Isiyaasa 30:7 - Wolaytta Bible

⁷ Aissi giikko, Gibxxe maadoi waagi bainnabaanne mela. Hegaa gishshau, taani a, “Co77u giidi uttida Ra7aaba” yaagada sunttaas.

Isiyaasa 30:7 Iomraidhean Croise

Iyyooba Maxaafaa 9:13

Xoossai ba hanqquwaa teqqenna; Ra7aaba giyo miimminttiyaa maaddiya ba morkketa ba tohuwaappe garssau aattidi yedhdhees.

Mazamure Maxaafaa 87:4

“Taani taayyo azazettiya kawotettata mazggafiyo wode, Gibxxenne Baabiloone gatta mazggafana; Pilisxxeema, Xiiroosenne Toophphiyaa asaa Yerusalaamen de7iya asaara issippe qoodana” yaagees.

Mazamure Maxaafaa 89:10

Neeni Ra7aaba giyo abbaa demiyaa wori yeggidobaadan mentterettadasa; ne morkketa ne wolqqaama qesiyan laaladasa.

Kessaabaa 14:13

SHin Muusee asaa, “Yayyoppite; minni eqqite; GODAI hachchi inttena ashshiyo ashettaa intte be7ana. Hachchi intte be7iyo Gibxxeta naa77antto mulekka be7ekketa.

Leemiso Maxaafaa 25:19

Metuwaa wode ammanettenna uran zemppiyoogee qaaxxiya achchan coommiyoogaanne silida tohuwan hemettiyoogaa mala.

Isiyaasa 10:3

Haaho biittaappe yiya metuwan i inttena qaxxayiyo wode, waanuuteetii? Maaduwaa demmanau ookko baqatuuteetii? Intte duretettaa awan qottuuteetii?

Isiyaasa 2:22

Simmi haiqqiya asan ammanettiyoogaa aggite! Asi ai maaddii?

Isiyaasa 20:6

Abbaa lanqqiyan de7iya asai he gallassi hagaadan yaagana; 'Be7ite, nuuni Asoore kawuwaappe attanau maaddoosona giidi nu ufaissaa wottidonne etakko baqatido asaa bolli hagee gakkiis; yaatin, nuuni waanidi kessi ekkanau danddayiyoonii?' yaagana” yaagiis.

Isiyaasa 28:12

I etau hagaadan yaagiis; “Hagee shemppuwaa. Xalalidaagaa shemppissite. Hagee shemppi ekkiyo soho” yaagiis. SHin eti siyennan ixxidosona.

Isiyaasa 30:15

Ubbaa Haariya GODAI, Israa7eela Geeshshai hagaadan yaagees; “Intte taakko simmiyoogaaninne shemppiyoogan attana; co77u giyoogeenne ammanettiyoogee intteyyo wolqqa gidana; shin intte ixxideta.

Isiyaasa 30:5

yeellappenne kaushshappe attin, haraabaa aibanne wodhdhenna asaa, aibanne maaddenna woikko go77enna asan ammanettida asi ubbi kauyyana” yaagees.

Isiyaasa 36:9

Neeni, 'Gibxxeti paraasatanne paraa gaareta taayyo yeddana' gaada ammanikkonne, ta godaa olanchchatu halaqatuppe issi laafiyaagaakka zaaranau danddayakka.

Isiyaasa 51:9

Abeet GODAU, beegotta! Beegotta! GODAA qesiyau, wolqqaa maaya; kase aadhdhida wodetuuninne yeletatun beegottidoogaadan beegotta. Ra7aaba giyo demiyaa qanxxerettidaagee, miimminttiyaakka caddidaagee nena gidikkiiyye?

Isiyaasa 7:4

Demmada ayyo hagaadan yaagada yoota; 'Naagetta; hirggoppa; Sooriyaa asaa, Kawuwaa Raxiinanne Ramaaliyaa na7aa hanqquwau yayyoppa; ne wozanaikka shabbirettoppo; aissi giikko, naa77u kawoti tamaappe attidi cuwattiya naa77u mitta duruma mala.

Ermmaasa 37:7

GODAI Israa7eela Xoossai hagaadan yaagees; “Tana intte oichchana mala, inttena kiittida Yihudaa kawuwaassi hagaadan yaagite; 'Be7ite, inttena maaddanau kiyida Gibxxe kawuwaa olanchchati bantta biitti simmidi baana.

Ermmaasa Zilaassaa 3:26

Hegaa gishshau, asi GODAI ashshiyo ashettaa danddayan naagikko lo77o.

Hoose7a 5:13

“Efireemi ba harggiyaa, Yihudaikka ba masunttaa be7ido wode, Efireemi Asoore biitti biis; biidi he biittaa haariya gita kawuwaa maaduwaa oichchiis. SHin i eta harggiyaa xallanau woikko eta masunttaa pattanau danddayibeenna.