Isiyaasa 10:14 - Wolaytta Bible

¹⁴ Asi kafo keettan kushiyaa yeddiyoogaadan, taani kawotettaa duretettaa bolli ta kushiyaa yeddaas. Qassi dogettidi attida phuuphulleta shiishshiyoogaadan, taani biitta ubbaa shiishshaas. Paallanau ba qefiyaa baqqiyaabi, woi haasayanau ba doona pogiyaabi, woikko qassi waassiyaabi issoinne baawa” yaagiis.

Isiyaasa 10:14 Iomraidhean Croise

Hanidabaa Odiya Naa77antto Maxaafaa 32:13

“'Taaninne ta aawati hara kawotettatu asaa ubbaa bolli oottidobaa intte eribeekketii? He kawotettatu xoossati bantta biittaa ta kushiyaappe ashshanau danddayidonaa?

Iyyooba Maxaafaa 31:25

Ta duretettaa daruwan, ta kushee demmido woriyan taani ufaittabeikke.

Leemiso Maxaafaa 18:12

Asi kunddanaappe kase a wozanai otorettees; bonchchettiyoogaappekka ba huuphiyaa ziqqi oottiyoogee sinttatees.

Isiyaasa 37:25

Taani allaga biittatun haattaa ollata bookkada, haattaa etappe uyaas. Gibxxe biittan goggiya haatta ubbaa taani ta tohuwaa gomppan yedhdhada melissaas” yaagadasa.

Isiyaasa 5:8

Sohoi xayin, intte xalaalai biittaa bolli de7ana gakkanaashin, keettaa keettaa bolli gujjiyaageetoo, gadiyaa gadiyaara gattiyaageetoo, intteyyo aayye7ana!

Hizqqeela 35:13

Neeni ta bolli otorettadasanne darissada haasayadasa; taanikka hegaa siyaas” yaagees.

Abddiyyu 1:4

Neeni argganttaadan pude haakkada paallikko, ne keettaakka xoolinttetu giddon keexxikkokka, taani nena hegaappe duge wottana” yaagees GODAI.

Naahooma 2:9

He katamaa aquwaassi, an minjjettida bonchcho miishshaassikka qoodi baawa. Hegaa gishshau, he biraa bonqqite! He worqqaakka qassi bonqqite!