Hoose7a 4:2 - Wolaytta Bible

² Ha biittan de7iyaabai qanggetta, worddo, asa woro, wuussanne shaaramuxa xalaala. Eti maachcha ubbaa kanttidosona; asaa woroi woruwaa kaallees.

Hoose7a 4:2 Iomraidhean Croise

Doomettaabaa 4:8

Hegaappe guyyiyan, Qaayeeli ba ishaa Aabeela, “Ane dembbaa boos” yaagiis. Biidi eti dembban de7ishin, Qaayeeli ba ishaa Aabeela bolli denddinne wori aggiis.

Isiyaasa 24:5

Biittai banan de7iya asaappe denddidaagan tuniis. Aissi giikko, eti higgiyaa kanttidosona; wogaa menttidosona; merinaa maachchaakka kolidosona.

Isiyaasa 48:1

“Inttenoo Yaaqooba zaretoo, Israa7eela sunttan xeesettiyaageetoo, qassi Yihudaa zerettaappe yiidaageetoo, hagaa siyite. Intte GODAA sunttan caaqqeeta; Israa7eela Xoossaa xeeseeta; shin tumatettaaninne xillotettan gidenna.

Ermmaasa 51:5

Israa7eela biittainne Yihudaa biittai Israa7eela Geeshshaa, tana, naaqqido nagaran kumidaagaa gidikkonne, Israa7eela gidin, Yihudaa gidin, naa77aakka taani eta Xoossai, Ubbaappe Wolqqaama GODAI yeggabeikke.

Ermmaasa 6:7

Ollai ba haattaa pulttiyoogaadan, ikka ba iitatettaa pulttees. Makkalabainne bashshabai a giddon siyettees. Muletoo a sahoinne masunttai ta sinttan beettees.

Ermmaasa Zilaassaa 4:13

SHin hagee hanidoogee a hananabaa yootiyaageetinne a qeeseti oottido nagaraa gishshaassa; qassi eti xillotu suuttaa a giddon gussido gishshaassa.

Hizqqeela 7:23

“'Biittai ubbai suuttaa gussiyaageetun kumido gishshaunne katamaikka makkala oosuwan kumido gishshau, sanssalataa giigissa.

Hoose7a 10:13

“Intte iitatettaa zeridi, nagaraa cakkideta; intte wordduwaa aifiyaakka miideta. “Intte intte wolqqaaninne intte daro olanchchatun ammanettido gishshau,

Hoose7a 10:4

Eti hekkennabaa haasayoosona; maachchaa maacettiiddikka wordduwan caaqqoosona. Hegaa gishshau, woriya sharafai shooqan doliyoogaadan, eta bollan pirddai dolana.

Hoose7a 11:12

Efireema asai wordduwan, Israa7eela asaikka cimuwan tana dooddidosona. Yihudaa asaikka ammanttiya Geeshsha Xoossaa bolli xalttaamiis.

Hoose7a 12:14

SHin Efireemi GODAA keehi hanqqetissiis; suuttaa i gussidoogaa acuwaa a Godai a achchana; qassi a cashshaa au zaarana.

Hoose7a 5:2

Makkalanchchati woriya diizzadan hanidosona; hegaa gishshau, taani eta ubbaa qaxxayana.

Hoose7a 6:8

Gala7aade katamai iita oosuwaa oottiya asati de7iyo katama; he katamai asaa suuttan mooretti uttiis.

Hoose7a 6:9

Panggati asa woranau qosetti uttidi naagiyoogaadan, qeesetu citaikka hegaadan naagees; naagidi Sekeema katamaa efiya ogiyan asaa worees. Ee, eti yeellayiya kobabaa oottoosona.

Hoose7a 7:1

“Taani Israa7eela pattanaunne zaarettada ishalissanau koyiyo wode, Efireema nagarainne Samaariyaa asaa iita oosoi qoncci beettees. Aissi giikko, eti worddotoosona; kaisoti son keettaa mentti gelidi wuuqqoosona; panggatikka karen bonqqoosona.

