoora Wombbai miizzaa wudiyaa allaxxissiyo soho gidana.

Isiyaasa 7:25

Kase xikkiyan bul77ido keratun ha77i kinddiichchoinne agunttai kumido gishshau yayyidi, issi asinne yaa beenna. Mehee la7ettiyoosaanne dorssi tubbiyoosaa gidana.

Ermmaasa 5:28

Eti orddenne modhdho gididi diccidosona. Eta iita oosuwaassi zawai baawa. Eti aawi bainna naata shatinttanau eta gishshaa mootettokkona; hiyyeesatu maataakka naagibookkona.

Ermmaasa Zilaassaa 5:2

Nu laata biittai allagatussi, nu keettaikka betetussi imettiis.

Hoose7a 4:16

Israa7eela asai makkalanchcha usseedan makkaliis. Yaatin, GODAI eta aaho dembban dorssa maratudan waatidi heemmanee?

Hoose7a 8:7

“Eti carkkuwaa zeroosona; zeridi gotiyaa cakkoosona. Equwan de7iya eta kattau aifee baawa; hegaa gishshau, xiillee baawa; xiillee de7iyaakkokka allagati maana.

Mikiyaasa 2:12

“Inttenoo, Yaaqooba zaretoo, taani inttena ubbaakka shiishshana; taani Israa7eela asaappe attidaageeta tumuppe muliyaakka shiishshana. Dorssati birddiyan shiiqiyoogaadaaninne dorssaa wudee hentta gaden shiiqiyoogaadan, taani eta issippe shiishshada wottana. He sohoi daro asaa wocaman kumana.

Sofonaasa 2:14

Mehiyaa wudeenne biittan de7iya do7ati ubbai a giddon allaxxana; guttoinne quxarssai a kolettida gimbbetu giddon de7ana; eta cenggurssai maskkootiyaaranne penggiyaara siyettana. Keettati keexettido zigai kallottana.

Sofonaasa 2:6

Abbaa doonan de7iya intte biittai mehiyaa heemmiyoosa, henttanchchati de7iyoosanne mehiyaa wudiyaa dirssa gidana.

Luqaasa 21:24

Eti qara bisuwan qanxxettidi haiqqana; eti dere ubban omoodettana; Aihuda gidenna asai bantta wode polettana gakkanaashin, Yerusalaame katamaa yedhdhana.

Zaarettido Wogaa 28:33

Ne biittaa aifiyaanne ne daafuridobaa ubbaa ne erenna asai maana; ne de7o ubban huqqunnettidaagaanne naaqettidaagaa gidana.

Zaarettido Wogaa 32:15

“Yaanidi Israa7eeli orddiis; makkaliis; mii miidi, boborcciis. Bana medhdhida Xoossaa aggiis; ba Atotettaa Zaallaa bollankka qilliicciis.