Ibraawe 4:1 - Wolaytta Bible

¹ Simmi Xoossai nuna ba shemppiyoosaa, “Gelissana” giidoogee biroona gidikko, intteppe ooninne he shemppiyoosaa gelennan attenna mala yayyoos.

Ibraawe 4:1 Iomraidhean Croise

Leemiso Maxaafaa 14:16

Aadhdhida eranchcha asi yayyees; iitaappekka haakkees; shin eeyyai banan ammanettidi otorettees.

Leemiso Maxaafaa 28:14

GODAAYYO ubbatoo yayyiya asi anjjettidaagaa; shin ba wozanaa dammissiya asi meton gelana.

Ermmaasa 32:40

Taani etaara merinau maachchaa maacettana. He maachchan taani etayyo lo77obaa oottiyoogaa aggikke; eti taappe wora simmenna mala, taani eti taayyo yayyanaadan oottana.

Qoodaabaa 14:34

Intte he biittaa wochchido he oitamu gallassaa qoodan, issi gallassaayyo issi laittaa, hegeenne, oitamu laittau intte nagaraa gishshau intte waayettana; taani intte bolli denddiyoogaa intte erana' yaaga yoota.

Maatiyoosa 24:48

SHin ashkkarai iita gidikko, ‘Ta godai gam77idi yaana’ yaagidi ba wozanan qoppidi,

Yesuusi Kiittidoogeetu Oosuwaa 3:19

Simmi Xoossai intte nagaraa xaissanaadan, Godaa matappe ayyaanaa minotettaa wodee intteyyo yaanaadaaninne Xoossai Yesuus Kiristtoosa kase intteyyo doorettidaagaa yeddanaadan, intte nagaraappe Xoossaakko simmite.

Roome 11:20

hegee tuma; eti ammanibeenna gishshau, karettidosona; neeni ammanido gishshau, he sohuwan eqqadasa; shin yayyanaappe attin, otoro qofaa qoppoppa.

Roome 3:23

Aissi giikko, asai ubbai nagaraa oottiis; ashshiya Xoossaappe haakkidosona.

Koiro Qoronttoosa 10:12

Hegaa gishshau, bau eqqidobaa milatiyo urai ooninne kunddennaadan, bana naago.

Naa77antto Qoronttoosa 6:1

Intte nunaara Xoossaa oosuwaa oottiiddi, a aaro kehatettaa ekkidi go7ettana mala, nuuni inttena woossoos.

Galaatiyaa 5:4

Higgiyaa naagidi xillanau koyiyaageetoo, Kiristtoosappe shaahettideta; Xoossaa aaro kehatettaappekka kunddideta.

Naa77antto Ximootiyoosa 2:13

Nuuni ammanettennan aggikkokka, i ammanettiyaagaa gididi de7ana. Aissi giikko, i bana ba huuphen erikke gaanau danddayenna” giyaagee tumu haasaya.

Ibraawe 12:15

Xoossaa aaro kehatettaa ooninne ekkennan attenna mala naagettite; qassi mokkidi, ba marzziyan asa waissiya camo mittadan hanidi, ooninne daro asaa tunissenna mala naagettite.

Ibraawe 12:25

Intteyyo yootiya uraa yohuwaa ezggiyoogaa intte ixxenna mala, inttena naagite. Xoossaa kiitaa sa7an banttau yootiyaagee yootiyoogaa ezggennan ixxidaageeti kessi ekkana xayikko, saluwan, “Inttena naagite” giya Xoossaappe nuuni waanidi kessi ekkanee?

Ibraawe 13:7

Xoossaa qaalaa intteyyo yootida inttena kaalettidaageeta hassayite; eti waani de7idaakkonne hassayite; qassi etaagaadan ammanite.

Ibraawe 3:11

Hegaadankka qassi, taani hanqqetta caaqqada, ‘Taani shemppiyoosaa eti mulekka gelokkona’ yaagaas” yaagees.

Ibraawe 4:11

Simmi Israa7eela asai azazettennan ixxidi, Xoossaara issippe shemppiyoosaa gelennan attidoogaadan, nuuppe ooninne hegaa mala ixuwan he sohuwaa gelennan attenna mala minnoos.

Ibraawe 4:9

Hegaa gishshau, Xoossaa asaayyo Sambbataa shemppoi naagetti uttiis.

Sameela Maxaafaa Koiruwaa 2:30

“Hegaa gishshau, Israa7eela Xoossai hagaadan yaagees; '“Ne zareenne ne aawaa zaree merinau taayyo oottana” gaas; shin ha77i, hegee taappe haakko! Tana bonchchiyaageeta taani bonchchana; tana kariyaageeta taani kaushshana.