Isiyaasa 2:12 - Wolaytta Bible

¹² Ubbaappe Wolqqaama GODAI issi gallassaa keeriis. He gallassi otorettiyaageeta, ayyiyaageetanne xoqqu xoqqu giidaageeta kaushshana;

Isiyaasa 2:12 Iomraidhean Croise

Sameela Maxaafaa Naa77anttuwaa 22:28

Banttana ziqqissiyaageeta ashshaasa; shin banttana xoqqissiyaageeta ziqqissanau neeni eta xeellaasa.

Iyyooba Maxaafaa 24:1

“Ubbaa Danddayiya Xoossai pirddiyo wodiyaa aissi keerennee? A eriyaageeti he wodiyaa aissi be7okkonaa?

Mazamure Maxaafaa 131:1

Abeet GODAU, taani ayyuwaa aggaas; ta hanuwaanikka otorettikke. Gitabaassi woikko eranau danddayenna maalaalissiyaabaassi taani hirggikke.

Mazamure Maxaafaa 18:28

Abeet GODAU, neeni ta xomppiyaa poo7issaasa; ta Xoossai poo7issin, ta xumai kichchees.

Mazamure Maxaafaa 37:13

SHin Godai iitatu bollan miiccees; aissi giikko, eta gallassai yiyoogaa i erees.

Mazamure Maxaafaa 94:2

Abeet sa7aa pirddiyaagoo, dendda; otoranchchatuyyo bessiya qixaatiyaa imma.

Leemiso Maxaafaa 16:5

GODAI otorettiya ubbaa shenetees; eti qaxxayettennan attokkona.

Isiyaasa 10:12

Godai Xiyoone Deriyaa bollinne Yerusalaame bolli ba oottiyo ooso ubbaa polidoogaappe guyyiyan, Asoore biittaa kawuwaa a ayyuwaunne a otoruwau qaxxayana.

Isiyaasa 10:33

Be7ite, Godai, Ubbaappe Wolqqaama GODAI tasheta gita wolqqan qanxxana; aduqqida mittatikka qanxxettana; qassi bonchchettidaageetikka kauyyana.

Isiyaasa 13:11

GODAI hagaadan yaagees, “Taani ha sa7aa a iitatettaa gishshau, iitatakka eta nagaraa gishshau qaxxayana. Taani otoranchchatu otoruwaa shaarana; meqettaa iitatu otoruwaakka kaushshana.

Isiyaasa 13:6

GODAA gallassai matido gishshau yeekkite! He gallassai Ubbaappe Wolqqaama Xoossaa matappe bashshadan yaana.

Isiyaasa 13:9

Be7ite; meqettaa iitidi, yiilluwaaninne suulo hanqquwan biittaa baisa kessanaunne an de7iya nagaranchchata xaissanau, GODAA gallassai yees.

Isiyaasa 14:15

SHin neeni Si7ooliyan, hirkki ciimma ollan duge yegettadasa.

Isiyaasa 23:9

Otorettiyaageetu bonchcho ubbaa guuttanau, qassi biittaa bollan bonchchettidaageeta ubbaa kaushshanau, Ubbaappe Wolqqaama GODAI hagaa halchchiis.

Isiyaasa 24:21

He gallassi GODAI saluwaa wolqqata saluwan, qassi sa7aa kawotakka sa7an qaxxayana.

Isiyaasa 24:4

Biittai keehi melin, a aacai ubbai shullees; biittan de7iya wolqqaama asaikka daafurees.

Isiyaasa 40:23

halaqata bainnabadan oottiyaagee, biittaa kaalettiyaageetakka hada oottiyaagee a.

Isiyaasa 42:15

Taani deretanne kerata laalana; etan mokkidabaa ubbaa melissana. Shaafata haruuro kessana; deelletakka melissana.

Isiyaasa 5:15

Asai ubbai tooshettananne kauyyana; otorettiyaageeti ubbaikka kauyyana.

Isiyaasa 61:2

GODAI doorido laittaanne nu Xoossai haluwaa kessiyo gallassaa awaajjana malanne azzaniyaageeta ubbata minttettana mala, tana kiittiis.

Ermmaasa 12:9

Ta doorettida asai taayyo hara gaceti dooddidi dukkiyo gazza gacee mala gididee? Biite; biidi do7ata ubbaa shiishshite; shiishshidi a maana mala ehiite.

