Ibraawe 12:12 - Wolaytta Bible

¹² Hegaa gishshau, intte arggaacida kushiyaanne intte daafurida gulbbataa minttettite.

Ibraawe 12:12 Iomraidhean Croise

Mazamure Maxaafaa 109:24

Xoomishin ta gulbbatai hitiis; ta bollaikka laafiis.

Isiyaasa 35:3

Daafurida kushetanne arggaacida gulbbataa minttettite.

Hizqqeela 21:7

Eti nena, 'Aissi yeekkai?' giidi oichchiyo wode, hagaadan yaaga; 'Sinttaara yiya iita oduwaassi yeekkais. Wozani ubbai yashshan seerana; kushe ubbai arggaacana; eta goobatettai ubbai etappe kichchana; gulbbata ubbaikka kokkorana. He wodee gakkiis! I tumu polettana! Taani Ubbaa Haariya GODAI hagaa odais' yaaga” yaagiiddi yiis.

Hizqqeela 7:17

Kushe ubbai doccana; gulbbata ubbaikka haattaadan hanana.

Daaneela 5:6

Be7in a som77oi laamettidi, bidintta milatiis; qassi yashshan a gaadee kokkoriis; a gulbbataikka ixxiis.

Naahooma 2:10

Nanawe katamai baisa gidiis; qassi onidi, bazzo gidiis! Asaa wozanai yashshan seeriis; gaadeekka kokkoriis; asa ubbaa xeessai gajigajiis; som77oikka bullattiis!

Sofonaasa 3:16

He gallassi eti Yerusalaame hagaadan yaagana; “Xiyoonee, yayyoppa! Ne kushetikka arggaacoppona.

Koiro Tasalonqqe 5:14

Nu ishatoo, nuuni inttena zoroos; maari bainna de7uwaa de7iyaageeta seerite. Yayyiyaageeta minttettite. Wolqqi bainnaageeta maaddite. Asa ubbaa danddayite.

Ibraawe 12:3

Intte intte wozanaa bayidi daafurenna mala, nagaranchchati bana daro ixxinkka genccida Yesuusa qoppite.

Ibraawe 12:5

Xoossai ba naatudan, inttena zoriyoogaa dogidetii? Xoossai inttena, “Ta na7au, Xoossai nena qaxxayiyo wode, laafabaadan qoppoppa. I nena seeriyo wodekka yayyoppa.