Isiyaasa 16:8 - Wolaytta Bible

⁸ Haseboona shooqatinne Siibima woiniyaa tokkiyo sohoti xayidosona; etau tashee Yaa7izeera gakkidi, bazzuwau zaa7ido doorettida woineta kawotettatu halaqati yererettidi xaissidosona; eta aacaikka zaa7idi, abbaa pinniis.

Isiyaasa 16:8 Iomraidhean Croise

Sameela Maxaafaa Naa77anttuwaa 1:21

“Inttenoo Gilbboo7a deretoo, intte bollan iri bukkoppo; xaazikka xaazatoppo. He biittaa goshshaikka kattaa mokkoppo; aissi giikko, yan wolqqaamaa gonddallee tunabaa kiyiis; Saa7oola gonddalleekka zaitiyan qucettiyoogaa aggiis.

Isiyaasa 10:7

SHin Asoore kawoi hagaa halchchibeenna; a wozanaikka hagaadan qoppibeenna. I halchchidoogee kawotettata bashshanaassanne muleera xaissanaassa.

Isiyaasa 15:4

Haseboona katamaa asainne El77aale katamaa asai waassoosona; eta waasuwaa cenggurssaikka Yahaaxa giyoosaa gakkanaashin siyettees. Hegaa gishshau, olau gixxida Moo7aaba wotaaddarati bantta cenggurssaa xoqqissidi waassidosona; eta shemppoikka eta garssan kokkoriis.

Isiyaasa 16:9

Taani Yaa7izeera katamau yeekkiyoogaadan, Siibima katamaa woinetussikka yeekkais. Haseboonanne El77aale katamatoo, taani ta afuttan inttena looxigissais. Aissi giikko, intte mittaa aifiyaanne intte bootida kattaa bollan olaa waasoi denddiichchiis.

Isiyaasa 24:7

Woiniyaa turaa anoi melin, woine eessaikka al77iis; kase ufaittiya ubbai azzanees.

Ermmaasa 48:32

“Inttenoo, Siibima asau, Yaa7izeera asaassi yeekkiyoogaappe aattada taani inttessi yeekkais. Intte tashee daayidi, Maxine Abbaa pinnidi, Yaa7izeera gakkida woiniyaa turaa mala; shin intte ofintta teeraanne intte woiniyaa wurccuwaa bonqqiyaageeti yiidi xaissirggidosona.

Qoodaabaa 21:32

Qassi Muusee wochchiyaageeta Yaa7izeera giyo katamaa yeddin, Israa7eelati he katamaanne a heeran de7iya qeeri katamata oiqqidi, hegan de7iya Amooreta kessidi yedettidosona.

Qoodaabaa 32:3

“GODAI Israa7eela asan xoonissido biittati, Axaarooti, Dibooni, Yaa7izeeri, Niimiri, Hasebooni, Eli7aali, Seebimi, Naboinne Ba7ooni mehiyaayyo injje biitta; nuuyyo intte ashkkaratuyyo mehee de7ees.

Qoodaabaa 32:35

Axirooti-SHofaana, Yaa7izeera, Yogibaaha,

Qoodaabaa 32:38

Naba, Ba7aali-Ma7oonanne Siibima geetettiya katamata zaaretti keexxidosona. Keexxidi he katamatuppe issootu issootu sunttaa laammidosona.

Yaasu Maxaafaa 13:19

Qiriyaataima, Siibima, zanggaara giddon de7iya keraa bolli de7iya Xeereta-SHaahara,

Yaasu Maxaafaa 13:25

Eta biittai Yaa7izeera, Gala7aaden de7iya katamata ubbaanne Amoonatu biittaappe baggaa ekkidi, Raabappe arshsho baggaara de7iya Aaro7era gakkees.