Isiyaasa 12:1 - Wolaytta Bible

¹ He wode intte hagaadan yaagana; “Abeet GODAU, neeni tana hanqqettadasa; hanqquwaappekka simmadasa; yaatada tana minttettadasa. Hegaa gishshau, taani nena galatais.

Isiyaasa 12:1 Iomraidhean Croise

Nahimiyaa Maxaafaa 8:10

Qassi Nahimee gujjidikka hagaadan yaagiis; “Biite, modhdhuwaa miite; mal77iyaabaakka uyite; qassi bainnaageetussikka intteegaappe shaakkidi immite. Aissi giikko, hachchi gallassai nu GODAASSI geeshsha gallassa. GODAA ufaissai intteyyo wolqqa gidiyo gishshau azzanoppite” yaagiis.

Iyyooba Maxaafaa 11:16

Ne metuwaa ubbaakka neeni dogana; gukkida haattaadan, neeni a naa77antto hassayakka.

Iyyooba Maxaafaa 13:16

Nagaranchcha asi a sintti shiiqanau danddayenna; hagee taani shiiqanau xaliyoogee, ooni erii, ta atettaassi gaaso gidanau danddayees.

Mazamure Maxaafaa 30:5

A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees.

Mazamure Maxaafaa 71:21

Neeni ta bonchchuwaa kaseegaappe darissana; neeni tana zaarettadakka minttettana.

Mazamure Maxaafaa 85:4

Abeet nuna ashshiya Xoossau, nuna guyye zaara. Neeni nuussi lanccidoogaanne agga.

Mazamure Maxaafaa 86:17

Abeet GODAU, ne kehatettaa malaataa tana bessa. Neeni tana maaddidoogaanne minttettidoogaa be7iyo wode, tana ixxiyaageeti hegan yeellatana.

Mazamure Maxaafaa 9:1

Abeet GODAU, taani nena ta kumetta wozanaappe galatana; neeni oottido garamissiya ne oosuwaa ubbaakka yootana.

Isiyaasa 10:25

Qii guutta wodiyaappe guyyiyan, taani inttena hanqqettiyoogaa aggana; hegaappe guyyiyan, ta hanqqoi eta xaissanau baana” yaagees.

Isiyaasa 10:4

Intte olan haiqqana; qachchidi goochchin, intte baana. Hegee ubbai haninkka, GODAA hanqqoi wuribeenna; qaxxayanau i ba kushiyaa yeddi wottiis.

Isiyaasa 11:16

Israa7eela asai Gibxxe biittaappe kiyiyo wode ogee de7idoogaadan, a asaappe attida atettatussi Asoore biittaappe kiyiyo ogee de7ana.

Isiyaasa 14:3

GODAI inttena intte tuggaappe, metuwaappenne intte haarettido iita ailletettaappe shemppissido gallassi,

Isiyaasa 2:11

Asa otoroi giiyana; a kilahoikka seerana; he gallassi GODAA xalaalai xoqqu xoqqu gaana.

Isiyaasa 25:1

Abeet GODAU, neeni ta Xoossaa. Taani nena xoqqu xoqqu oottana; ne sunttaakka galatana. Aissi giikko, neeni polo ammanettiyoogan beniisappe halchchettidi de7iya maalaalissiya oosota oottadasa.

Isiyaasa 25:9

He gallassi eti hagaadan yaagana; “Hagee tumu nu Xoossaa; nuuni i nuna ashshanaadan naagida; naagin i nuna ashshiis. Hagee GODAA; nuuni a naagida. Ane a atotettan hashshu goosinne ufaittoos” yaagana.

Isiyaasa 26:1

He gallassi Yihudaa biittan ha yettai yexettana. Nuuyyo mino katamai de7ees; Xoossai atotettaa a yuushuwan gimbbedaaninne qatodan essees.

Isiyaasa 35:10

GODAI wozidoogeeti simmana; simmidi yexxiiddi, Xiyoone yaana; merinaa ufaissai eta huuphiyan wodhdhana. Eti ufaissaanne hashshu giyoobaa demmana; azzanoinne oolee wora baqatana.

Isiyaasa 49:13

Inttenoo salotoo, ufaissan yexxite. Nenoo biittau ufaitta. Inttenoo deretoo, ililite! Aissi giikko, GODAI ba asaa minttettiis; qassi ba metootanchchatussikka qarettees.

Isiyaasa 51:3

“GODAI Xiyooneeninne a qolettido sohotun de7iya ubba asaa minttettana. I bazzuwaa Edene Gannatiyaadan, i mela sohotakka GODAA ataakilttiyaa sohuwaadan oottana. Ufaissainne hashshu guussai yan de7ana; galataanne mazamuriyaa cenggurssai yan siyettana.

Isiyaasa 54:7

“Issi guutta wodiyau taani nena aggaas; shin gita maarotan nena taani shiishshana.

Isiyaasa 54:8

Suulliya hanqquwan, taani ta sinttaa neeppe guutta wodiyau genttaas; shin merinaa siiquwan taani neeyyo qarettana” yaagees. GODAI, nena Woziyaagee hagaa odees.

