Ibraawe 11:29 - Wolaytta Bible

²⁹ Israa7eela asai mela biittan hemettiyoogaadan, Zo7o Abbaa pinnidoogee ammanuwaana; shin Gibxxe asati geli be7ishin, haattai eta mitti aggiis.

Ibraawe 11:29 Iomraidhean Croise

Nahimiyaa Maxaafaa 9:11

Abbaa yaanne haanne shaakkada, gidduwaara ne asaa mela biittaara pinttadasa. SHin shuchchai ciimma haattan olin, xaggaa duge wodhdhiyoogaadan, eta yedettiya morkketa abban mitissada xaissadasa.

Mazamure Maxaafaa 66:6

I abbaa haattaa melissiis; qassi beni nu aawati shaafaara bantta tohuwan hemettidi pinnidosona. Hegan i oottidoban nuuni ufaittida.

Mazamure Maxaafaa 78:13

Abbaa shaakkidi, gidduwaara eta pinttiis; i haattaa shaakkidi, yan han godadan essiis.

Kessaabaa 14:13

SHin Muusee asaa, “Yayyoppite; minni eqqite; GODAI hachchi inttena ashshiyo ashettaa intte be7ana. Hachchi intte be7iyo Gibxxeta naa77antto mulekka be7ekketa.

Kessaabaa 14:22

Israa7eelati abbaa gidduwan mela biittaara hemettidi, haattai etayyo ushachchaaranne haddirssaara godadan eqqidaashin biidosona.

Kessaabaa 14:27

Yaagin Muusee ba kushiyaa abbaa bollan micciis; sa7ai wonttishin, abbai ba kase sohuwaa guyye simmiis; Gibxxeti yaa a giddo baqatishin, GODAI Gibxxeta abbaa gidduwan aatti yeggiis.

Yaasu Maxaafaa 2:10

Aissi giikko, Gibxxe biittaappe intte kiyido wode, intte sinttan Zo7o Abbaa GODAI waati melissidaakkonne nuuni siyida. Qassi Yorddaanoosa SHaafaappe arshsho baggaara de7iya Amoore biittaa kawota naa77ata, Sihoonanne Ooganne intte waati muleera xaissidaakkonne siyida.