Isiyaasa 26:9 - Wolaytta Bible

⁹ Qamman taani nena laamotais; ta giddon de7iya ta ayyaanai tumuppe nena minttidi koyees. Aissi giikko, ne pirddai sa7an de7iyo wode, sa7an de7iya asai xillotettaa tamaarees.

Isiyaasa 26:9 Iomraidhean Croise

Hanidabaa Odiya Koiro Maxaafaa 16:14

I GODAA nu Xoossaa; a pirddaikka sa7aa ubbaa bollaana.

Mazamure Maxaafaa 105:7

I GODAA nu Xoossaa; a pirddaikka sa7aa ubbaa bollaana.

Mazamure Maxaafaa 119:55

Abeet GODAU, taani qammi ne sunttaa qoppais; ne higgiyaakka naagais.

Mazamure Maxaafaa 119:62

Ne xillo pirddaa gishshau, nena galatanau, taani qamma bilahe denddais.

Mazamure Maxaafaa 130:6

Sa7ai aude wonttanddeeshsha giidi naagiya qamma konttomatuppe aadhdhada, ee, taani etappekka aadhdhada Godaa laamotan naagais.

Mazamure Maxaafaa 58:11

He wode asai, “Tumakka xillotussi woitoi de7ees; tumakka sa7aa bolli pirddiya Xoossi de7ees” yaagana.

Mazamure Maxaafaa 63:1

Abeet Xoossau, neeni ta Xoossaa; ta wozanai nena laamotees; ta ashoikka nena amottees. Mela, qa77enne haatti bainna biittaadan ta kumetta asatettai nena saamettees.

Mazamure Maxaafaa 63:5

Asi oissa qumaa kalliyoogaadan, taani nena kallana. Taani ta inxxarssan ufaissaa yettan nena galatana.

Mazamure Maxaafaa 64:9

He wode asai ubbai Xoossaassi yayyana; a oosuwaabaa yootananne zaari zaaridi qoppana.

Mazamure Maxaafaa 78:34

Xoossai etappe woriyo wode, attidaageeti nagaraa paaxidi, Xoossaa mintti koyidosona.

Mazamure Maxaafaa 83:18

Ne xalaalai GODAA gidiyoogaa, ne Ubbaappe Xoqqiya Xoossai sa7aa ubbaa haariyoogaa eti erona.

Leemiso Maxaafaa 8:17

“Taani tana siiqiyaageeta siiqais; tana minttidi koyiyaageetikka demmana.

Isiyaasa 27:9

Hegaa gishshau, Yaaqooba mooroi atto geetettanainne a nagarai polo qucettanai hagaana: hegeekka yarshshiyoosaa shuchchaa ubbaa i meqerettida booqintta shuchchaadan oottiyo wodenne, Asheero giyo macca xoossee misilee, woikko ixaanaa cuwayidi, yarshshiyoosaikka equwan attennaadan oottiyo wode.

Isiyaasa 50:10

Intte giddoppe GODAASSI yayyiyaageenne a ashkkaraa qaalaassi azazettiyaagee oonee? Xuman hemettiyaageenne poo7oi bainnaagee i oonee? He urai GODAA sunttan ammanetto; ba Xoossankka zemppo.

Isiyaasa 55:6

GODAI beettiyo wode a koyite; matan de7iyo wode a xeesite.

Ermmaasa Zilaassaa 2:19

Dendda; qammi poo7oora denddada waassa. Godaa sinttan ne wozanaa haattaadan gussa. Ogiyaa doonan ubban namisettidi, labbanida ne naatu shemppuwaassi ne kushiyaa akko pude denttada woossa!

Ermmaasa Zilaassaa 3:25

Bantta hidootaa an wottiyaageetussinne a koyiyaageetussi GODAI lo77o.

Hizqqeela 5:15

Taani inttena ta hanqquwaaninne ta yiilluwan hanttaara pirddaa pirddido wode, intte intte yuushuwan de7iya kawotettatussi qilliicciyoobaanne cayiyoobaa, inttena be7ida asi naagettiyoobaanne daganttiyaabaa gidana. Taani GODAI hagaa odaas.

Hoose7a 5:15

Eti bantta mooruwaa akeekana gakkanaashiininne tana koyana gakkanaashin, taani guyye ta sohuwaa simmashshana. Eti bantta tuggau tana minttidi koyana” yaagees.

Maatiyoosa 6:33

SHin kasetidi, Xoossaa kawotettaanne a xillotettaa koyite; i intteyyo he ubbabaa immana.

Marqqoosa 1:35

Yesuusi maallado wonttimaattan denddidi, sooppe kiyidi, asi bainnasaa biis; biidi yaani Xoossaa woossiis.

Luqaasa 6:12

He wodiyan Yesuusi Xoossaa woossanau deree de7iyoosaa biis. Biidi qamma ubban Xoossaa woossiiddi aqiis.

Ajjuutaa 11:13

He saatiyan biittai wolqqappe qaaxxiis; qaaxxin katamaappe tammantta kushee xayiis. Qassi biittaa qaattan laappun sha7u asai haiqqiis. Haiqqennan attida asai keehi kokkori yayyidi, saluwaa Xoossaa gitatettaa sabbiis.