Isiyaasa 43:2 - Wolaytta Bible

² Neeni haattaa gidduwaara pinniyo wode, taani nenaara gidana. Neeni shaafatu gidduwaara pinniyo wodekka eti nena muukkokkona. Neeni tamaa giddoora aadhdhiyo wode, xuugettakka; lacoikka nena meenna.

Isiyaasa 43:2 Iomraidhean Croise

Iyyooba Maxaafaa 5:19

Usuppun qommo metobaappe i nena ashshana; laappunttikka nena bochchenna.

Mazamure Maxaafaa 23:4

Neeni ta GODAI tanaara de7iyo gishshau, taani haiquwaa milatiya xumaa giddoora biikkokka, iitabau yayyikke. Ne gatimainne ne guufee tana minttettoosona.

Mazamure Maxaafaa 32:6

Hegaa gishshau, Xoossaa asa gidiya ooninne, neeni beettishin, nena woosso. Gita haattai kixxiyo wode, tumuppe he uraa gakkenna.

Mazamure Maxaafaa 66:10

Abeet Xoossau, neeni nuna qoradasa; biraa geeshshanau seerissiyoogaadan nuna paaccadasa.

Mazamure Maxaafaa 66:12

Morkketi nu huuphiyaara togganaadan oottadasa. Nuuni haatta giddooranne tama giddoora kanttida; shin ha77i nuna ishaliyoosaa ehaadasa.

Mazamure Maxaafaa 91:15

I tana xeegiyo wode, taani ayyo koyana. Metuwan taani aara issippe gidana; taani a ashshananne bonchchana.

Kessaabaa 14:29

SHin Israa7eelati abbaa gidduwaara mela biittan hemettidi, haattai etau ushachchaaranne haddirssaara godadan eqqidaashin biidosona.

Kessaabaa 3:12

Yaagin Xoossai a, “Taani nenaara gidana; qassi taani nena kiittidoogau malaatai hagaa: neeni he asaa Gibxxeppe kessido wode, ha deriyaa bollan intte Xoossau goinnana” yaagiis.

Isiyaasa 29:6

Ubbaappe Wolqqaama GODAI dadan, biittaa qaattan, gita cenggurssan, gotiyan, carkkuwaaninne miya tamaa lacuwan inttena xomoosona.

Isiyaasa 30:27

Be7ite, GODAA sunttai suulliya hanqquwaara, sikkida cuwaa shaaraara haahosaappe yaana; a doonai hanqqoi kumidoogaa; a inxxarssaikka miya tama.

Isiyaasa 41:10

Taani nenaara de7iyo gishshau yayyoppa; taani ne Xoossaa gidiyo gishshau dagammoppa. Taani nena minttana; qassi taani nena maaddana. Taani nena ta xooniya ushachcha kushiyan kaafada oiqqana.

Isiyaasa 41:14

Nenoo guxuniyau, Yaaqoobaa, inttenoo Israa7eela asau, yayyoppite; taani inttena maaddana. Taani, inttena woziyaagee, Israa7eela Geeshshaa' yaagais.

Isiyaasa 43:5

“Taani nenaara de7iyo gishshau yayyoppa; taani ne zerettata arshshoppenne arggoppe shiishshada ehaana.

Ermmaasa 42:11

Intte ha77i yayyiyo Baabiloone kawuwaassi ainne yayyoppite! Inttena a kushiyaappe ashshanau taani inttenaara de7iyo gishshau yayyoppite! Taani GODAI hagaa odais.

Ermmaasa 46:28

Inttenoo, ta ashkkaratoo, Yaaqooba zaretoo, taani GODAI inttenaara de7iyo gishshau, yayyoppite! Taani inttena laalido kawotettata ubbaa muleera xaissana; shin inttena muleera xaissikke. Taani inttena likke pirddan qaxxayana; qixaatee bainnan inttena muleera coo yeddikke. Taani GODAI hagaa odais” yaagees.

Daaneela 3:23

Ha heezzu qashettida asati, Sidiraaqi, Misaaqinne Abddanaagoi, eexxiya itoone tamaa giddo wodhdhidosona.

Hagge 1:13

Yaatin, GODAI kiittido Haggee asaa, “Asau, GODAI inttena, 'Taani inttenaara de7ais' yaagees” yaagidi GODAA kiitaa asaayyo yootiis.

Zakkaariyaasa 13:9

Ha attida heezzantto kushe asaa taani taman yeggana; yeggada birai taman geeyiyoogaadan, eta geeshshana; qassi worqqai paacettiyoogaadankka paaccana. Hegaappe guyyiyan, eti ta sunttan woossana; taanikka etayyo siyana. Taani, 'Hageeti ta asata' yaagana. Etikka, 'GODAI nu Xoossaa' yaagana” yaagees.

Milkkiyaasa 4:1

Ubbaappe Wolqqaama GODAI hagaadan yaagees; “Be7ite, coociyaa tamaadan eexxiya gallassai matattiis; otorettiyaageetinne iitaa oottiyaageeti ubbai utula mala gidana. He yiya gallassai eta xuuggana; etayyo xaphuwaa xeeraakka ashshenna.

Naa77antto Ximootiyoosa 4:17

SHin taani kumetta kiitaa Aihuda gidenna asai ubbai siyanau yootana mala, Godai ta matan eqqidi, taayyo wolqqaa immiis. Qassi gaammuwaa doonaappekka tana ashshiis.

Naa77antto Ximootiyoosa 4:22

Godai Yesuus Kiristtoosi ne ayyaanaara gido. Xoossaa aaro kehatettai inttenaara ubbaara gido. Amin77i.

Ibraawe 11:29

Israa7eela asai mela biittan hemettiyoogaadan, Zo7o Abbaa pinnidoogee ammanuwaana; shin Gibxxe asati geli be7ishin, haattai eta mitti aggiis.

Yaasu Maxaafaa 1:5

Neeni de7ido laitta ubban ai asinne nena olidi teqqenna. Taani Muuseera gididoogaadan, nenaarakka gidana; taani nena mulekka yeggikkenne aggikke.

Yaasu Maxaafaa 1:9

Minna; xala! Ne biyo soho ubban taani GODAI ne Xoossai nenaara de7iyo gishshau, yayyoppa! Hirggoppa! Hagaa ubbaa taani nena azazaas” yaagiis.