Hoose7a 8:1 - Wolaytta Bible

¹ “Malkkataa punna! Aissi giikko, eti ta maachchaa kanttidi, ta higgiyaa menttido gishshau, GODAA asaa bolli morkkee argganttaadan aallanttees.

Hoose7a 8:1 Iomraidhean Croise

Kawotu Maxaafaa Naa77anttuwaa 18:27

SHin gadaawai zaarettidi, “Ha qaalata taani inttessinne intte godaa xalaalaassi yootanau tana ta godai kiittideeyye? Inttenaara issippe bantta shiyaa maanaunne bantta sheeshshaa uyanau de7iya, ha dirssaa gimbbiyaa bolli uttida asaassaara ubbau odanaassa gidenneeyye?” yaagiis.

Isiyaasa 18:3

Inttenoo, sa7an de7iya ubbatoo, inttenoo, biittan de7iyaageetoo, deretu bollan malaatai eqqiyo wode, intte be7ana; qassi malkkataikka punettiyo wode, intte siyana.

Isiyaasa 24:5

Biittai banan de7iya asaappe denddidaagan tuniis. Aissi giikko, eti higgiyaa kanttidosona; wogaa menttidosona; merinaa maachchaakka kolidosona.

Isiyaasa 58:1

GODAI hagaadan yaagees; “Ne qaalaa xoqqu oottada waassa; guyye gooppa. Ne cenggurssaa malkkataagaadan xoqqissa. Ta asaassi eta makkalaa, Yaaqooba keettaa asaassikka eta nagaraa yoota.

Ermmaasa 31:32

He maachchai taani eta Gibxxeppe kessanau eta kushiyaa oiqqido wode, eta maizza aawatuura maacettido maachchaa mala gidenna; taani etayyo azina mala gida uttinkka eti ta maachchaa kanttidosona. Taani GODAI hagaa odais.

Ermmaasa 34:18

Ta maachchaa kanttida asaa, ta sinttan maacettido maachchaa qaalata naagennan ixxida asaa, eti maachchau shukkidi, baggaa baggaa kessi maaran wottidi, naa77u baggaappe gidduwaara kanttido, he maraadan taani eta oottana.

Ermmaasa 4:13

Be7ite, morkkee shaaraadan kiyees. A paraa gaaretikka gote mala; a parati argganttaappekka aadhdhi eesotoosona. Aayye7ana nunoo! Baa xayida!

Ermmaasa 4:5

GODAI hagaadan yaagees; “Yihudan yootite. Yerusalaamen, 'Biitta ubban malkkataa punnite!' yaagidi awaajjite. Intte qaalaa xoqqissidi, hagaadan giidi waassite! 'Issippe shiiqite! Ane gimbbee yuuyi aadhdhido katamaa hinddite!' yaagite.

Ermmaasa 48:40

GODAI hagaadan yaagees; “Argganttai ba qefiyaa piddi ootti paalliiddi yiyoogaadan, morkkee Moo7aaba bollan yaana.

Ermmaasa 49:22

Argganttai ba qefiyaa piddi oottidi, bollappe duge eesuwan paallidi yiyoogaadan, morkkee Booxira bollan yaana. He gallassi Eedooma olanchchati maaretai oiqqido maccaaseedan hirggana” yaagees.

Ermmaasa 51:27

“Baabiloone bolli olaa banddiraa denttite; asaa ubbaa giddon malkkataa punnite. A olanau asaa ubbaa giigissite; Araaraate, Miinanne Ashkkanaaza kawotettata xeesite. Ola gadaawaakka sunttite; booliyaa keena daro paratakka ehiite.

Ermmaasa 6:1

Qassikka GODAI, “Inttenoo, Biniyaama asatoo, intte shemppuwaa ashshanau baqatite! Yerusalaameppe kiyite! Taqo7a kataman malkkataa punnite! Beeti-Hakkareema giyoosan malaataa bessite! Aissi giikko, huuphessa baggappe iitabainne hanttaara bashshai yaana hanees.

Hizqqeela 11:4

Hegaa gishshau, asa na7au, hananabaa yoota! Eta bolli hananabaa yoota!” yaagiis.

Hizqqeela 16:59

“'Ubbaa Haariya GODAI hagaadan yaagees; “Neeni maachchaa kanttido gishshaunne caaquwaa kolido gishshau, neeni oottido oosuwaadan, taani neeyyo oottana.

