Isiyaasa 47:10 - Wolaytta Bible

¹⁰ “Neeni ne iitatettan ammanetta uttadasa; qassi, 'Tana ooninne be7enna' yaagadasa. Ne aadhdhida eratettainne cinccatettai nena wora kaalettin, neeni ne wozanan, 'Tana, taappe attin, hari baawa' yaagadasa.

Isiyaasa 47:10 Iomraidhean Croise

Mazamure Maxaafaa 10:11

I ba wozanan, “Xoossai tana dogiichchiis. Ba som77uwaa taappe genttiichchiis; mulekka i be7enna” yaagees.

Mazamure Maxaafaa 52:7

“Xoossaa baayyo qato oottibeenna, ba duretettaa daruwan ammanettida, iita oosuwan minnida bitaniyaa hagaa be7ite!” yaagana.

Mazamure Maxaafaa 64:5

Eti bantta iita maqquwaassi issoi issuwaa minttettoosona; bantta piriyaa qottiyoosaa zorettoosona. Eti, “A ooni be7anee?” yaagoosona.

Eranchchaa Maxaafaa 8:8

SHemppoi shaahettidi biyo gallassi oiqqidi, teqqanau danddayiya asi baawa; woikko haiqoi ba gallassan yeennaadan digganau danddayiya asikka baawa. Hegee ooninne kessi ekkanau danddayenna ola. Hegaa gishshau, haiquwaa sinttan iitatetti iitaa oottiya uraa ashshi ekkenna.

Isiyaasa 28:15

Intte, “Nuuni haiquwaara maacettida; Si7ooliyaarakka caaqettida; nuuni wordduwaa nuussi qato oottido gishshaunne malttiyaa nuussi qosetti attiyo soho oottido gishshau, hanttaara boshai yiidikka nuna bochchennan aadhdhana” yaagidi ceeqetteeta.

Isiyaasa 29:15

Bantta halchchuwaa ciimmayidi, GODAAPPE qottiyaageetussi, bantta oosuwaa xuman oottiiddi, “Nuna ooni be7ii? Nuna ooni erii?” yaagiyaageetussi aayye7ana!

Isiyaasa 44:20

I bidinttaa mees; a cimettida wozanai a wora kaalettiis. I ba shemppuwaa ashshanau woikko, “Ta ushachcha kushiyan de7iyaagee eeqappe attin, Xoossaa gidenna” gaanau danddayenna.

Isiyaasa 47:8

“Nenoo woppu gaada uttidaareenne ishaluwaa dosiyaaree, siya. Ne wozanan, 'Tana; taappe attin, hari baawa. Taani am77e kiyikke; woikko yelada na7i bainna maine gidikke' yaagadasa.

Isiyaasa 5:21

Banttana, “Taani aadhdhida eranchcha! Taani cincca gidikkinaa!” yaagi qoppiyaageetuyyo aayye7ana!

Isiyaasa 59:4

Xillotettan mootiyai baawa; tumatettan pirddiyaikka baawa. Eti mela palaman ceeqettoosona; wordduwaa haasayoosona. Qassi metuwaa shahaaridi, iitatettaa yeloosona.

Ermmaasa 23:24

Taani be7ennaadan, geema sohon bana qottanau asi danddayii? Saluwaaninne sa7an kumidaagee tana GODAA gidikkinaa?” yaagees.

Ermmaasa 9:23

GODAI hagaadan yaagees; “Aadhdhida eranchchai ba eran ceeqqoppo; wolqqaamai ba wolqqan ceeqqoppo; woikko duree ba duretettan ceeqqoppo.

Hizqqeela 8:12

Qassi i tana hagaadan yaagiis; “Laa asa na7au, hagaa Israa7eela asaa cimati ubbaikka xuman bantta eeqa misiliyaa keettan eti oottiyoobaa be7ai? Aissi giikko, eti, 'GODAI nuna be7enna; GODAI ha biittaa aggiis' yaagoosona” yaagiis.

Hizqqeela 9:9

I zaaridi, taayyo hagaadan yaagiis; “Israa7eelanne Yihudaa nagarai keehi dariis; biitta ubban suuttaa gussiyaageeti kumidosona; qassi katama ubban tumu pirddaa geellayiyaageeti kumidosona. Aissi giikko, asai, 'GODAI ha biittaa aggiis; GODAI be7enna' yaagoosona.

Daaneela 4:27

Hegaa gishshau, kawuwau, ta zoriyaa ekka. Nagaraa oottiyoogaa aggada, xillobaa ootta; huqqunnettidaageeta naaqqiyoogaa aggada, etau qaretta. Yaatin, geella neeni saro de7ana wodee aduqqikkonne' yaagiis.

Sofonaasa 2:15

Ha katamai, “Tana! Taappe attin, harai baawa” yaagidi otorettiiddi de7idaagaa; shin i ha77i do7ati geessiyo baisa soho gidiis. A lanqqiyaara aadhdhiya ubbai daroppe garamettidi, bantta kushiyaa qaattiiddi, “Poora!” gaana.

Roome 1:22

Eti banttana aadhdhida eranchcha goosona; shin eti eeyya.

Koiro Qoronttoosa 3:19

Aissi giikko, ha sa7aa aadhdhida eratettai Xoossaa sinttan eeyyatetta. Xoossaa maxaafai, “Xoossai aadhdhida eranchchata eta geniyan oiqqees” yaagees.