Hoose7a 5:5 - Wolaytta Bible

⁵ Israa7eela asaa otoroi eta bollan markkattees; hegaa gishshau, Israa7eela asainne Efireema asai bantta nagaran xubettoosona; Yihudaa asaikka etaara xubettees.

Hoose7a 5:5 Iomraidhean Croise

Leemiso Maxaafaa 11:21

Iita asi qaxxayettanaagee attenna; shin xillotu zaree attana.

Leemiso Maxaafaa 11:5

Boree bainna uraa ogiyaa a xillotettai sittissees; shin iita urai ba iitatettan kunddees.

Leemiso Maxaafaa 14:32

Iitati bantta iita oosuwan kunddana; shin xilloti bantta suuretettan naagettana.

Leemiso Maxaafaa 24:16

Xillo asi laapputoo kunddikkokka denddees; shin iitati metuwan xayana.

Leemiso Maxaafaa 30:13

Otoruwaa meexxiya asatinne asa karidi xeelliya asati de7oosona.

Isiyaasa 3:8

Yerusalaamee ganddigaarees; Yihudai kunddees; aissi giikko, eti bantta oduwaaninne bantta oosuwan GODAA bolli denddidi, a bonchchuwaa toochchoosona.

Isiyaasa 3:9

Eta som77uwaa merai eta bolli markkattees; eti bantta nagaraa Sadooma asaadan awaajjoosona; bantta nagaraa qottokkona. Etau aayye7ana! Aissi giikko, eti bantta bolli iitabaa ehiidosona.

Isiyaasa 44:9

Eeqa misileta massidi medhdhiya ubbati hada; eti an ufaittiyoobati eta go77okkona. Eta markkatikka be7okkonanne erokkona. Hegaa gishshau, eti yeellatana.

Isiyaasa 59:12

Aissi giikko, nu mooroi ne sinttan dariis; nu nagaraikka nu bolli markkattees. Nu mooroi nunaara de7ees; nu naaquwaakka nuuni eroos.

Ermmaasa 14:7

Asai hagaadan yaagidi woossiis; “Abeet GODAU, nu nagarai nu bollan markkattikkonne, ne sunttaa gishshau, nuussi issibaa ootta. Nuuni neeppe darotoo guyye simmida; ne bollan nagaraa oottida.

Ermmaasa 2:19

Simmi ne iitatettai nena qaxxayana; neeni tana aggidoogee ne bolli pirddana” yaagees. Godai, Ubbaappe Wolqqaama GODAI hagaadan yaagees; “Neeni tana GODAA ne Xoossaa aggidoogee ai keena iitanne camo gidiyaakko, ane eranne be7a. Neeni taayyo yayyiyo yashshi nenan baawa.

Hoose7a 14:1

Israa7eela asau, intte nagaraa gaasuwan xubettidi kunddideta. Intte ha77i GODAAKKO, intte Xoossaakko simmite.

Hoose7a 14:2

GODAAKKO simmidi, hagaadan yaagidi woossite; “Nu nagara ubbaappe nuna maara; neeni nuna ne kehatettan shiishsha ekka; yaatin nuuni nu inxxarssan nena galatana.

Hoose7a 4:5

Intte gallassi xubettana; hananabaa yootiyaageetikka inttenaara qammi xubettana. Hegaa gishshau, taani intte aayyiyo xaissana.

Hoose7a 5:14

Hegaa gishshau, taani Efireemayyo gaammodan hanana; Yihudaayyookka wodala gaammodan hanana. Taani eta mentterettada, tookka ekkada baana; ooninne eta taappe wotti ekkenna.

Hoose7a 7:10

Israa7eela asaa otoroi eta bollan markkattees. Hegee ubbai haninkka eti GODAAKKO, bantta Xoossaakko, simmibookkona woikko a koyibookkona.

Hoose7a 8:14

Israa7eela asai bana Medhdhidaagaa dogidi, kawo keettata keexxiis; Yihudaa asaikka gimbbettida daro katamata keexxiis. SHin taani he katamatun tamaa yeddana; yeddin eta qatota maana” yaagees.

Amoxa 5:2

“Geela7iyaa Israa7eela kunddaasu; simmi naa77antto denddukku. Sa7an olettaasu; o denttiyaabikka baawa!” yaagaas.

Maatiyoosa 23:31

Hegaa gidikko, hananabaa yootiyaageeta woridaageetu naata intte gididoogaa intte huuphen markkatteeta.

Luqaasa 19:22

“Yaagin, ‘Neeni iita ashkkara; ne doonai haasayidoban nena taani pirddana. Taani tabaa gidennabaa ekkiyaagaa, qassi zerabeennabaa cakkiya meqetti bainna asa gidiyoogaa eradasa.