Hoose7a 7:3

“Eti kawuwaa bantta iitatettan, halaqatakka bantta wordduwan ufaissoosona.

Hoose7a 7:4

Eti ubbaikka makkalanchcha; daabbuwaa uukkiyaagee coociyan eettido tamaadan, eti hanqquwan eexxi kiyoosona. He uukkiyaagee munaqqiyoogaa polidi, munaqai denddana gakkanaashin, tamaa eettenna.

Mikiyaasa 3:2

Intte lo77uwaa ixxidi, iitaa doseeta. Ta asaappe eta galbbaa qaareeta; eta ashuwaakka eta meqettaappe shaakkeeta.

Mikiyaasa 3:9

Inttenoo, suure pirddaa ixxiyaanne sitta yohuwaakka geellayiya Yaaqooba zaretu halaqatoonne Israa7eela asaa haariyaageetoo, hagaa siyite.

Mikiyaasa 6:10

Nagaranchchaa keettan de7iya nagaran shiishshido buquraanne ta ixxiyo worddo makkiyo miishshata taani doganeeyye?

Mikiyaasa 7:2

Xoossaa dosiya keha asi biittan mulekka baawa; asaa garssan suure asi xayiis. Asi ubbi asa suuttaa gussanau zuggidi naagees; qassi ubbaikka ba ishaa gitiyan oiqqanau kaallees.

Sofonaasa 3:1

Makkalanchchaassi, tunidaagaassinne ba asaa tuggayida Yerusalaame katamaassi aayye7ana!

Zakkaariyaasa 5:3

Yaagin i tana hagaadan yaagiis; “Ha xaatta maxaafaa giddon de7iyaagee biitta ubbaa bollan yiya qanggettaa. He maxaafan issi baggaara, 'Wuuqqiya ubbi biittaappe xayana' yaagiyaagee xaafettiis; qassi hinkko baggaara, 'Wordduwan caaqqiya ubbi xayana' yaagiyaagee xaafettiis.

Zakkaariyaasa 7:9

“Ubbaappe Wolqqaama GODAI kase hagaadan yaagiis; 'Tumu pirdda pirddite. Intte giddon issoi issuwaassi kehatettaanne maarotettaa oottite.

Maatiyoosa 23:35

Hegaa gishshau, xilluwaa Aabeela woroosappe doommidi, Beeta Maqidasiyaappenne yarshshiyoosaappe gidduwan intte worido Baraakiyaa na7aa Zakkaariyaasa wodiyaa gakkanaassi, haiqqida xillo ubbatu suuttaa gishshau, intte qaxxayettana.

Yesuusi Kiittidoogeetu Oosuwaa 7:52

Hananabaa yootiyaageetun intte aawati waissibeennai oonee? Xoossaa Na7ai Xilloi yaanaagaa kasetidi yootidaageetakka woridosona. Ha77i inttekka kiitanchchatu kushiyaappe Xoossaa higgiyaa ekkidi azazettibeennaageeti, Xilluwaa aatti immidi worideta” yaagiis.

Zaarettido Wogaa 5:11

“'GODAA ne Xoossaa sunttaa hadan xeesoppa; aissi giikko, GODAI ba sunttaa hadan xeesiyaagaa qaxxayennan aggenna.

Zaarettido Wogaa 5:18

“'SHaaramuxoppa.

Zaarettido Wogaa 5:19

“'Wuuqqoppa.

Koiro Tasalonqqe 2:15

He Aihudati Godaa Yesuusanne hananabaa yootiyaageeta woridosona; qassi nuna yedettidosona. Eti Xoossaa ufaissokkona; asa ubbaakka ixxoosona.

Ajjuutaa 17:6

Qassi he mishiriyaa geeshshatu suuttaanne Yesuusayyo markkattishin woridoogeetu suuttaa uyada mattottidaaro taani be7ada garamettaas.