Isiyaasa 26:20 - Wolaytta Bible

²⁰ Ta asatoo, haa yiite; yiidi intte soo gelidi, kariyaa intte bolli gorddite. GODAA hanqqoi aadhdhana gakkanaassi, guutta wodiyaa inttena qosite.

Isiyaasa 26:20 Iomraidhean Croise

Doomettaabaa 7:1

GODAI hegaappe guyyiyan Noha hagaadan yaagiis; “Neeni ne so asaa ubbaara markkabiyaa giddo gela; aissi giikko, taani ha wodiyaa yeletaa giddon neeni xillo gididoogaa be7aas.

Doomettaabaa 7:16

Xoossai Noha azazidoogaadan, mereta ubbaappe attumanne macca gididi, markkabiyaa giddo gelidosona; gelin Nohee giddon de7ishin, GODAI markkabiyaa penggiyaa gorddiis.

Iyyooba Maxaafaa 14:13

“Abeet Xoossau, neeni tana duufo giddon genttada, ne hanqqoi aadhdhana gakkanaashin qottidabaa gidarkkiishsha! Neeni taayyo keeruwaa immada, he gallassi tana hassayidabaa gidarkkiishsha!

Mazamure Maxaafaa 143:9

Abeet GODAU, taani neekko baqatido gishshau, tana ta morkketuppe ashsha.

Mazamure Maxaafaa 17:8

Ne aifiyaa na77iyaadan tana naaga; ne qefiyaa giddon tana qotta.

Mazamure Maxaafaa 27:5

Hegaa gishshau, metuwaa gallassan i tana ba de7iyoosan genttana; ba dunkkaaniyan i tana qosi ashshana. I tana xoqqa shuchchaa bollan essana.

Mazamure Maxaafaa 30:5

A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees.

Mazamure Maxaafaa 31:20

Neeni eta ne sinttan geema sohuwan genttada, asaa maqquwaappe ashshaasa. Neeni eta ne dunkkaaniyan qosada, inxxarssaa boshaappekka ashshaasa.

Mazamure Maxaafaa 32:7

Neeni taayyo qosettiyo soho; neeni tana metuwaappe naagana. Atotettaa yettaa yexxiyaageeta ta yuushuwan wottadasa.

Mazamure Maxaafaa 57:1

Tana maara; abeet Xoossau, tana maara; taani neekko baqatais. Taani bashshai aadhdhana gakkanaassi, ne qefiyaa giddo baqatada attais.

Mazamure Maxaafaa 57:2

Taani Ubbaappe Xoqqiya Xoossaassi, taassi ubbabaa oottiya Xoossaassi waassais.

Mazamure Maxaafaa 91:1

Ubbaappe Xoqqiya Xoossan naagettidi de7iyaanne Ubbaappe Wolqqaama Xoossaa kuwaa giddon aqiya asi GODAASSI yaagana, “Neeni taayyo qatonne baqata attiyo soho; neeni taani ammanettiyo ta Xoossaa” yaagana.

Mazamure Maxaafaa 91:4

I ba baalletun nena kammana; a qefetu garssi neeni baqatada qosetta attana. I ammanettiyaagaa; a tumatettai neeyyo gonddalle.

Mazamure Maxaafaa 94:13

Iitati kunddiyo ollai bookettana gakkanaassi, metoi gakkiyo gallassan neeni a shemppissaasa.

Leemiso Maxaafaa 18:10

GODAA sunttai mino gimbbe mala; xillo asi yaa woxxidi saro attana.

Leemiso Maxaafaa 22:3

Cincca asi iitaa be7idi, qosetti aattees; shin akeeki paccido asi metuwan gelidi qohettees.

Isiyaasa 10:25

Qii guutta wodiyaappe guyyiyan, taani inttena hanqqettiyoogaa aggana; hegaappe guyyiyan, ta hanqqoi eta xaissanau baana” yaagees.

