Hoose7a 5:7 - Wolaytta Bible

⁷ Eti GODAAYYO ammanettibookkona; eti yelido naatikka assa gidokkona. Hegaa gishshau, ha aginai xeeranaashin, etikka eta biittaikka xayana.

Hoose7a 5:7 Iomraidhean Croise

Mazamure Maxaafaa 144:11

Tana pala bisuwaappe ashsha; allaga asatu kushiyaappe tana wotta ekka. Eti tumaa haasayana giidi caaqqidikka, wordduwaa haasayoosona.

Mazamure Maxaafaa 144:7

Bollaara ne kushiyaa duge yeddada, tana ciimma haattatuppe goochchada kessa; allaga asatu kushiyaappe tana wotta ekka.

Isiyaasa 1:14

Aginaa xeeruwaa intte bonchchiyo gallassaanne keerettida intte baalaa gallassata taani ixxaas; eti taayyo tooho gididosona; taani eta tookkaidda daafuraas.

Isiyaasa 48:8

Neeni mulekka siyabaakka; qassi mulekka erabaakka. Ne haittai benippekka dooyettibeenna. Aissi giikko, neeni cimmiyaagaa gidiyoogaa taani erais; qassi yelettoosappekka neeni makkalanchcha geetettada xeesettadasa.

Isiyaasa 59:13

Nuuni makkalidi, GODAA kaddida; nu Xoossaa kaalliyoogaa aggidi, guyye simmida; sugettaanne geniyaa haasayida. Qassi nuuni shahaarido worddo qaalaa nu wozanaappe yelida.

Hizqqeela 12:28

Hegaa gishshau, neeni etau hagaadan yaaga; 'Ubbaa Haariya GODAI hagaadan yaagees; “Taani yootiyo qaalai polettanaappe attin, issoikka gam77enna. Taani Ubbaa Haariya GODAI hagaa odais” yaagees' yaaga” yaagiiddi yiis.

Hoose7a 2:11

Taani i ufaissai ubbai, i gibirai, i aginai xeeriyo gallassati, i Sambbata gallassati, laittan laittan bonchchettiya i baalati ubbai attanaadan, oottana.

Hoose7a 2:4

Eti shaaramuxeeppe yelettida naata gidido gishshau, taani i naatussi qarettikke.

Hoose7a 6:7

“SHin eti Addaamedan, maachchaa kanttidosona; kanttidi yan taassi ammanettennan ixxidosona.

Hoose7a 7:13

“Etau aayye7ana! Aissi giikko, eti taappe wora simmidosona. Eta bashshiyaabai yo! Aissi giikko, eti ta bolli makkalidosona. Taani eta wozanau koyaas; shin eti ta bolli wordduwaa haasayoosona.

Zakkaariyaasa 11:8

Hegaappe guyyiyan, taani issi aginaa giddon heezzu henttanchchata xaissaas. Aissi giikko, eta hanotettai taayyo danddayettibeenna; yaatin, etikka tana ixxidosona.