Hoose7a 6:1 - Wolaytta Bible

¹ Israa7eela asai hagaadan yaagees; “Haayite! Ane GODAAKKO simmoos. I nuna mentterettiis, shin i nuna pattana; i nuna masunxxissiis, shin i nu masunttaa qachchana.

Hoose7a 6:1 Iomraidhean Croise

Hanidabaa Odiya Naa77antto Maxaafaa 30:6

Kawoinne kawuwaa halaqati azazin, kiitettidaageeti Israa7eela biittaa ubbaanne Yihudaa biittaa ubbaa hagaadan yaagiya dabddaabbiyaa ekkidi efiidosona; “Israa7eela asau, Asoore biittaa kawotu kushiyaappe kessi ekkidi, intte biittan attida inttekko i simmanaadan, inttekka GODAAKKO, Abrahaama, Yisaaqanne Israa7eela Xoossaakko simmite!

Iyyooba Maxaafaa 16:9

Xoossai ba hanqquwan tana duuteretti yeggiis; ba achchaakka ta bolli garcciis; i ta morkkee tana dereqqees.

Iyyooba Maxaafaa 22:23

Nenatettaa ziqqissada, Ubbaa Danddayiya Xoossaakko, neeni simma; iita ooso ubbaa ne sooppe digga.

Iyyooba Maxaafaa 34:29

Xoossai co77u giikko, a pirddanai oonee? I ba som77uwaa wora zaarikko, asa maaddiyaabi baawa.

Iyyooba Maxaafaa 5:18

I masunxxissees, shin masunttaa qachchees. I dechchees, shin a kushee xallees.

Mazamure Maxaafaa 30:7

Abeet GODAU, neeni taayyo kehido wode, tana gita deriyaadan minttada essadasa. SHin neeni ne sinttaa wora zaarido wode, taani dagammaas.

Mazamure Maxaafaa 6:2

Abeet GODAU, taani labbannido gishshau, tana maararkkii. Abeet GODAU, ta meqettati tana sahuwan woriyo gishshau, tana patta.

Mazamure Maxaafaa 71:20

Neeni ta bolli daro metuwaa ehaadasa; gidikkonne, neeni ta de7uwaa zaarada ooraxissana; neeni tana duufuwan gelennaadan naagana.

Eranchchaa Maxaafaa 3:3

Woranau wodee de7ees; pattanaukka wodee de7ees. Qolanau wodee de7ees; qassi keexxanaukka wodee de7ees.

Isiyaasa 17:7

He gallassi asai banttana Medhdhidaagaakko xeellana; bantta aifiyaakka Israa7eela Geeshshaakko zaarana.

Isiyaasa 2:3

Daro asai yiidi, “Haayite! GODAA deriyaa, Yaaqooba Xoossaa Beeta Maqidasiyaa ane pude kiyoos. I koyiyoogaadan nuuni baana mala, i nuna ba ogiyaa tamaarissana” yaagana. Aissi giikko, higgee Xiyooneppe, GODAA qaalaikka Yerusalaameppe kiyana.

Isiyaasa 30:22

Hegaappe guyyiyan, biran alleeqettida eeqatanne worqqan kamettida misileta intte tunissana. Qita curqqadan intte eta, “Nuuppe haakkite” yaagidi wora olana.

Isiyaasa 30:26

He gallassi aginee poo7oi awaa poo7uwaadan hanana; awaa poo7oikka kaseegaappe laappun kushe darana; laappun gallassa poo7uwaa keenaa poo7ana. He gallassi GODAI meqqida ba asaa koolana; i dechchin masunxxida masunttaakka pattana.

Isiyaasa 55:7

Iitai ba oosuwaa, nagaranchchaikka ba qofaa aggo; GODAAKKO i simmo. Simmin i a maarana. I nu Xoossaakko simmo. Simmin i ayyo coo atto gaana.

Ermmaasa 3:22

GODAI eta, “Inttenoo, ammanoi bainna asatoo, taakko simmite. Intte ammanettana mala, taani inttena pattana” yaagiis. Yaagin eti, “Eeno, nuuni neekko simmana. Aissi giikko, neeni GODAA nu Xoossaa.

