Isiyaasa 11:14 - Wolaytta Bible

¹⁴ Eti arggo baggan de7iya Pilisxxeema biittaa bolli paallidi wodhdhana; arshsho baggan de7iya asaakka eti issippe bonqqana. Eti Eedooma bollinne Moo7aaba bolli bantta kushiyaa wottana; Amoonatikka etau azazettana.

Isiyaasa 11:14 Iomraidhean Croise

Isiyaasa 14:29

“Inttenoo Pilisxxeema asatoo ubbatikka, inttena shocida xam77ai meqqido gishshau ufaittoppite; aissi giikko, he shooshshaa zariyaappe hasoi kiyana; a zerettaikka qassi paalliya shooshshaa gidana.

Isiyaasa 15:1

Moo7aaba biittaabaa GODAI odido qaalai hagaa: Moo7aaban de7iya Eera giyo katamai issi qammi qolettidi xayiis; qassi Moo7aaban de7iya Qiira giyo katamaikka issi qammi qolettidi xayiis.

Isiyaasa 16:14

SHin ha77i GODAI hagaadan yaagees; “Konttiraate oosanchchaa laittaa qoodaadan, Moo7aaba bonchchoinne a coratettai heezzu laittatu giddon wurana; an attiya asatikka amaridaageetanne wolqqi bainnaageeta gidana” yaagees.

Isiyaasa 25:10

Aissi giikko, GODAA kushee ashshanau ha deriyaa bollan gidana. SHin darccaa pito ollan yeggidi yedhdhiyoogaadan, Moo7aaba biittaa asai ba sohuwan yerettana.

Isiyaasa 33:1

Nenoo, nena xaissennan de7ishin xaissiyaagoo, neeyyo aayye7ana! Nenoo, nena aatti immennan de7ishin, aatta immiyaagoo, neeyyo aayye7ana! Neeni xaisuwaa aggido wode nena xaissana; neeni aatta imuwaa aggido wode nena aatti immana.

Isiyaasa 59:19

Hegaa gishshau, arggo baggaara de7iyaageeti GODAA sunttaayyo yayyana; arshsho baggaara de7iyaageetikka a bonchchuwaayyo yayyana. Aissi giikko, GODAA carkkoi gagantti yeddin, goggiya di7uwaadan i yaana.

Isiyaasa 60:14

Nena huqqunnidaageetu attuma naati neessi hokkiiddi, neekko yaana; nena karida ubbati ne sinttan goinnana. Eti nena, 'GODAA Katamee Xiyoonee, Israa7eela Geeshshaa Katamee' yaagidi xeesana.

Isiyaasa 63:1

Eedooma biittan de7iya Booxira giyo katamaappe zo7o maayuwaa maayidi yiyaagee, hegee i oonee? Ha puulaara de7iya maayuwaa maayidi, ba wolqqaa minotettan sinttau horddofiyai oonee? GODAI, “Hegee xilluwaa haasayiyaanne wolqqan ashshiya tana gidikkinaa!” yaagees.

Isiyaasa 9:12

Awai mokkiyo baggaappe Sooriyaa biittaa asatinne awai wulliyo baggaappe Pilisxxeema biittaa asati bantta doonaa hanggidi, Israa7eela miidosona. He ubbankka GODAA hanqqoi simmibeenna; a kusheekka biron denddidosan de7ees.

Ermmaasa 40:11

He wode Moo7aaba biittan, Amoona biittan, Eedooma biittaaninne hara biittatun de7iya Aihuda ubbai Baabiloone kawoi amarida Yihudaa asati Yihudan attana mala oottidoogaanne eta haariyaagaa oottidi Gadaaliyaa sunttidoogaa siyidosona.

Ermmaasa 48:40

GODAI hagaadan yaagees; “Argganttai ba qefiyaa piddi ootti paalliiddi yiyoogaadan, morkkee Moo7aaba bollan yaana.

