Isiyaasa 26:14 - Wolaytta Bible

¹⁴ Eti haiqqidosona; simmidi paxa de7okkona. Neeni qaxxayin xayido gishshau, simmidi denddokkona. Eti hassayettiyoobaa ubbaa qucca xaissadasa.

Isiyaasa 26:14 Iomraidhean Croise

Iyyooba Maxaafaa 18:17

A woree biittaappe xayees; a sunttaikka sa7an hassayettennan attees.

Iyyooba Maxaafaa 24:20

Hari attin, yelida aayetikka eta hassayokkona. Guxunee eta ashuwaa mal77in mees. Eta iita oosoikka wullida mittaadan meqqana.

Iyyooba Maxaafaa 7:9

“SHaarai piskki giidi xayiyoogaadan, duufuwaa wodhdhida uri simmidi kiyenna.

Mazamure Maxaafaa 106:28

Hegaappe guyyiyan, eti Pa7ooran de7iya Ba7aala eeqaayyo goinniyaageetuura issippe gaittidosona; shemppoi bainna eeqatuyyo yarshshettida yarshshuwaa miidosona.

Mazamure Maxaafaa 109:13

A naati ubbai wuri xayona; kaalliya yeletan a sunttai dogetto.

Mazamure Maxaafaa 135:17

Haittai de7ees, shin siyokkona; eta doonan shemppoi baawa.

Mazamure Maxaafaa 36:12

Iita asati kunddidaageeta be7ite; eti kunddidosona; denddanaukka danddayokkona.

Mazamure Maxaafaa 59:5

Abeet Ubbaappe Wolqqaama GODAU Xoossau, Israa7eela Xoossau, kawotettata ubbaa pirddanau beegotta; makkalaa oottiyaageeta maaroppa.

Mazamure Maxaafaa 9:6

Morkketi merinaa xayuwaa xayidosona; qassi eta katamata muleera xoqollarggadasa. Eti muleera dogetti attidosona.

Kessaabaa 14:30

GODAI he gallassi Israa7eela asaa Gibxxetu kushiyaappe hagaadan ashshiis. Qassi Israa7eelati Gibxxeti haiqqidi zin77idaageeta abbaa doonan be7idosona.

Leemiso Maxaafaa 10:7

Xilluwaa sunttai anjjuwan xeesettiiddi, de7i aggees; shin nagaranchchatu sunttai sohuwaara dogettees.

Eranchchaa Maxaafaa 9:5

Paxa de7iya asati issitoo haiqqanau de7iyoogaa eroosona; shin haiqqidaageeti aibanne erokkona. Eti mulekka dogettiichchidaageeta gidiyo gishshau, ainne maaddokkona.

Isiyaasa 10:3

Haaho biittaappe yiya metuwan i inttena qaxxayiyo wode, waanuuteetii? Maaduwaa demmanau ookko baqatuuteetii? Intte duretettaa awan qottuuteetii?

Isiyaasa 26:19

Haiqqida ne asai paxana; eta ahaikka denddana. Inttenoo, biittaa buhiyaa giddon de7iyaageetoo, intte xaazai maallado xaazaa mala gidiyo gishshaunne, sa7aikka haiqqidaageeta zaarettidi immiyo gishshau, beegottitenne ufaissau yexxite.

Isiyaasa 29:6

Ubbaappe Wolqqaama GODAI dadan, biittaa qaattan, gita cenggurssan, gotiyan, carkkuwaaninne miya tamaa lacuwan inttena xomoosona.

Isiyaasa 37:19

Eta xoossata taman xuuggi xaissidosona; aissi giikko, eta xoossati wonikka asa kushee massidi kessido mittanne shuchcha gidiyo gishshau, tumu xoossata gidokkona; hegaa gishshau, eti eta xaissidosona.

Isiyaasa 8:19

“Saasukkidinne zuuzummidi haasayiya shareechchotanne moitilliyaa haasayissiyaageeta oichchite” yaagidi inttena zoriya asai de7ees. Haiqqidaageeta paxa de7iyaageetubaa oichchiyoogaappe, asai bantta Xoossaa oichchanau bessennee?

Maatiyoosa 2:20

a, “Dendda; na7aanne na7aa aayyiyo ekkada, Israa7eela biitti simma; aissi giikko, na7aa woranau koyiyaageeti haiqqiichchidosona” yaagiis.

Zaarettido Wogaa 4:28

Hegan intte mittaappenne shuchchaappe asa kushiyan giigida be7enna, siyenna, meennanne singgenna xoossatussi goinnana.

Ajjuutaa 20:5

Haiqqidaageetuppe attidaageeti sha7u laittai wurana gakkanaashin, haiquwaappe denddibookkona. Hegee koiro dendduwaa.