Isiyaasa 41:12 - Wolaytta Bible

¹² Nenaara ooyettiyaageeta neeni koyana; shin neeni eta demmakka. Nenaara olettiyaageeti kasekka bainnabaadan, shufuro gididi xayana.

Isiyaasa 41:12 Iomraidhean Croise

Isiyaasa 17:14

Sa7ai qammiyo wode, eti shabbirettana; sa7ai wonttanaappe kasetidi, eti xayiichchana; nubaa wolqqan ekkiyaageetu qaadainne nuna bonqqiyaageetu saamai hagaa.

Isiyaasa 29:8

Namisettida asi aimuwan mees; shin beegottiyo wode a namisai aggenna; woikko saamettida asi aimuwan uyees; shin beegottiyo wode daafurees; saamuwaakka alibeenna; Xiyoone Deriyaa oliya cora kawotetta ubbai hegaadan hanana.

Isiyaasa 34:12

He biittan kawotiyaabi xayana; halaqatikka hegaappe kichchana.

Isiyaasa 49:25

SHin GODAI hagaadan yaagees; “Wolqqaami omooddidi efiidobai simmana; meqetti bainna iitatu kushiyan omoodettida asikka kessi ekkana. Aissi giikko, nenaara olettiyaageetuura taani olettana; ne naatakka taani ashshana.

Sofonaasa 3:19

Be7a, he wode taani nena huqqunnidaageeta ubbaa qaxxayana. Taani wobbeta ashshana; laalettidaageetakka shiishshana. Taani eta kaushshaa bonchchuwau laammana; yaatobare sa7an de7iya asa ubbaa matan eta sunttai erettidaagaa gidana.