Isiyaasa 48:1 - Wolaytta Bible

¹ “Inttenoo Yaaqooba zaretoo, Israa7eela sunttan xeesettiyaageetoo, qassi Yihudaa zerettaappe yiidaageetoo, hagaa siyite. Intte GODAA sunttan caaqqeeta; Israa7eela Xoossaa xeeseeta; shin tumatettaaninne xillotettan gidenna.

Isiyaasa 48:1 Iomraidhean Croise

Doomettaabaa 32:28

Yaagin bitanee a, “Hagaappe sinttau ne sunttai Israa7eela geetettoppe attin, Yaaqooba geetettoppo; aissi giikko, neeni Xoossaaranne asaara baaxetada xoonadasa” yaagiis.

Doomettaabaa 35:10

Xoossai a, “Ne sunttai Yaaqooba; shin hagaappe sinttanau neeni mulekka Yaaqooba geetettakka; ne sunttai Israa7eela gidana” yaagidi i a Israa7eela sunttiis.

Kawotu Maxaafaa Naa77anttuwaa 17:34

Eti hachchi gakkanaashinkka kase bantta meeziyaadan oottoosona. Eti tumuppe GODAAYYO goinnokkona woikko GODAI Israa7eela giidi sunttido Yaaqooba zerettaassi immido awaajuwaanne wogaa, higgiyaanne azazuwaa naagokkona.

Kawotu Maxaafaa Naa77anttuwaa 5:20

Xoossaa asa gidiya Elssaa7a ashkkarai Gehaazi, “Ta godai Elssaa7i Sooree Naa7imaani ehiidobaappe aibakka ekkennan coo yeddiis. GODAI ero! Taani a geeduwaa woxxada, appe issibaa ekkana” yaagidi qoppiis.

Mazamure Maxaafaa 63:11

SHin kawoi Xoossan ufaittana. Xoossaa sunttan caaqqiya ubbai a galatana; shin wordduwaa haasayiyaageetu doonai gorddettana.

Mazamure Maxaafaa 66:3

Xoossaayyo hagaadan yaagite; “Ne oosoti aiba garamissiyaabee! Ne wolqqai darido gishshau, ne morkketi yashshau ne sinttan gulbbatoosona.

Mazamure Maxaafaa 68:26

Eti, “Xoossaa kunttida yaa7an galatite; inttenoo, Israa7eela zerettatoo, GODAA galatite” yaagoosona.

Mazamure Maxaafaa 68:27

He salppiyan ubbaappe kaalotiya Biniyaama zareti koiro beettoosona. Kaallidi Yihudaa halaqati bantta citaara de7oosona; wurssettan Zaabiloona halaqatinne Nifttaaleema halaqati beettoosona.

Kessaabaa 23:13

“Taani inttena giidobaa ubbaa minttidi oottite; hara xoossatu sunttaa xeesoppite; intte inxxarssaappe hegee siyettoppo.

Leemiso Maxaafaa 5:16

Ne pulttuwaa dabaaban, ne ollaa haattaakka dembban aissi gussai?

Isiyaasa 26:13

Abeet GODAU, nu Xoossau, neeppe harati nuna haaridosona; shin nuuni ne sunttaa xalaalaa bonchchoos.

Isiyaasa 44:5

Issoi, 'Taani GODAAGAA' yaagana; harai qassi bana Yaaqooba sunttan xeesana; haraikka, qassi ba kushiyaa bollan, 'Taani GODAAGAA' yaagidi xaafana; i qassi bana Israa7eeli xeegettiyo siiqo sunttan xeesana” yaagees.

Isiyaasa 45:23

Taani ta huuphiyan caaqqaas; guyye simmenna qaalai ta doonaappe xillotettan kiyiis: 'Asai ubbai taayyo gulbbatana; inxxarssa ubbaikka tanan caaqqana' yaagaas.

Isiyaasa 46:12

“Inttenoo wozanai muumidoogeetoo, xillotettaappekka haakkidaageetoo, taani yootiyoogaa siyite;

Isiyaasa 51:1

GODAI hagaadan yaagees; “Inttenoo xillotettaa kaalliyaageetoo, inttenoo tana, GODAA koyiyaageetoo, siyite. Intte phalqqettidi ekettido shuchchaanne intte bookettidi kiyido ollaa xeellite.

Isiyaasa 51:2

Intte aawaa Abrahaamakkonne inttena yelida Saarikko xeellite. I barkka de7ishin, taani a xeesaas; xeesada anjjaasinne qoodan corayaas.

Isiyaasa 58:2

SHin eti tana hachchi hachchi koyoosona; ta ogiyaakka kaallanau dosiyaabaa milatoosona. Xillobaa oottida kawotettadaaninne Xoossaa azazuwaa olibeenna asadan, eti tana suure pirddaa oichchoosona; taakko Xoossaakko shiiqanaukka dosoosona” yaagees.

Isiyaasa 62:8

GODAI ba ushachcha kushiyaaninne ba wolqqaama qesiyan hagaadan yaagidi caaqqiis; “Taani naa77antto intte kattaa intte morkketussi quma oottada immikke; qassi intte daafurido intte woine eessaakka allagati uyokkona.

Isiyaasa 64:6

Nuuni ubbaikka tuna asa gidida; nu xillotetta ooso ubbaikka qita curqqa mala. Nuuni ubbaikka bonccodan shullida; nu nagarai nuna carkkodan, pittidi efiis.

