Isiyaasa 21:4 - Wolaytta Bible

⁴ Tana yiicoyees; tana yashshai kokkorssees; taani amottido omarssai taayyo kokkorssau laamettiis.

Isiyaasa 21:4 Iomraidhean Croise

Kawotu Maxaafaa Koiruwaa 1:49

Hegaa siyidi, Adooniyaa imattati ubbai dagammi denddidi, laalettidosona.

Asttiri Maxaafaa 5:12

Gujjidikka Hamaani hagaadan yaagiis; “Harai atto Kawiyaa Asttirakka ba giigissido gibiraassi kawuwaara baanau taappe attin, haraa oonanne xeegabeikku. Qassi wonttokka kawuwaara baanaadan tana xeesa wottaasu.

Mazamure Maxaafaa 55:5

Tana yashshainne kokkorssai oiqqiis; dagamai tana worirggiis.

Mazamure Maxaafaa 55:6

Taani, “Taayyo haraphphiyaadan qefee de7eerenneeshsha. Yaaniyaakko taani paallada baada shemppana shin;

Ermmaasa 4:19

Aayyee tanoo! Taani hagaa waata danddayanee! Aayyee ta wozanau! Ta wozanai diddiqees; taani co77u gaanau danddayikke. Aissi giikko, taani malkkataa punettaanne olaa alaassaa siyaas.

Ermmaasa 51:39

Etau bollai ho77iyo wode, taani etayyo ufaissiya ushshaa gibiraa giigissana; eti hegaappe uyidi, banttana balana gakkanaashin, taani eta mattoyana. Eti naa77antto denddennaadan, merinau xiskkana. Taani GODAI hagaa odais.

Ermmaasa 51:57

Taani a halaqata, a aadhdhida eranchchata, a deriyaa haariyaageeta, a ola gadaawatanne a olanchchata mattoyana; eti naa77antto denddennaadan, merinau xiskkana. Taani Kawoi, Ubbaappe Wolqqaama GODAA geetettiyaagee hagaa odais” yaagees.

Daaneela 5:1

Issi gallassi Kawoi Belshshaaxaari ba oosanchchatuppe issi sha7atussi gibiraa giigissiis; giigissidi etaara issippe woiniyaa eessaa uyiis.

Daaneela 5:30

He galla qammi morkketi gelidi, Baabiloone Kawuwaa Belshshaaxaara woridosona.

Daaneela 5:5

He wode qoppennan de7ishin, asa kushe biradhdheti auppekko kiyidi yiidi, kawo keettan meeshettida godaa bollan, xomppiyaa wottiyo ballaa sinttan xaafidosona. He kushee xaafiyo wode, kawoi ba huuphen be7iis.

Naahooma 1:10

Eti, xaxiballettida aguntta malati, qassi uyidi mattottidabaadan ganddigaariyaageeti, mela utulaadan taman xuugetti xayana.

Zaarettido Wogaa 28:67

Intte wozanan kumida yashshaappenne intte aifee be7iyo palaappe denddidaagan, intte wonttiyo wode, 'Aude qammanddeeshsha' qassi qammiyo wode, 'Aude wonttanddeeshsha' yaagana.

Zaarettido Wogaa 32:11

Argganttai ba maraa paaluwaa tamaarissiyoogaadan, ba miccido qefiyan gakki oiqqidi ashshiyoogaadan, hegaadan GODAI ba qefiyan haphphidi eta ashshiis.