Ermmaasa 49:2

Amoona asai de7iyo Raaba katamaa bollan olaa waasoi siyettanaadan, taani GODAI oottana gallassati yaana. He katamai qolettidi, baisa attana. A yuushuwan de7iya qeeri katamatikka taman xuugettana. Israa7eela asaikka bana ba laataappe yedettidaageeta yedettana. Taani GODAI hagaa odais.

Ermmaasa 49:22

Argganttai ba qefiyaa piddi oottidi, bollappe duge eesuwan paallidi yiyoogaadan, morkkee Booxira bollan yaana. He gallassi Eedooma olanchchati maaretai oiqqido maccaaseedan hirggana” yaagees.

Ermmaasa 49:28

Baabiloone Kawoi Naabukadanaxoori olidi xoonido Qeedaarenne Haxoora kawotettata xeelliyaagan GODAI hagaadan yaagees; “Denddite; denddidi Qeedaare asaa olite! He arshsho baggaara de7iya asaa wurssite!

Hizqqeela 25:14

Taani Eedoomayyo ta asaa Israa7eela baggaara haluwaa kiyana. Israa7eelati eta bolli ta hanqquwaanne ta yiilluwaa keenaa oottana. Taani haluwaa kiyidoogaa eti erana. Taani Ubbaa Haariya GODAI hagaa odais” yaagees.

Daaneela 11:41

Qassi i Israa7eela giyo lo77o biittaa bollankka woraajjana. Woraajjin daro biittati a kushiyan kunddana; shin Eedooma, Moo7aabanne Amoona biittati a kushiyaappe attana.

Yuu7eela 3:19

“Gibxxe biittai baisa gidana; Eedooma biittaikka booddila bazzo gidana. Aissi giikko, eti Yihudaa asaa bolli iitabaa oottidosona; qassi Yihudaa biittan xillo asaa suuttaakka gussidosona.

Amoxa 9:12

Hegeenne Israa7eela asai Eedooma biittaappe attidaageetanne ta sunttan xeesettida kawotettata ubbaa laattanaassa” yaagees. Hagaa oottiyaagee tana GODAA.

Imbbaaqooma 1:8

Eta parati maahetuppekka aadhdhida eesanchchanne namisettida omarssa wanggireellotuppekka aadhdhida hanttaara. Eta paraasati yeddiiddi, haahosaappe yoosona; eti argganttai aibakko oiqqanau paalliyoogaadan paalloosona.

Sofonaasa 2:5

Inttenoo, abbaa doonan de7iya Pilisxxeema asatoo, intteyyo aayye7ana! Nenoo, Pilisxxeemati de7iyo Kanaane biittau, GODAA pirddai ne bollan yees. Taani nena xaissana; nenan issi asinne attenna.

Sofonaasa 2:7

Abbaa doonai Yihudaa asaappe attidaageetau laata gidana; hegan eti heemettana. Sa7ai qammiyo wode eti Asqqaloona kataman de7iya keettatun aqana; aissi giikko, GODAI eta Xoossai etabaa qoppana; i eta zaaridi ishalissana.

Qoodaabaa 24:17

Taani a be7ais; shin wodee ha77a gidenna; taani a xeellais; shin matan gidenna. Yaaqooba zariyaappe xoolinttee kiyana. Israa7eelappe kawotaa xam77ai kiyana. Moo7aaba asaa som77uwaa i gaacci qolana. Seeta asaa ubbaa huuphiyaa i kinchchana.

Maatiyoosa 8:11

Taani intteyyo odais; daro asai arshshoppenne arggoppe yiidi, Abrahaamaara, Yisaaqaaranne Yaaqoobaara saluwaa kawotettan issippe uttana.

Daannatu Maxaafaa 6:3

Israa7eela asai kattaa zerido wode ubban, Midiyaama asai Amaaleeqa asaaranne arshsho bagga biittan de7iya asaara yiidi eta oloosona.