Isiyaasa 65:16

He biittan anjjuwaa koyiya ubbai tumatettaa Xoossai anjjanaadan woossana. He biittan caaqo caaqqiya ubbaikka tumatettaa Xoossan caaqqana; aissi giikko, kase metoti dogettidosona; ta aifiyaa sinttaappekka geemmidosona” yaagees.

Ermmaasa 4:2

intte tuman, suuretettaaninne xillotettan, 'GODAI ero!' giidi caaqqikko, he wode kawotettati an anjjettananne an ceeqqana” yaagees.

Ermmaasa 44:26

“Gidikkonne, inttenoo, Gibxxe biittan de7iya Yihudaa asatoo, GODAI giyoobaa siyite! GODAI hagaadan yaagees; 'Hagaappe hini baggan Gibxxe biittan de7iya Yihudaa asaappe issoinne ta sunttan, “Ubbaa Haariya GODAI ero!” giidi caaqqenna mala, taani ta gita sunttan caaqqaas.

Ermmaasa 5:2

SHin eti, 'GODAI ero' giikkokka, eti tumuppe wordduwan caaqqoosona” yaagees.

Wogaabaa 19:12

“'Ta sunttan wordduwan caaqqoppite; yaatidi intte Xoossaa sunttaa tunissoppite. Taani GODAA.

Mikiyaasa 2:7

Yaagin taani eta, “Inttenoo Yaaqooba zaretoo, 'GODAA Ayyaanai danddayanchcha gidenneeyye? I hegaa malabaa oottiiyye?' yaagidi intte oichchanau bessii?” yaagaas. GODAI hagaadan yaagees; “Suure ogiyan biyaageetuyyo ta qaalai lo77obaa oottees gidennee?

Sofonaasa 1:5

Keettaa bollan dembbayidi oottidosaa kiyidi, awaassi, aginaassinne xoolinttetussi goinniyaageeta taani xaissana. GODAASSI goinniiddinne a sunttan caaqqiiddi, qassi Molooka giyo eeqaa sunttan caaqqiyaageeta taani xaissana.

Zakkaariyaasa 5:3

Yaagin i tana hagaadan yaagiis; “Ha xaatta maxaafaa giddon de7iyaagee biitta ubbaa bollan yiya qanggettaa. He maxaafan issi baggaara, 'Wuuqqiya ubbi biittaappe xayana' yaagiyaagee xaafettiis; qassi hinkko baggaara, 'Wordduwan caaqqiya ubbi xayana' yaagiyaagee xaafettiis.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Qoodaabaa 24:7

Etau daro haattai pulttana; eta zerettau gidiya haattai de7ana. Eta kawoi Kawuwaa Agaagappe gitatana; eta kawotettaikka bonchchettana.

Maatiyoosa 23:13

“Lo77o milatiya iitatoo, higgiyaa tamaarissiyaageetoonne Parisaawetoo, asaayyo saluwaa kawotettaa intte gorddiyo gishshau, intteyyo aayye7ana; aissi giikko, intte huuphiyaunne gelekketa; qassi gelanau koyiyaageetanne gelissekketa.

Yohaannisa 1:47

Naatinaa7eeli baakko yiyaagaa Yesuusi be7idi, “Genee bainna tumu Israa7eela asi hagaa!” yaagiis.

Yohaannisa 4:24

Xoossai ayyaana; qassi au goinniyaageeti ayyaanaaninne tumatettan goinnanau bessees” yaagiis.

Roome 2:17

SHin neeni nena Aihuda gaasa; higgiyan zemppada Xoossan ceeqettaasa;

Roome 9:6

SHin taani, “Xoossai immana giidoogee attana” yaagikke. Aissi giikko, Israa7eela asa ubbati Xoossai dooridoogeeta gidokkona.

Roome 9:8

hegaa giyoogee eti Xoossai immana giido ogiyan yelettida naatu zaredan qoodettana; shin asa qofaadan yelettidaageeti Xoossaa naata gidokkona yaagiyoogaa.

Zaarettido Wogaa 10:20

GODAAYYO, intte Xoossaayyo, yayyite; ayyo oottite; aara ohettite; a sunttankka caaqqite.

Zaarettido Wogaa 33:28

Hegaa gishshau, Israa7eela asai, saluwaa irai bukkiyoosan, qumainne woiniyaa eessai kumido biittan, bochchiyaabi bainnan sarotettan de7ana.

Zaarettido Wogaa 5:28

“Intte taayyo haasayishin, GODAI intte giyoogaa siyidi, tana hagaadan yaagiis; 'Ha asai neeyyo yootidobaa ubbaa siyaas; eti giidobaa ubbaa likke giidosona.

Zaarettido Wogaa 6:13

GODAAYYO, intte Xoossaayyo, yayyite; a xallaayyo goinnite; a sunttankka caaqqite.

Koiro Ximootiyoosa 4:2

Hagaa mala timirttee zoriya wozanai taman bonqqida biratan xuuggidobaadan donjjillida worddanchcha asatu baggaara yiis.

Ajjuutaa 2:9

““‘Taani ne waayiyaanne ne hiyyeesatettaa erais; shin neeni dure. Aihuda gidennan de7iiddi banttana, ‘Nuuni Aihuda’ giyaageeti cayiyo cashshaa taani erais; shin eti Seexaanaa maabaran de7oosona.

Ajjuutaa 3:9

Be7a, Aihuda gidokkona shin banttana, ‘Nuuni Aihuda’ giidi worddotiya Seexaana Aihuda woosa keettata taani ehaada, ne sinttan goinissananne nena siiqiyoogaakka eta erissana.