Ibraawe 3:18 - Wolaytta Bible

¹⁸ Qassi Xoossai baayyo azazettennan ixxidaageeti i shemppiyoosaa mulekka gelenna mala, etayyo caaqqidoogaappe attin, ooyyo caaqqidee?

Ibraawe 3:18 Iomraidhean Croise

Mazamure Maxaafaa 78:22

Aissi giikko, eti Xoossan ammanibookkona; woi i ashshiyoogan ammanettibookkona.

Qoodaabaa 14:11

GODAI Muusa, “Ha asai aude gakkanaassi tana karanee? Taani eta gidduwan oottido malaata ubbaa be7iiddi, aude gakkanaassi eti tanan ammanennan ixxanee?

Qoodaabaa 14:30

Yifune na7aa Kaaleebappenne Nawe na7aa Yaasuppe attin, intteppe ooninne taani inttena wottanau caaqqido he biittaa gelenna.

Qoodaabaa 14:37

he iita oduwaa odida asati, GODAA sinttan boshan haiqqidosona.

Qoodaabaa 20:12

SHin GODAI Muusanne Aaroona, “Israa7eela asaa sinttan intte ta geeshshatettaa bessanau ammanettibeenna gishshau, taani etayyo immiyo biittaa ha asaa intte gelissekketa” yaagiis.

Yohaannisa 3:36

Na7aa ammaniya urau merinaa de7oi de7ees; shin Na7aa ammanennaagaa bolli Xoossaa hanqqoi de7anaagaappe attin, i de7o be7enna.

Roome 11:30

Aihuda gidennaageetoo, Xoossau intte kase azazettibeekketa; shin Aihudati azazettennan ixxido gishshau, Xoossaa maarotettaa ha77i intte ekkideta.

Zaarettido Wogaa 9:23

GODAI inttena, 'Biite, biidi taani intteyyo immido biittaa laattite' yaagidi, Qaadeesa-Barnneppe yeddido wodekka, intte GODAA intte Xoossaa azazuwaa ixxidi makkalideta; an ammanettibeekketa woi a qaalaayyookka azazettibeekketa.

Ibraawe 3:11

Hegaadankka qassi, taani hanqqetta caaqqada, ‘Taani shemppiyoosaa eti mulekka gelokkona’ yaagaas” yaagees.

Ibraawe 4:11

Simmi Israa7eela asai azazettennan ixxidi, Xoossaara issippe shemppiyoosaa gelennan attidoogaadan, nuuppe ooninne hegaa mala ixuwan he sohuwaa gelennan attenna mala minnoos.

Ibraawe 4:2

Aissi giikko, eti wonggeliyaa mishiraachchuwaa siyidoogaadan, nuunikka siyida; eti siyidosona; shin ammanidi ekkibeenna gishshau, ainne eta go77ibeenna.

Ibraawe 4:6

Wonggeliyaa mishiraachchuwaa koiro siyidaageeti azazettibeenna gishshau, shemppo sohuwaa gelibookkona; issi issi asati he sohuwaa gelanaageeti de7oosona.