Ermmaasa 30:12

GODAI hagaadan yaagees; “Intte deshettai paxennaagaa; intte masunttaikka hanttaara.

Ermmaasa 30:17

Taani intteyyo kehissana; intte masunttaakka pattana. Aissi giikko, eti inttena, 'Hageeti olettidaageeta; Xiyoone asaabaa wudiyaabi baawa' yaagoosona. Taani GODAI hagaa odais” yaagees.

Ermmaasa 33:5

Inttenaara olettanaunne taani ta hanqquwaaninne yiilluwan shocana asatu ahaa he sohotun kunttanau Baabilooneti geloosona. Aissi giikko, eta iitatettaa ubbaa gishshau, taani ha katamaappe ta som77uwaa genttaas.

Ermmaasa 33:6

“Gidikkonne, taani ha katamaanne an de7iya asaa zaarada pattana; eta payyatettaakka zaarana; keehi daro saruwaanne woppa de7uwaa taani etayyo immana.

Ermmaasa 50:4

GODAI hagaadan yaagees; “He wodiyaaninne he gallassatun Israa7eela asainne Yihudaa asai issippe gididi, yeekkiiddi yaana; yiidi GODAA bantta Xoossaa koyana.

Ermmaasa 50:5

Eti Xiyoone efiya ogiyaa oichchidi, bantta sinttaa yaa zaaridi, 'Haayite! Nuuni mulekka dogettenna merinaa maachchaa GODAARA ane maacettoos' yaagana.

Ermmaasa Zilaassaa 3:11

I tana ta ogiyaappe kessi oliis; olidi duuterettiis. Yaatidi tana asi bainnasan yeggi bayiis.

Hoose7a 11:10

“Eti GODAA kaallana; ikka gaammodan gudana. I gudiyo wode, a naati arggo baggappe yaana;

Hoose7a 12:6

Hegaa gishshau, intte Xoossaakko simmite; siiquwaanne suure pirddaa mintti oiqqite; intte Xoossai oottanaashin naagite.

Hoose7a 14:1

Israa7eela asau, intte nagaraa gaasuwan xubettidi kunddideta. Intte ha77i GODAAKKO, intte Xoossaakko simmite.

Hoose7a 14:4

GODAI hagaadan yaagees; “Ta hanqqoi etappe simmiis; hegaa gishshau, taani eta makkala hanuwaappe eta pattana; pattada eta wozanappe siiqana.

Hoose7a 3:5

Hegaappe guyyiyan, Israa7eela asai simmidi, GODAA bantta Xoossaanne Daawita bantta kawuwaa koyana; koyidi wurssetta gallassatun eti kokkoriiddi, GODAAKKONNE a anjjuwaakko yaana.

Wogaabaa 14:48

“SHin qeesee yiidi xeelliyo wode, keettai cadetti simmin naa77anttuwaa simmidi aakkana xayikko, boroqoi xayiichchido gishshau, he keettai geeshsha gidiyoogaa qeesee erisso.

Sofonaasa 2:1

Inttenoo, yeellai bainna asatoo, ane issippe shiiqiichchite!

Zaarettido Wogaa 32:39

“'GODAI tanattenne. Ta xallai Xoossaa. Taappe attin, hara xoossi baawa. Woriyaagee, de7uwaakka immiyaagee tana; taani masunxxissada, taani pattana; ta kushiyaappe ooninne ashshenna.

Sameela Maxaafaa Koiruwaa 2:6

“GODAI woreesinne pattees; qassi i duge Si7ooliyan yeggeesinne pude kessees.

Sameela Maxaafaa Koiruwaa 7:3

Sameeli Israa7eela asaayyo ubbaayyo, “Kumetta wozanaappe intte GODAAKKO simmikko, allaga xoossatanne Asttaarooto giyo xoossiyo intte giddoppe diggite; intte huuphiyaa GODAAYYO sheedhdhite; a xalaalaayyo kiitettite; yaatikko, i inttena Pilisxxeematu kushiyaappe ashshana” yaagidi haasayiis.