Isiyaasa 19:18 - Wolaytta Bible

¹⁸ He gallassi Gibxxe biittan de7iya ichchashu katamati Kanaane qaalan haasayiyaageetanne Ubbaappe Wolqqaama GODAASSI ammanettanau caaqqiyaageeta gidana. He katamatuppe issoi, “Awaa katamaa” geetettidi xeesettana.

Isiyaasa 19:18 Iomraidhean Croise

Doomettaabaa 11:1

Sa7aa bollan de7iya asi ubbi koiro issi doonaanne issi qaalaa haasayees.

Nahimiyaa Maxaafaa 10:29

banttana kaalettiyaageetuura ha caaquwan maayettidosona. Hegeekka ba ashkkaraa Muuse baggaara Xoossai etayyo immido higgiyaadan baanau, GODAA bantta Xoossaa azazuwaa, pirddaanne wogaa naaganaassanne oottanaassa. Hegee xayikko, Xoossai yeddiyo qanggettai bantta bolli yaanaadan maayettidosona.

Mazamure Maxaafaa 68:31

Kiitettida halaqati Gibxxeppe yaana; Toophphiyaa bari kushiyaa eesuwan Xoossaakko miccana.

Isiyaasa 11:11

He gallassi Godai ba asaa atettaa Asooreppe, Gibxxeppe, Patiroosappe, Toophphiyaappe, Elaamappe, Baabilooneppe, Hamaatappenne abbaa doonan de7iya biittatuppe naa77anttuwaakka zaaridi ekkanau ba kushiyaa yeddana.

Isiyaasa 14:1

GODAI Israa7eela asau qarettana; Israa7eelakka zaarettidi doorana. Eta eta buzo biittan wottana; betetikka etaara gaittidi, Israa7eela asaara issippe de7ana.

Isiyaasa 19:19

He gallassi Gibxxe biittaayyo gidduwan, GODAAYYO yarshshiyoosai giigana; qassi Gibxxe biittaa zawankka GODAAYYO tuussai eqqana.

Isiyaasa 19:21

He wode GODAI Gibxxe biittan erettidaagaa gidana; Gibxxe asaikka he gallassi GODAA erananne yarshshuwaanne xuuggiyo yarshshuwaa ekki yiidi, ayyo goinnana. Eti GODAASSI shiiqqananne bantta shiiquwaakka gattana.

Isiyaasa 2:11

Asa otoroi giiyana; a kilahoikka seerana; he gallassi GODAA xalaalai xoqqu xoqqu gaana.

Isiyaasa 27:13

He gallassi gita malkkatai punettana; punettin Asoore biittan xayiyaageetinne Gibxxe biittau goossidaageeti yaana; yiidi Yerusalaamen geeshsha deriyan GODAAYYO goinnana.

Isiyaasa 65:16

He biittan anjjuwaa koyiya ubbai tumatettaa Xoossai anjjanaadan woossana. He biittan caaqo caaqqiya ubbaikka tumatettaa Xoossan caaqqana; aissi giikko, kase metoti dogettidosona; ta aifiyaa sinttaappekka geemmidosona” yaagees.

Ermmaasa 12:16

Kase ta asaa Ba7aala sunttan caaqqanaadan tamaarissidoogaadan, eti ta asaa ogiyaa loitti tamaarikkonne ta sunttan, 'GODAI ero!' yaagidi caaqqikko, eti ta asaa giddon minnidi de7ana.

Sofonaasa 3:9

“He wode taani asa ubbaa haasayaa geeshsha haasayau laammana; yaatin, eti ubbaikka GODAA sunttaa xeegananne issippe ayyo oottana.

Zakkaariyaasa 2:11

He wode daro Aihuda gidenna kawotettati GODAARA gaittidi, a asa gidana; ikka eta giddon de7ana. Qassi inttekka Ubbaappe Wolqqaama GODAI tana inttekko kiittidoogaa he wode erana.

Zaarettido Wogaa 10:20

GODAAYYO, intte Xoossaayyo, yayyite; ayyo oottite; aara ohettite; a sunttankka caaqqite.