Isiyaasa 27:9 - Wolaytta Bible

⁹ Hegaa gishshau, Yaaqooba mooroi atto geetettanainne a nagarai polo qucettanai hagaana: hegeekka yarshshiyoosaa shuchchaa ubbaa i meqerettida booqintta shuchchaadan oottiyo wodenne, Asheero giyo macca xoossee misilee, woikko ixaanaa cuwayidi, yarshshiyoosaikka equwan attennaadan oottiyo wode.

Isiyaasa 27:9 Iomraidhean Croise

Kawotu Maxaafaa Naa77anttuwaa 10:26

Gelidi Ba7aala Eeqa Keettaappe eeqa tuussata kessidi xuuggidosona.

Kawotu Maxaafaa Naa77anttuwaa 23:14

Kawoi Yoosiyaasi goinniyo shuchcha tuussatakka mentterettidi, Asheero giyo xoossee misiletakka qanxxerettiis. Yaatidi eti eqqido sohuwan haiqqida asaa meqettaa kunttiis.

Kawotu Maxaafaa Naa77anttuwaa 25:9

Gelidi GODAA Beeta Maqidasiyaa, kawo keettaanne Yerusalaamen de7iya keetta ubbaa xuuggiis; gita keetta giyo keetta ubbaa eetti wurssiis.

Hanidabaa Odiya Naa77antto Maxaafaa 14:5

Qassi goinniyo xoqqa sohotanne ixaanaa cuwayiyo sohota Yihudaa katamaa ubbaappe xaissiis. Xaissin a kawotettaa laittan biittai woppaa demmiis.

Hanidabaa Odiya Naa77antto Maxaafaa 34:4

I eqqidi azazin, Ba7aalayyo yarshshiyo sohota laalidosona; etappe bollaara de7iya ixaanaa cuwayiyoobatakka qanxxerettidosona. Asheeri misileta, massi giigissido eeqatanne seerissi medhdhido misileta kinchcheretti liiqissidi, xiille kessidosona; yaatidi he xiilliyaa etayyo goinniya asatu duufuwan laalidosona.

Hanidabaa Odiya Naa77antto Maxaafaa 36:19

Hegaappe guyyiyan, Baabiloone olanchchati Xoossaa Beeta Maqidasiyaa taman xuuggidi, Yerusalaame dirssaa gimbbiyaakka laalidosona. Kawo keettata ubbaa taman xuuggidi, yan de7iya al77o miishsha ubbaa xaissidosona.

Mazamure Maxaafaa 119:67

Taani qaxxayettanaappe kase wora hemettaas; shin ha77i ne qaalau azazettais.

Mazamure Maxaafaa 119:71

Taani qaxxayettidoogee tau lo77iis; aissi giikko, ne awaajjuwaa tamaaranaassi tana maaddiis.

Kessaabaa 34:13

Eti yarshshiyo sohota qolite; eti goinniyo shuchchatakka mentterettite; qassi Asheero giyo eta macca xoossee misiletakka qanxxeretti olite.

Leemiso Maxaafaa 20:30

Mino qixaatee iitatettaa shoddees; wadhdhiyoogee iita wozanaa laammanau danddayees.

Isiyaasa 1:29

Bassaa wottanau dosido wolaa gishshau, intte yeellatana; intte doorido kaashshaa gishshaukka intte kauyyana.

Isiyaasa 17:8

Eti bantta kushiyan giigissido yarshshiyoosaa xeellokkona; Asheero giyo eeqee misiliyaa gidinkka, ixaanaa cuwayiyoosaa gidinkka, eti bantta biradhdhiyan medhdhidoban ammanettiyoogaa aggana.

Isiyaasa 30:22

Hegaappe guyyiyan, biran alleeqettida eeqatanne worqqan kamettida misileta intte tunissana. Qita curqqadan intte eta, “Nuuppe haakkite” yaagidi wora olana.

Isiyaasa 4:4

Godai Xiyoone maccaasatu qitaa meeccana; pirddiyoogaaninne xuuggiyoogan suuttaa gussiyo mooruwaa Yerusalaameppe i geeshshana.

Isiyaasa 40:2

Yerusalaamessikka, a omooduwan de7ido wodee polettidoogaa, i nagarai atto geetettidoogaa yootite; i nagaraa gishshau, GODAI o naa77u dakko qaxxayidoogaa yootite” yaagees.

Isiyaasa 48:10

Be7a, taani nena paaccaas; shin biraadan gidenna; taani nena metuwaa taman paaccaas.

Hizqqeela 11:18

“Eti guyye simmidi yiidi, sheneyiya misiliyaanne tuna eeqaa biittaappe xaissana.

Hizqqeela 20:38

Makkalanchchatanne nagaranchchata taani intte giddoppe diggana; ha77i eti de7iyo biittaappe taani eta kessana; shin eti Israa7eela biittaa gelennaadan teqqana. Taani GODAA gidiyoogaa intte hegan erana” yaagees.

Hizqqeela 6:4

Intte yarshshiyo sohoti qolettana; qassi intte ixaanaa cuwayiyo sohotikka meqerettana. Taani intte asaa intte eeqatu sinttan worana.

Daaneela 11:35

Aadhdhida eranchchatuppe unddennaageeti xubettana. Hegaadan hanidi, wurssettaa wodee gakkanaashin, eti paacettidi kiyana, geeyananne boree bainnaageeta gidana. Aissi giikko, Xoossai keerido wodee biron gakkiichchibeenna.

Hoose7a 14:8

Hagaappe sinttan Efireema asai eeqa misileera gaittenna; taani intte woosaa siyananne inttena naagana. Taani irxxa zigaa mala; intteyyo anjjo ubbai taappe beettana” yaagees.

Wogaabaa 26:30

Intte goinniyo xoqqa sohota taani kolana; intte ixaanaa yarshshiyo sohuwaakka xaissana. Taani intte ahaa intte eeqatu ahaa bollan olana; taani inttena mule shenetana.

Mikiyaasa 5:11

Taani ne biittaa katamata xaissana; ne qatotakka ubbaa laalana.

Zakkaariyaasa 13:2

He gallassi taani eti naa77antto hassayettennaadan, eeqatu sunttaa biittaappe xaissana. Qassi hananabaa yootiyaageetanne tuna ayyaanaa biittaappe xaissana. Taani Ubbaappe Wolqqaama GODAI hagaa odais.

Roome 11:27

Taani eta nagaraa atto yaagiyo wode, etaara maacettana maachchai hagaa” yaagees.

Koiro Qoronttoosa 11:32

Nuuni pirddettiyo wode, ha sa7aara issippe pirddettenna mala, Godai nuna seerees.

Zaarettido Wogaa 12:3

Eti yarshshiyo sohota kolite; eta goinniyo shuchchatakka mentterettite; Asheero giyo eta xoossee misiliyaa taman xuuggite; masettida eta xoossatu misileta xaissite; eta sunttatakka he sohotuppe quccirggite.

Ibraawe 12:6

Aissi giikko, i ba siiqiyo uraa qaxxayees; qassi ba na7adan ekkiyo ubbaakka lissuwan garafees” yaagiis.