Ibraawe 11:3 - Wolaytta Bible

³ Sa7ai Xoossaa qaalan merettidoogaa ammanuwan nuuni eroos; hegaa gishshau, beettiyaabai beettennabaappe merettiis.

Ibraawe 11:3 Iomraidhean Croise

Doomettaabaa 1:1

Xoossai salotanne sa7aa koiro medhdhiis.

Mazamure Maxaafaa 33:6

GODAA qaalan saloti merettidosona. A doonaappe kiyiya shemppuwan etan de7iya awai, aginainne xoolintteti oosettidosona.

Mazamure Maxaafaa 33:9

Aissi giikko, i haasayin haniis; i azazin, minnidi eqqiis.

Isiyaasa 40:26

Intte aifiyaa xoqqu oottidi, saluwaa xeellite; he xoolintteta medhdhidai oonee? I eta olanchchaadan kaalettees; eta qoodaakka erees. I eta ubbaakka eta sunttan sunttan xeesees. A anggaa gitatettaappenne a wolqqaa minotettaappe denddidaagan, etappe issoinne xayenna.

Ermmaasa 10:11

GODAI hagaadan yaagees; “Etayyo hagaadan yaagada yoota; 'Hegeeti saluwaanne sa7aa medhdhibeenna xoossati sa7aappenne salo garssaappe xayana' yaaga” yaagees.

Ermmaasa 10:16

SHin Yaaqooba Saamaa gidiyaagee hegeeta mala gidenna. Aissi giikko, i ubbabaa medhdhidaagaa; Israa7eeli i baassi doorido zare. A sunttaikka Ubbaappe Wolqqaama GODAA.

Yohaannisa 1:3

Xoossai ubbabaa Qaalaa baggaara medhdhiis. Merettidabai ubbai i bainnan aibinne merettibeenna.

Yesuusi Kiittidoogeetu Oosuwaa 14:15

bantta qaalaa xoqqu oottidi, hagaadan yaagidosona; “Asau, hagaa aissi ootteetii? Nuunikka inttenadan merettida asa; ha pattenna yohuwaappe saluwaanne sa7aa, abbaanne eta giddon de7iya ubbabaa medhdhida de7o Xoossaakko intte simmana mala, inttessi nuuni wonggeliyaa mishiraachchuwaa yootoos.

Yesuusi Kiittidoogeetu Oosuwaa 17:24

“Sa7aanne sa7an de7iya ubbabaa medhdhida Xoossai saluwaanne sa7aa Godai, asi keexxido Beeta Maqidasiyan de7enna.

Koiro Qoronttoosa 2:7

SHin nuuni yootiyo aadhdhida eratettai, Xoossai kasetidi, daro wodiyaappe kase nu bonchchuwaassi doorido asaappe geemettida a xuura aadhdhida eratettaa.

Koiro Ximootiyoosa 4:5

Aissi giikko, he ubbabai Xoossaa qaalaaninne woosan anjjettidaagaa.

Ibraawe 1:2

SHin ha wurssetta wodiyan, ubbabaa a laatissidi, sa7aa a baggaara medhdhido ba Na7aa baggaara nuuyyo haasayiis.

Naa77antto PHeexiroosa 3:5

Daro wodiyaappe kase Xoossai haasayin, saloinne sa7ai merettidoogaa eridi, eti akeekennan ixxidosona. Sa7ai haattaappenne haattan merettiis.

Ajjuutaa 4:11

“Nu Godau Xoossau, neeni bonchchuwaa, sabaanne wolqqaa ekkanau bessaasa. Aissi giikko, ubbabaa neeni medhdhadasa; qassi ubbabaikka neeni koyidoogaadan haniisinne de7iis” yaagoosona.