Isiyaasa 42:11 - Wolaytta Bible

¹¹ Bazzoinne bazzon de7iya katamati, qassi Qeedaare asai de7iyo moottatikka bantta qaalaa xoqqu oottona. Selaa7a giyo kataman de7iyaageetikka deriyaa huuphiyaappe bantta ililssaa sissona.

Isiyaasa 42:11 Iomraidhean Croise

Doomettaabaa 25:23

Bin GODAI iyyo, “Ne uluwan naa77u kawotettai de7ees; qassi ne giddon de7iya naa77u dere asati issoi issuwaappe shaahettana; issi dere asati hinkkootuppe minnana; qassi bairai kaaluwaayyo azazettana” yaagiis.

Mazamure Maxaafaa 120:5

Aayyee tanoo! Inttenaara de7iyoogee Mesheka woikko Qeedaare asaara de7iyoogaa mala iita.

Isiyaasa 12:5

GODAI gita oosuwaa oottido gishshau, ayyo yexxite. Hagee sa7a ubban eretto.

Isiyaasa 16:1

Moo7aaba asai bazzo biyo ogiyan de7iya Selaa7a katamaappe yelaga dorssa orggeta Yerusalaamen de7iya biittaa haariyaagaayyo yeddite.

Isiyaasa 21:16

Hegaappe guyyiyan, Godai tana hagaadan yaagiis; “Konttiraate oosanchchaa wodiyaadan, mexi issi laittaa giddon Qeedaare bonchchoi ubbai wurana.

Isiyaasa 32:16

Hegaappe guyyiyan, suure pirddai mela bazzon, xillotettaikka aradda biittan de7ana.

Isiyaasa 35:1

Bazzoinne mela biittai ufaittana; bazzoi ufaissaa poocu giiddi, ciishshaa ciyyana.

Isiyaasa 35:6

Wobbeti genessadan guppana; duudetikka ufaissan yexxana; bazzon haattai melosan pulttoi xuuqqana.

Isiyaasa 40:3

Issi hagaadan yaagiya cenggurssai siyettees; “Bazzuwan GODAA ogiyaa giigissite; nu Xoossaayyo mela biittan aaho ogiyaa sitti oottite. Wombba ubbai xoqqu gaana; deree ubbainne kerai ubbai ziqqi gaana. Moorettida ogee salallana; kirttaakirtto biittaikka dembbattana.

Isiyaasa 43:19

Be7ite, ha77i taani oorattabaa oottais; ikka ha77i mokkees. Intte hegaa erekketiiyye? Taani bazzon ogiyaa, mela biittankka shaafata kessana.

Isiyaasa 52:7

Lo77o mishiraachchuwaa ehiya, sarotettaa yootiya, ufaissiya mishiraachchuwaa yootiya, atotettaa yootiyaanne, Xiyoonekka, “Ne Xoossai kawotees” giiddi deretu bollaara yiya bitaniyaa tohoti aiba lo77iyoonaa!

Isiyaasa 60:7

Qeedaarenne Nabaayoota dorssaa wudeti ubbai yarshshuwaassi ta yarshsho sohuwaa neekko shiiqana; qassi taanikka ta bonchcho keettaa bonchchana.

Ermmaasa 21:13

GODAI hagaadan yaagees; “Nenoo, Yerusalaamee, neeni dembban de7iya zaalladan, dilbbaappe pude xoqqu gaada beettaasa; shin taani nenaara olettana. Neeni, 'Ooninne ta bolli xalenna woikko ta de7iyoosaa gelenna' yaagaasa;

Ermmaasa 48:28

“Inttenoo, Moo7aaban de7iyaageetoo, katamaappe kiyi biidi, shuchchaa kooppuwaa giddon de7ite. Aafuwaa doonan ba keettaa keexxiya haraphphee mala gidite.

Ermmaasa 49:31

“Naabukadanaxooraa, dendda! Denddada hirggi bainnan saro de7iya kawotettatu bolli woraajja! Taani GODAI hagaa odais. Eta katamaa gimbbiyau ifitti woikko hiraqoi baawa. Eti banttarkka de7oosona.

Hizqqeela 27:21

Arabatinne Qeedaare biittaa halaqati ubbai ne zal77e miishshaassi dorssa marata, dorssa orggetanne deeshshata ehiidi zal77idosona.

Abddiyyu 1:3

Nenoo, zaallaa kooppuwaa giddon de7iyaagoo, ne keettaa xoqqa deretu bollan keexxidaagoo, qassi ne wozanan, 'Tana hagaappe duge ooni wottii?' yaagiyaagoo, nena ne wozanaa otoroi cimmiis.

Naahooma 1:15

Be7ite, issi kiitettidaagee lo77o mishiraachchuwaa odiiddinne sarotettaa awaajjiiddi, xoqqa deretu bollaara gakkiis. Inttenoo, Yihudaa asatoo, intte morkketi muleera xayidosona; eti naa77antto intte biittaa woraajjokkona. Hegaa gishshau, intte baalata bonchchite; intte shiiqqidobaakka gattite.