Isiyaasa 19:5 - Wolaytta Bible

⁵ Naile SHaafaa haattai melana; shaafaikka leelan leelan meli aggana.

Isiyaasa 19:5 Iomraidhean Croise

Iyyooba Maxaafaa 14:11

Abbaappe haattai meliyoogaadan, qassi shaafaa haattaikka to77iyoogaadan,

Isiyaasa 15:6

Nimiriima haattati to7idosona; maatai meliis; aacaikka shulliis; irxxabai ubbaikka xayiis.

Isiyaasa 23:11

GODAI abbaa bollan ba kushiyaa micciis; i kawotettaakka qaattiis; Kanaane biittaa qatota laalana mala, GODAI azazuwaa immiis.

Isiyaasa 37:25

Taani allaga biittatun haattaa ollata bookkada, haattaa etappe uyaas. Gibxxe biittan goggiya haatta ubbaa taani ta tohuwaa gomppan yedhdhada melissaas” yaagadasa.

Isiyaasa 50:2

Taani yiido wode, aibissi hegan asi xayidee? Taani xeesido wode, 'Yee!' gaanau aibissi asi hegan de7ibeennee? Taani inttena wozanau ta kushee qantteeyye? Woikko inttena ashshanau taayyo wolqqi baaweeyye? Be7ite, taani seerada abbaa melissais. SHaafatakka bazzo oottais. Etan de7iya moleti haattai xayin wooqqoosona; saamoi worin haiqqoosona.

Ermmaasa 51:36

Hegaa gishshau, GODAI Yerusalaame asaassi hagaadan yaagees; “Ne gishshataa taani mootettana; ne haluwaakka taani kessana. Taani Baabiloone haattaa melissana; a pulttotakka toissana.

Hizqqeela 30:12

Naile SHaafaa taani melissana; taani Gibxxe iita asatu kushiyan aattada immana; immin eti he biittaanne an de7iyaabaa muleera xaissana. Taani GODAI hagaa odaas” yaagees.

Zakkaariyaasa 10:11

Eti meto abbaa giddoora kanttishin, taani GODAI abbaa beetaa shocana; ciimma gidida Naile SHaafaikka melana. Asoore biittaa otoroi giiyana; Gibxxe kawotaa xam77aikka kichchana.

Zakkaariyaasa 14:18

Gibxxe biittaa asaikka biidi goinnennan ixxikko, Daase Baalaa bonchchanau beennan ixxiya asaa GODAI shociyo boshai eta bollankka yaana.