Isiyaasa 26:5 - Wolaytta Bible

⁵ Xoqqan de7iyaageetanne eta xoqqa katamaa ziqqi oottiis; i a kaushshees. Duge biittaa gakkanau ziqqi oottees; biittaa buhiyan oli bayees.

Isiyaasa 26:5 Iomraidhean Croise

Mazamure Maxaafaa 79:8

Kase nu aawatu iitatettaa nu bolli qoodoppa. Eesuwan ne maarotaa nuuyyo kiitta; aissi giikko, nuuni keehippe metootida.

Isiyaasa 13:11

GODAI hagaadan yaagees, “Taani ha sa7aa a iitatettaa gishshau, iitatakka eta nagaraa gishshau qaxxayana. Taani otoranchchatu otoruwaa shaarana; meqettaa iitatu otoruwaakka kaushshana.

Isiyaasa 14:13

Neeni ne wozanan, 'Taani saluwaa kiyana; ta kawotettaa araataakka Xoossaa xoolinttetuppe bollaara xoqqan wottana; huuphessa bagga gaxan, yaa7ai shiiqiyo deriyaa huuphiyan uttana.

Isiyaasa 2:12

Ubbaappe Wolqqaama GODAI issi gallassaa keeriis. He gallassi otorettiyaageeta, ayyiyaageetanne xoqqu xoqqu giidaageeta kaushshana;

Isiyaasa 24:10

Maaraa mankkaa xayida katamai laalettiis; ooninne gelennaadan, keetta ubbai gorddettiis.

Isiyaasa 25:2

Neeni katamaa shuchcha doore oottadasa; minuwan gimbbettida katamaa qoladasa. Allagatu kawo keettaakka naa77antto katama gidennaadan oottadasa. Simmidi mulekka keexettenna.

Isiyaasa 32:19

SHachchai woraa diippikkonne, qassi katamai muleera qolettikkonne,

Isiyaasa 47:1

GODAI hagaadan yaagees; “Bii Baabiloone geela7ee, duge wodhdha; wodhdhada baanan utta. Bii Kaladaawetu na7ee, ne kawotaa araataa aggada sa7an utta. Aissi giikko, hagaappe sinttanau neeni saaphotiyaaronne baalotiyaaro geetettakka.

Ermmaasa 51:37

Baabiloonee shuchcha doorenne worakanati de7iyo geesso gidana. Qassi a be7ida ubbai dagammananne, 'Poora!' gaana. An issi asinne naa77antto de7enna.

Ermmaasa 51:64

Olada, '“Taani GODAI a bollan ehiyo iitaa gaasuwan, Baabilooneekka hagaadan naa77antto denddennaadan muukettana” yaagais' yaaga” yaagiis. Ermmaasi haasayido qaalai hagan polettiis.

Ermmaasa Zilaassaa 2:2

Godai Yihudan de7iya keettata ubbaa qarettennan xaissiis. Qassi ba hanqquwan he biittaa qatota ubbaa koliis. He kawotettaanne a halaqata sa7an duge wottidi kaushshiis.

Hizqqeela 26:11

Eta parati ne giddon de7iya ogeta ubbaa yedhdhana. Ne asaakka bisuwan wurssana; ne wolqqaama tuussatikka sa7an kunddana.

Hizqqeela 28:17

Neeni puulanchcha gidiyo gishshau, daro otorettadasa; ne bonchchuwaa gaasuwan, ne aadhdhida eraa tunissadasa. Hegaa gishshau, taani nena sa7an olaas; hara kawoti nena qilliiccanaadan oottaas.

Ajjuutaa 18:2

He kiitanchchai ba qaalaa xoqqu oottidi, “A kunddaasu! Gita Baabiloona kunddaichchaasu! Baabiloona xalaheti aqiyo soho gidaasu; iita ayyaanati ubbatinne ixxiyo iita kafoti ubbati iini de7oosona.