Ibraawe 10:38 - Wolaytta Bible

³⁸ Ta xilloi ammanuwan de7ana. SHin ooninne guyye simmikko, tana ufaissenna” yaagees.

Ibraawe 10:38 Iomraidhean Croise

Sameela Maxaafaa Naa77anttuwaa 22:22

Taani GODAA ogiyaa kaallaas; taani ta Xoossaa aggada wora babeikke.

Mazamure Maxaafaa 147:11

GODAI bau yayyiyaageetuuninne aggenna a siiquwan bantta ufaissaa wottidaageetun ufaittees.

Mazamure Maxaafaa 149:4

Aissi giikko, GODAI ba asan ufaittees; naaqettidaageetau xoonuwaa immidi, i eta bonchchees.

Mazamure Maxaafaa 5:4

Neeni iitatettan ufaittenna Xoossaa; iitabi nenaara de7enna.

Mazamure Maxaafaa 85:8

Taani GODAI Xoossai yootiyoobaa siyais. Nuuni nu eeyya ogiyaa guyye baana xayikko, i nuuyyo, ba asaayyo, “Sarotettaa immana” giidi yootees.

Isiyaasa 42:1

Taani kaafada oikkido ta ashkkarai, ta shemppoi an ufaittiyoogee, taani dooridoogee hageeho. Taani ta Ayyaanaa a bolli wottaas; i kawotettatussi suure pirddaa ehaana.

Hizqqeela 18:24

“SHin xillo asi ba xillotettaappe guyye simmidi, nagaranchcha asi oottiyo nagaraanne tuna oosuwaa oottikko, i paxa de7anee? CHii, i oottido xillo oosuwaappe issoinne qofettenna; i ammanettennan ixxido gishshaunne i oottido nagaraa ubbaa gishshau, i haiqqana.

Hizqqeela 3:20

“Qassi xillo asi ba xillotettaappe guyye simmidi, iitaa oottiyo wode, taani a sinttan xubiyaa wottin, i haiqqana. I simmanaadan neeni a, 'Nena ye77e!' gabeenna gishshau, i ba nagaran haiqqana; i kase oottido xillo oosoi zaaridi qofettenna; shin taani a suuttaakka neeppe achchana.

Hizqqeela 33:13

Taani xillo asa, “Neeni tumu paxa de7ana” yaagido wode, i ba xillotettan ammanettidi nagaraa oottikko, ba oottido nagaran i haiqqanaappe attin, kase xillotettai ayyo qofettenna.

Imbbaaqooma 2:4

“Be7a, i otorettiis; a amoikka suure gidenna; shin xilloi ba ammanuwan de7ana.

Sofonaasa 1:6

GODAA kaalliyoogaa aggidi guyye simmidaageeta, GODAA koyibeennaageetanne oichchibeennaageetakka taani xaissana” yaagees.

Milkkiyaasa 1:10

Ubbaappe Wolqqaama GODAI hagaadan yaagees; “Intte taayyo yarshshiyoosaa bollan coo hadan tamaa eettiyoogaappe, intteppe issi urai Beeta Maqidasiyaa penggiyaa gorddiyaabaa gideerenneeshsha! Taani inttenan ufaittikke; intte immiyo imotaakka ekkikke” yaagees.

Maatiyoosa 12:18

Xoossai Isiyaasa baggaara hagaadan yaagiis; “Taani doorido ta ashkkarai, taani siiqiyo, tana ufaissiyaagee hageeho. Taani ta Ayyaanaa a bolli wottana. I suure pirddaa Aihuda gidenna asa ubbau yootana.

Maatiyoosa 13:21

SHin hegee ha77issau de7iyoogaappe attin, aani xaphoi baawa; qaalaa gaasuwan waayee woi yedetai yiyo wode, sohuwaara xubetti aggees.

Roome 1:17

Aissi giikko, Xoossaa maxaafai, “Xilloi ammanuwan de7ana” yaagiyoogaadan, Xoossai asaa koiroppe wurssettaa gakkanaassi, ammanuwan xillissiyoogaa wonggelee qonccissees.

Galaatiyaa 3:11

Xoossaa maxaafai, “Xilloi ammanuwan de7ana” giyo gishshau, ooninne Xoossaa sinttan higgiyaa naagiyoogan xillennaagee erettidaagaa.

Koiro Tasalonqqe 2:15

He Aihudati Godaa Yesuusanne hananabaa yootiyaageeta woridosona; qassi nuna yedettidosona. Eti Xoossaa ufaissokkona; asa ubbaakka ixxoosona.

Ibraawe 10:39

Nuuni ammanidi attidaageetu bagga gidiyoogaappe attin, guyye simmidi xayidaageetu bagga gidokko.

Yaaqooba 5:6

Xillo asa bolli pirddideta; qassi a worideta; i inttenaara eqettenna.

Koiro Yohaannisa 2:19

Ha morkketi nu bagga gidenna gishshau, nu giddoppe kiyidosona; aissi giikko, eti nu bagga gidiyaabaa gidiyaakko, nu giddon de7ana; shin etappe ooninne nu bagga gidennaagee erettana mala, nu giddoppe kiyidosona.