Isiyaasa 10:18 - Wolaytta Bible

¹⁸ GODAI ba woraa mittaa bonchchuwaanne ba aradda gadiyaa bonchchuwaa xaissana; simmi hegee harggiya asi siliyoogaadan silana.

Isiyaasa 10:18 Iomraidhean Croise

Kawotu Maxaafaa Naa77anttuwaa 19:23

Neeni kiittido asatu baggaara GODAA cayadasa. Qassi hagaadan yaagadasa; “Taani taayyo de7iya cora paraa gaaretun xoqqa deretu huuphiyaa, Liibaanoosa Deriyaa kiikiyaa kiyaas. Kiyada ubbaappe aduqqiya zigatanne ubbaappe lo77iya xiiddata qanxxaas. Taani ayyo wurssetta gaxaanne tuujjuma woraa gakkaas.

Kawotu Maxaafaa Naa77anttuwaa 19:28

Neeni ta bolli hanqqettido gishshaunne ne otoruwaakka taani siyido gishshau, taani ne siiriyan ta dafuwaa aattana; ne doonankka ta bixaalaa barssana. Yaatada ne yiido ogiyaara taani nena guyye zaarana' yaagees” yaagiis.

Isiyaasa 10:16

Hegaa gishshau, Godai, Ubbaappe Wolqqaama GODAI, a mino tooranchchatu bolli laafettiya harggiyaa yeddana; a bonchchuwaappe garssaara mishoi eexxiya tamaadan eexxi kiyana.

Isiyaasa 32:19

SHachchai woraa diippikkonne, qassi katamai muleera qolettikkonne,

Isiyaasa 37:24

Neeni kiittido asatu baggaara Godaa cayadasa. Qassi hagaadan yaagadasa; “Taani taayyo de7iya cora paraa gaaretun xoqqa deretu huuphiyaa, Liibaanoosa Deriyaa kiikiyaa kiyaas. Kiyada ubbaappe aduqqiya zigatanne ubbaappe lo77iya xiiddata qanxxaas. Taani xoqqau wurssetta gaxaanne tuujjuma woraa gakkaas.

Isiyaasa 9:18

Iitatettai tamadan xuuggees; kinddiichchuwaanne agunttaa mi xaissees; sikkida worai eexxin, cuwai tuussadan sitti giidi, pude kiyees.

Ermmaasa 21:14

shin taani GODAI nena ne oosuwaadan qaxxayana. Taani ne kawo keettan tamaa oittana; oittin ne yuushuwan de7iyaabaa ubbaa mi xaissana” yaagees.

Zakkaariyaasa 12:6

“He gallassi taani Yihudaa zareta mittaa dooriyaa giddon de7iya xiifanne mirqqetu giddon lacottiya xomppe oottana. Eti bantta ushachchan haddirssaaninne bantta yuushuwan de7iya asaa ubbaa maana; shin Yerusalaame katamai asai saro de7iyo soho gidana.