Hizqqeela 17:3

Hagaadan yaaga; 'Ubbaa Haariya GODAI hagaadan yaagees; “Lo77iya baalletinne gita gita qefeti de7iyo issi argganttai de7ees. He argganttai Liibaanoosa yiis; yiidi zigaa xeeran uttiis.

Hizqqeela 7:14

Ta hanqqoi asaa ubbaa bolli de7iyo gishshau, eti olau xurumbbaa punnidi, ubbabaa giigissikkokka, ooninne olau kiyenna.

Hoose7a 4:6

Ta asai eratettai xayin bayiis. Intte eratettaa ixxido gishshau, taanikka intte tau qeese gidanaagaa ixxais. Intte Xoossaa higgiyaa intte dogido gishshau, taanikka intte naata dogana.

Hoose7a 5:8

Gib77a kataman malkkataa, Raama kataman xurumbbaa punnite. “Biniyaama asau, nuuni intte guyyiyan de7oos; hegaa erite!” yaagidi, Beeti-Aweenan waasuwaa xulluusite.

Hoose7a 6:7

“SHin eti Addaamedan, maachchaa kanttidosona; kanttidi yan taassi ammanettennan ixxidosona.

Hoose7a 9:15

GODAI hagaadan yaagees; “Eta iitatetta ubbai Gelggala giyoosaana; taani eta ixxiyoogaa yan doommaas. Eta oosuwaa iitatettaa gishshau, taani eta ta keettaappe gooddana; hagaappe sinttanau taani eta siiqikke; eta haariyaageetikka makkalanchcha.

Yuu7eela 2:1

Xiyoonen malkkataa punnite; ta geeshsha deriyankka malkkataa sissite! Yihudaa biittan de7iya asai ubbai yashshau kokkoro; aissi giikko, GODAA gallassai yees; yiidi matattees.

Yuu7eela 2:15

Xiyoonen malkkataa punnite; xoomaa awaajjite; geeshsha yaa7au asaa xeesidi shiishshite!

Amoxa 3:6

Katamaa giddon olaa malkkatai punettiyo wode, asai yashshan kokkorenneeyye? Woikko GODAI kiittennan de7ishin, bashshai issi katamaa bollan yiiyye?

Amoxa 8:3

Ubbaa Haariya GODAI hagaadan yaagees; “He gallassi kawo keettan yexxiyo yettai yeehuwau laamettana; haiqqida asaa ahai mule sohuwan darana; qassi co77u gin, yan han olettana” yaagees.

Amoxa 9:1

Yarshshiyo sohuwaa matan Godai eqqidaashin, taani be7aas. I tana hagaadan yaagiis; “Baasoi qaaxxanaadan, Beeta Maqidasiyaa gumbbuwaa shoca; shocada asa ubbaa huuphiyan mentteretta. Hegaappe attiya asaa taani bisuwan worana. Baqatiya asi kessi ekkenna; kessi ekkida asikka paxa attenna.

Imbbaaqooma 1:8

Eta parati maahetuppekka aadhdhida eesanchchanne namisettida omarssa wanggireellotuppekka aadhdhida hanttaara. Eta paraasati yeddiiddi, haahosaappe yoosona; eti argganttai aibakko oiqqanau paalliyoogaadan paalloosona.

Sofonaasa 1:16

He gallassai yuushuwaa direttida katamatu bollinne adussa gimbbetu bolli olaa malkkatai punettiyo gallassanne olanchchati olaa alaassaa alaahiyo gallassa gidana.

Zakkaariyaasa 11:1

Nenoo, Liibaanoosaa, tamai ne zigata maana mala, ne penggeta dooya!

Zakkaariyaasa 9:14

He wode GODAI eta bolli qonccana; a zubbeekka wolqqanttaadan wolqqammana. Ubbaa Haariya GODAI malkkataa punnana; tohossa bagga gotee kanttiyoogaadankka kanttana.

Maatiyoosa 24:28

“Gauxai de7iyoosaa ankkoi shiiqana.

Zaarettido Wogaa 28:49

“GODAI neeni eta qaalaa erenna kawotettaa ankkoi paalliyoogaadan eesoyiiddi, biittaa gaxaappe, haahuwaappe ne bolli ehaana.