Ibraawe 4:7 - Wolaytta Bible

⁷ Xoossai daro wodiyaappe guyyiyan, Daawita baggaara naa77anttuwaa issi gallassaa, “Hachchi” giyo qaalan keeridi, “Xoossaa qaalaa intte hachchi siyiyaabaa gidikko, zore ekkennan ixxoppite” yaagiis.

Ibraawe 4:7 Iomraidhean Croise

Kawotu Maxaafaa Koiruwaa 6:1

Israa7eela asai Gibxxe biittaappe kiyido oiddu xeetanne hosppun tammantta laittan, Solomoni Israa7eela bolli kawotido oiddantto laittan, Ziifa giyo naa77antto aginan, Solomoni GODAA Beeta Maqidasiyaa keexxanau doommiis.

Mazamure Maxaafaa 95:7

Aissi giikko, i nu Xoossaa. Nuuni a qooruwan de7iya asata; nuuni i heemmiyo a dorssaa wudeta. GODAI inttena hagaadan giyoogaa hachchi siyite!

Maatiyoosa 22:43

Yesuusi eta, “Yaatin, Daawiti bana Geeshsha Ayyaanai haasayissin Kiristtoosa woigidi, ‘Goda’ giidi xeesii?

Marqqoosa 12:36

Daawiti bana Geeshsha Ayyaanai haasayissin, ‘Godai ta Godaa, “Taani ne morkketa neeni yedhdha eqqiyoobaa oottana gakkanaassi, hagan taappe ushachcha baggaara utta” giis’ yaagiis.

Luqaasa 20:42

Aissi giikko, Daawiti Mazamure Maxaafan, ‘Godai ta Godaa; “Taani ne morkketa neeni yedhdha eqqiyobaa oottana gakkanaassi, hagan taappe ushachcha baggaara utta” giis’ yaagiis.

Yesuusi Kiittidoogeetu Oosuwaa 2:29

“Ishatoo, nu aawatu halaqaa Daawitabaa taani intteyyo geeshshada odanau bessees; Daawiti haiqqidi moogettiis; a duufoi hachchi gakkanaassikka nu matan de7ees.

Yesuusi Kiittidoogeetu Oosuwaa 2:31

Kiristtoosa dendduwaa sinttau xeellidi, ‘A shemppoi Si7ooliyan attibeenna; a bollaikka musibeenna’ giidi yootiis.

Yesuusi Kiittidoogeetu Oosuwaa 28:25

Eti bantta giddon yohuwaa maayettennan ixxido wode, PHauloosi issibaa giidoogaappe guyyiyan biidosona; i hagaadan yaagiis; “Geeshsha Ayyaanai nu aawatussi hananabaa yootiya Isiyaasan,

Ibraawe 3:15

Xoossaa maxaafai, “Xoossaa qaalaa intte hachchi siyiyaabaa gidikko, he wode eti ixxi makkalidoogaadan, zore ekkennan ixxoppite” yaagiis.