Isiyaasa 54:9

Neessi qarettiya GODAI hagaadan yaagees; “Hagee taassi Nohe wodiyaa mala. He wode taani Nohe bashshaa haattai naa77anttuwaa sa7aa mittennaadan caaqqaas; hegaadankka, nena naa77antto hanqqettennaaninne seerennan agganau taani caaqqaas. Dereti qaaxxanau, keratikka bantta de7iyoosaappe kichchanau danddayoosona; shin ta aggenna siiqoi neeppe shaahettenna; ta sarotettaa maachchaikka kichchenna” yaagees.

Isiyaasa 60:10

“Allaga biittaa asai ne dirssaa gimbbana; eta kawoti neeyyo oottana. Nena taani ta hanqquwan kase shocidabaa gidikkokka, ha77i ta qaretan taani nena maaraas.

Isiyaasa 61:10

Taani GODAN keehippe ufaittais; ta shemppiyaakka ta Xoossan hashshu gausu. Aissi giikko, bullachchiyaagee ba huuphiyan ciishsha akiliiliyaa wottiyoogaadan, bullashettiyaarakka dumma dumma alleequwan alleeqettiyoogaadan, i tana atotettaa maayuwaa maizziis; xillotettaa qumaashshaakka bollaara taayyo gujjiis.

Isiyaasa 64:5

Xillotettaa ufaittidi oottiyaageetanne ne ogiyan nena hassayiyaageeta neeni gakkada maaddaasa. Be7a, neeni hanqqettadasa; shin nagaraa oottiyoogaa aggibookko. Nuuni nagaraa oottiiddi, adussa wodiyaa de7ida; yaatin, nuuni waanidi attanee?

Isiyaasa 65:18

SHin taani medhdhiyooban merinau ufaittitenne hashshu giite. Aissi giikko, taani medhdhido Yerusalaama ufaissan kumidaaro gidana; Yerusalaame asikka hashshukkonne giyaagaa gidana.

Isiyaasa 66:13

Aayyiyaa ba na7aa minttettiyoogaadan, taanikka inttena minttettanna; intte Yerusalaamen minettana.

Ermmaasa 30:19

Yan de7iya asai ubbai galataa mazamuriyaanne ufaissaa yettaa yexxana. Taani eta qoodaa darissana; eta qoodai naa77antto guuxxenna. Taani eta bonchchettida dere oottana; eti guuxxokkona.

Ermmaasa 31:13

He wode geela7oti ufaittidi durana; wodallatikka cimatikka ufaittana. Taani eta yeehuwaa ufaissau laammana; taani eta minttettana; eta azzanuwaa gishshaa taani eta ufaissana.

Hoose7a 11:8

“Efireemaa, taani nena waatada aggoo? Israa7eelaa, taani nena waatada aatta immoo? Taani nena waatada Adaama giyo katamaadan oottoo? Taani nena waatada Xaboima giyo katamaadan oottoo? Taani nena keehi siiqiyo gishshau, ta wozanai hegaa eenenna.

Hoose7a 6:1

Israa7eela asai hagaadan yaagees; “Haayite! Ane GODAAKKO simmoos. I nuna mentterettiis, shin i nuna pattana; i nuna masunxxissiis, shin i nu masunttaa qachchana.

Zakkaariyaasa 1:16

Hegaa gishshau, taani GODAI hagaa odais; taani Yerusalaame maarotaara simmaas. Ta Beeta Maqidasee yan keexettana; Yerusalaame katamaikka wodoruwan likettana. Taani Ubbaappe Wolqqaama GODAI hagaa odais' yaagees” yaagada awaajja.

Zakkaariyaasa 14:20

He gallassi paratu qooriyan aattiyo daalatu bollankka, “GODAAYYO Geeyidaagaa” geetettidi xaafettana. Beeta Maqidasiyan de7iya kattiyo ototikka yarshshiyoosaa sinttan de7iya geeshsha keretu mala gidana.

Zakkaariyaasa 14:9

Qassi GODAI sa7a ubbaa bolli kawotana; he gallassi issi GODAA xalaalai de7ana; a sunttaikka mexi issuwaa gidana.

Zakkaariyaasa 8:11

SHin ha77i taani ha asaappe attidaageeta kase oottidoogaadan oottikke. Taani Ubbaappe Wolqqaama GODAI hagaa odais.

Zakkaariyaasa 8:19

“Ubbaappe Wolqqaama GODAI hagaadan yaagees; 'Oiddantto, ichchashantto, laappunttonne tammantto aginatun intte xoomido xoomati Yihudaa asassi pashkkissiya wodenne ufaissiya gibira gidana. Hegaa gishshau, intte tumatettaanne sarotettaa dosite' yaagees.

Roome 11:15

Aissi giikko, Xoossai eta ixxido wode, ha sa7ai Xoossaara sigettiis; yaatin, Xoossai eta shiishshi ekkiyo wode, haiqqidaagee de7o demmanaappe attin, aibi hananee?