Isiyaasa 10:32 - Wolaytta Bible

³² Hachchi morkkiyaa wotaaddarati Nooba kataman de7oosona; yan eti bantta kushiyaa qaattiiddi, Xiyoone Deriyaa, Yerusalaame katamaa baabisoosona.

Isiyaasa 10:32 Iomraidhean Croise

Hanidabaa Odiya Naa77antto Maxaafaa 32:1

Kawoi Hizqqiyaasi GODAAYYO ammanettidi oottido ha oosuwaappe guyyiyan, Asoore Kawoi Sanaakireebi Yihudaa biittaa bolli woraajjiis; woraajjidi baayyo oiqqanau qoppidi, gimbbetti uttida katamata dooddiis.

Hanidabaa Odiya Naa77antto Maxaafaa 32:2

Sanaakireebi Yerusalaamen olanau yiidoogaa Hizqqiyaasi be7ido wode,

Nahimiyaa Maxaafaa 11:32

Anatootan, Nooban, Anaaniyan,

Isiyaasa 1:8

Yerusalaame katamai woiniyaa turaa naagiyo daasedan, lellehiyaa naagiyo zamppadaaninne morkkiyan direttida katamadan hanidi attiis.

Isiyaasa 10:24

Hegaa gishshau, Godai, Ubbaappe Wolqqaama GODAI hagaadan yaagees; “Xiyoone kataman de7iya ta asatoo, Gibxxeti oottidoogaadan, Asooreti inttena xam77an shociyo wodenne bantta gatimaa intte bolli denttiyo wode yayyoppite.

Isiyaasa 10:31

Maadimeena giyo katamaa asai baqatiis; Gebiima asaikka ba shemppuwau qosettiis.

Isiyaasa 11:15

GODAI Gibxxe miyyiyan de7iya Zo7o Abbaa muleera melissana; ba laxiya carkkuwaara ba kushiyaa Efiraaxiisa SHaafaa bolli wuxaawuxana. Yaatidi asai mela sohuwaara pinnana mala, laappun qeeri shaafa kessidi shocana.

Isiyaasa 13:2

Mela deriyaa bolli banddiraa essite; essidi, intte qaalaa xoqqu oottidi, etayyo waassite; eti halaqatu penggiyaara gelana mala, wuttite.

Isiyaasa 16:1

Moo7aaba asai bazzo biyo ogiyan de7iya Selaa7a katamaappe yelaga dorssa orggeta Yerusalaamen de7iya biittaa haariyaagaayyo yeddite.

Isiyaasa 19:16

He gallassi Gibxxe biittaa asai maccaasa mala gidana. Qassi Ubbaappe Wolqqaama GODAI eta bollan wuxaawuxiyo a kushiyaa be7idi, eti yashshan kokkorana.

Isiyaasa 2:2

Wurssetta gallassatun GODAA Beeta Maqidasee keexettido deree deretu ubbaappe xoqqidi beettana; kera ubbatuppekka bollaara xoqqu xoqqu gaana. Kawotettatun de7iya asai ubbai akko zulana.

Isiyaasa 29:2

Taani Arii7eela giyo katamaa bironkka un77ettana; un77ettin eti zilaalananne yeekkana. He katamai suuttai kammido yarshshiyoosaa mala gidana.

Isiyaasa 37:22

“GODAI Sanaakireebabaa hagaadan yaagidi haasayees; “'Xiyoonen de7iya asai nena karees; Yerusalaame asai ba huuphiyaa qaattidi, nena qoosees.

Isiyaasa 8:8

Kixxidi goggiiddi, Yihudaa gelana; eelliiddi yaara kanttana; kixai qooriyaa gakkana. Abeet Amaanu7eelaa, kafoi ba qefiyaa micciyoogaadan, haattaa kixai ne biittaa ubbaa bollan micettana” yaagiis.

Ermmaasa 6:23

Eti wonddafiyaanne tooraa oiqqidosona. Eti qareti bainnaageetanne yeddi maarennaageeta. Eti bantta paran piriixiyo wode, abbai guummiyoogaadan guummoosona. Inttenoo, Xiyoone katamaa asatoo, eti inttena olanau issi asadan salppidosona” yaagees.

Mikiyaasa 1:9

Aissi giikko, Samaariyaa masunttai paxanau danddayennaagaa. He tuggai Yihudaa biittaa gakkiis; qassi ta asai de7iyo Yerusalaame katamaa penggiyaakka matiis.

Zakkaariyaasa 2:9

Be7ite, taani ta kushiyaa eta bollan wuxaawuxana; qassi etikka kase bantta ashkkaratun omoodettana” yaagiis. He wode intte Ubbaappe Wolqqaama GODAI tana kiittidoogaa erana.

Sameela Maxaafaa Koiruwaa 21:1

Daawiti qeesiyaa Abimelekakko Nooba katamaa biis; Abimeleki Daawitaara gaittanau kokkoriiddi yiidi, “Neeni aibissi nerkka de7ai? Aibissi hara asi nenaara de7ennee?” yaagidi oichchiis.

Sameela Maxaafaa Koiruwaa 21:2

Oichchin Daawiti qeesiyaa Abimeleka, “Kawoi tana, 'Taani nena kiittido yohuwaanne azazido azazuwaa ooninne eroppo' yaagidi tana issibaa azaziis. Ta asati issi sohuwan tanaara gaittanaadan yootaas.

Sameela Maxaafaa Koiruwaa 22:19

Hegaa bollikka qeesetu katamaa, Nooba qara bisuwan busakkiis; he kataman de7iya attumaa, maccaa, naata, yiirata, meheta, haretanne dorssata qara bisuwan Doiqi suppu oottiis.

Sameela Maxaafaa Koiruwaa 22:9

Yaagin Saa7oola oosanchchatuura eqqida Eedoomiyaa Doiqi Saa7oola, “Isseya na7ai Ahixuuba na7aa Abimelekakko Nooba katamaa biidaagaa taani be7aas.