Ibraawe 9:27 - Wolaytta Bible

²⁷ Asai ubbai issitoo haiqqanau bessees; hegaappe guyyiyan Xoossai asaa pirddana.

Ibraawe 9:27 Iomraidhean Croise

Doomettaabaa 3:19

Neeni biittau simmana gakkanaassi, daafuran ne som77oi cawattin oottido ne qumaa maana; aissi giikko, neeni biittaappe ekettadasa; neeni baana; neeni baanau simmana” yaagiis.

Sameela Maxaafaa Naa77anttuwaa 14:14

Nuuni ubbai haiqqana; biittan gukkida haattai simmennaagaadan, nuuni naa77antto simmokko. SHin Xoossai bohettida asi mulekka xayenna mala, ayyo ogiyaa giigisseesippe attin, i coo xayanaadan koyenna.

Iyyooba Maxaafaa 14:5

Asi de7ana laittati zawati uttidosona; i de7ana aginaakka neeni qooda wottadasa; neeni wottido zawaappe aadhdhiyaabi baawa.

Iyyooba Maxaafaa 19:25

“Tana Wozidaagee paxa de7iyoogaanne wurssettan biittaa bollan i eqqanaagaa taani erais.

Iyyooba Maxaafaa 30:23

Asau ubbau wurssetta gidida haiquwau neeni tana aattada immiyoogaa taani erais.

Mazamure Maxaafaa 89:48

Asi haiqqennan coo de7anau waani danddayii? Qassi duufuwan gelennaadan, bana ashshanau waani danddayii?

Eranchchaa Maxaafaa 11:9

Nenoo yelagau, yelagatettai keehi lo77obaa gidiyo gishshau, ne yelagatettaa laittan ufaitta; ne wozanaikka ufaitto. Ne aifee xeellidobaanne ne wozanai amottidobaa ubbaa pola. SHin, he neeni oottidobaa ubbaa gishshau, nena Xoossai pirddanau de7iyoogaa dogoppa.

Eranchchaa Maxaafaa 12:14

Xoossai ooso ubbaa bollan, qassi geemmida yoho ubbaa bollan, lo77o gidin, iita gidinkka pirddanau de7ees.

Eranchchaa Maxaafaa 12:7

biittai kase ba ekettido biittaakko simmennan, shemppoikka bana immida Xoossaakko simmidi beennan de7ishin, nena Medhdhidaagaa qoppa.

Eranchchaa Maxaafaa 3:2

Hegaa gishshau, yelettanau wodee de7ees; haiqqanaukka wodee de7ees. Tokkanau wodee de7ees; tokkidoogaa shoddanaukka wodee de7ees.

Eranchchaa Maxaafaa 3:20

Eti naa77aikka issi sohuwaa boosona; naa77aikka biittaappe merettido gishshau, biittau simmoosona.

Eranchchaa Maxaafaa 9:10

Ne kushee oottanau demmidobaa ubbaa ne kumetta wolqqan ootta; aissi giikko, neeni baanasan duufuwan oosoi, woikko halchchoi, woikko eri, woikko aadhdhida eratetti baawa.

Eranchchaa Maxaafaa 9:5

Paxa de7iya asati issitoo haiqqanau de7iyoogaa eroosona; shin haiqqidaageeti aibanne erokkona. Eti mulekka dogettiichchidaageeta gidiyo gishshau, ainne maaddokkona.

Luqaasa 20:32

Hegaappe guyyiyan, qassi he maccaasiyaa haiqqaasu.

Yesuusi Kiittidoogeetu Oosuwaa 17:31

Aissi giikko, Xoossai gallassaa keeri wottiis; he gallassan ba doorido uran sa7an de7iya asa ubbaa bolli xillo pirddaa i pirddana; asa ubbaassi haiquwaappe a denttidoogan hegaa tumayiis” yaagiis.

Roome 2:5

SHin intteyyo siyenna wozanainne nagaraappe simmenna wozanai de7ees; hegaa gishshau, Xoossaa hanqqoinne xillo pirddai qoncciyo gallassi, neeni ne bolli hanqquwaa kaseegaappe darissaasa.

Roome 5:12

Hegaa gishshau, nagarai ha sa7aa issi asa baggaara geliis; he nagarai banaara haiquwaa ehiis; hegaa gaasuwan, asai ubbai nagara oottido gishshau, haiqoi asa zare ubbaa gakkiis.

Koiro Qoronttoosa 4:5

Hegaa gishshau, Godai xuman genttidobaa poo7uwaa kessiyaagee, wozanaa qofaa qonccissiyaagee yaana wodee gakkanaassi o bollinne oonanne pirddoppite. He wode, asai ubbai huuphiyan huuphiyan Xoossaappe galataa ekkana.

Naa77antto Qoronttoosa 5:10

Aissi giikko, nuuni huuphiyan huuphiyan oottido oosoi lo77o gidin, woi iita gidin, nuuyyo bessiyaagaa ekkanau, Kiristtoosa pirdda araataa sinttan ubbaikka beettanau bessees.

Naa77antto Ximootiyoosa 4:1

Taani nena Xoossaa sinttaaninne, paxa de7iya asaanne haiqqida asaa pirddanau de7iya Kiristtoos Yesuusa sinttan, qassi a yuussaaninne a kawotettan nena zorais.

Ibraawe 10:27

SHin yashshiya pirddaa naagiyoogeenne Xoossaa ixxiya ubbaa maanau wolqqaama tamai de7ees.

Koiro Yohaannisa 4:17

Nu de7oi ha sa7an Kiristtoosi de7idoogaa mala gidiyo gishshau, pirddaa gallassi nuuni yayyenna mala, siiqoi nu giddon polettiis.

Ajjuutaa 20:11

Hegaappe guyyiyan, taani gita bootta araataanne he araatan uttidaagaa be7aas. Sa7ainne saloi a sinttappe baqatidosona; naa77antto beettibookkona.