Isiyaasa 10:5

Godai hagaadan yaagees; “Ta yiilluwau gatima gididanne ta eexxiya hanqquwau xam77a gidida Asoore biittaa asau aayye7ana!

Isiyaasa 13:5

GODAINNE i ba hanqquwaa polissanau go7ettiyo miishshati biitta ubbaa xaissanau, haaho biittaappe, salotu gaxaappe yoosona.

Isiyaasa 34:2

Aissi giikko, GODAI kawotetta ubbaa hanqqettiis; a yiilloikka eta tooranchchatu ubbaa bollaana. I eta muleera xaissana; eta siifiyaageetussi aattidi immana.

Isiyaasa 51:16

Salota miccanaadan, biittaa baasuwaakka baasanaadan, qassi Xiyoone, 'Neeni ta asa' gaanaadan, taani ta qaalaa ne doonan wottaas; ta kushiyaa kuwan taani nena genttaas” yaagees.

Isiyaasa 51:4

“Ta asau; taani yootiyoobaa siyite. Ta kawotettau, ne haittaa taakko yeggada ezgga. Aissi giikko, higgee taappe kiyees; ta suure pirddaikka kawotettatussi poo7o gidana.

Isiyaasa 66:14

Intte hegaa be7iyo wode, intte wozanai ufaittana; intte meqettaikka maataadan aacana. Qassi GODAA kushee a ashkkaratuura de7iyoogeenne a hanqqoi a morkketu bollan de7iyoogee erettana” yaagees.

Ermmaasa 31:14

Taani qeesetussi daro qumaa immana; ta asaikka ta kehatettan kallana. Taani GODAI hagaa odais” yaagees.

Ermmaasa 7:23

SHin taani etayyo ha azazuwaa immaas; 'Taayyo azazettite. Yaatikko, taani intte Xoossaa gidana; inttekka ta asaa gidana. Intteyyo lo77ana mala, taani inttena azaziyo oge ubban hemettite' yaagaas.

Hizqqeela 11:16

“Hegaa gishshau, neeni hagaadan yaaga; 'Ubbaa Haariya GODAI hagaadan yaagees; “Taani eta haaho kawotettatu giddo yeddikkokka, qassi biittatun laalikkokka, biido biittatun guutta wodiyau taani etaara gidana” yaagees' yaaga.

Daaneela 11:36

“Kawoi bana koshshaa oottana; xoossatu ubbaappe bollaara bana xoqqu oottidi gitayana; qassi xoossatu Xoossaa bolli kase siyetti erenna iita qaalaa haasayana. Hananau qofan qashetti uttidabai hananau de7iyo gishshau, Xoossaa hanqqoi polettana gakkanaashin, i oottiyoobai ubbai ayyo injjetana.

Sofonaasa 2:3

Inttenoo, biittan de7iya ashkketoonne a azazuwaa oottiya ubbatoo, GODAA koyite; xillotettaa koyite; qassi ashkketettaakka koyite. Yaatikko, ooni erii, GODAA hanqquwaa gallassi intte qosettidi attanaakkonne.

Maatiyoosa 23:37

“Yerusalaame katamaa asau, Yerusalaame katamaa asau, hananabaa yootiyaageeta intte woreeta; Xoossai inttekko kiittidoogeetakka shuchchan caddeeta; kuttiyaa ba marata ba qefiyan haphphiyoogaadan, taani intte asaa issi diri shiishshanau aapputoo koyidanaa! SHin tana diggideta.

Maatiyoosa 6:6

SHin intte Xoossaa woossiyo wode, intte soo gelite; kariyaa gorddidi, geeman de7iya intte Aawaa woossite; geeman be7iya intte Aawai intteyyo qoncciyan immana.

Naa77antto Qoronttoosa 4:17

Aissi giikko, ha77issau nuuni waayettiyo ha guutta waayee, ubbaappe keehi gitatiya merinaa bonchchuwaa nuuyyo beetissana.