Ermmaasa 13:9

“GODAI hagaadan yaagees; 'Taani hegaadan Yihudaa asaa ayyuwaanne Yerusalaame gita otoruwaa giishshana.

Ermmaasa 30:7

Aayye7ana! He gallassai hanttaara gallassa; hegaa mala gallassi mulekka baawa. He gallassai Yaaqooba zaretussi meto wode gidana. Gidikkonne eti hegaappe attana” yaagees.

Ermmaasa 46:10

He gallassai Godai, Ubbaappe Wolqqaama GODAA gallassa, GODAI ba morkketu bollan haluwaa kiyiyo gallassa. A bisoi kallana gakkanaashin, eta maana; alana gakkanaashinkka eta suuttaa uyana. Aissi giikko, Godai, Ubbaappe Wolqqaama GODAI huuphessa bagga biittan, Efiraaxiisa SHaafaa matan eta yarshsho oottidi ekkana.

Ermmaasa 50:31

Godai, Ubbaappe Wolqqaama GODAI hagaadan yaagees; “Nenoo, otoranchchau, taani ne bolli denddaas. Aissi giikko, ne gallassai, neeni qaxxayettiyo wodee gakkiis.

Hizqqeela 13:5

GODAA gallassi olan minni eqqanaadan, Israa7eela asaassi dirssaa gimbbiyaa bottokonidi minttanau, gimbbee kolettidosaa pude bibookkona.

Daaneela 4:37

“Ha77i simmi taani Naabukadanaxoori saluwaa Kawuwaa galatais; a xoqqu xoqqu oottaisinne bonchchais. Aissi giikko, i oottiyoobai ubbai likke; a ogeti ubbaikka xillo; qassi otoruwan biyaageeta i kaushshanau danddayees” yaagidi xaafiis.

Amoxa 5:18

Inttenoo, GODAA gallassai yaanaadan amottiyaageetoo, intteyyo aayye7ana! GODAA gallassaa aissi amotteetii? He gallassai xumappe attin, poo7o gallassa gidenna.

Mikiyaasa 2:3

Hegaa gishshau, GODAI hagaadan yaagees; “Be7ite, taani intte bollan iitabaa ehaanau halchchais; hegaappe intte kessi ekkanau danddayekketa. Hegee iita wode gidiyo gishshau, intte otorettiiddi simerettanau danddayekketa.

Mikiyaasa 5:11

Taani ne biittaa katamata xaissana; ne qatotakka ubbaa laalana.

Sofonaasa 1:16

He gallassai yuushuwaa direttida katamatu bollinne adussa gimbbetu bolli olaa malkkatai punettiyo gallassanne olanchchati olaa alaassaa alaahiyo gallassa gidana.

Sofonaasa 3:11

He wode intte ta bolli makkalidi oottido oosotu gaasuwan yeellatekketa; aissi giikko, otorettiyaanne ayyiyaageeta taani intte giddoppe diggarggana. Qassi inttekka hagaappe sinttan ta geeshsha deriyan otorettekketa.

Milkkiyaasa 4:1

Ubbaappe Wolqqaama GODAI hagaadan yaagees; “Be7ite, coociyaa tamaadan eexxiya gallassai matattiis; otorettiyaageetinne iitaa oottiyaageeti ubbai utula mala gidana. He yiya gallassai eta xuuggana; etayyo xaphuwaa xeeraakka ashshenna.

Milkkiyaasa 4:5

“Be7ite, gitanne bonchchettida GODAA gallassai yaanaappe kasetada, taani inttessi hananabaa yootiya Eelaasa kiittana.

Maatiyoosa 23:12

Bana gitayiya oonikka kauyyana; qassi bana kaushshiya oonikka gitatana.

Luqaasa 14:11

Aissi giikko, bana xoqqu oottiya urai ziqqi gaana; bana ziqqi oottiya urai xoqqu gaana” yaagiis.

Koiro Qoronttoosa 5:5

he bitaniyaa ayyaanai Godaa Yesuusa gallassan attana mala, a bollaa bashshanau Seexaanaassi intte immanaadan, taani pirddaas.

Koiro Tasalonqqe 5:2

Aissi giikko, Godaa gallassai kaisoi qammi yiyoogaadan yaanaagaa intte loitti ereeta.

Yaaqooba 4:6

SHin Xoossai aaro kehatettaa aattidi immees. Hegaa gishshau, Xoossaa maxaafai, “Xoossai otorettiyaageeta ixxees; shin banttana kaushshiyaageetuyyo aaro kehatettaa immees” yaagees.