Hoose7a 12:7 - Wolaytta Bible

⁷ Zal77anchchaa kushiyan worddo meezaanai de7ees; asaa i cimmiyoogaa dosees.

Hoose7a 12:7 Iomraidhean Croise

Doomettaabaa 49:18

“Abeet GODAU, taani neeni ashshanau naagais.

Leemiso Maxaafaa 11:1

GODAI worddo meezaanaa ixxees; shin likke meezaanan ufaittees.

Leemiso Maxaafaa 16:11

Yiggiyo meezaanatinne makkiyo miishshati ammanttiyaageeta gidanaadan, GODAI koyees; baizziyooban ubban genee de7ennaadan koyees.

Isiyaasa 3:5

Asai asaa bolli, shooroi shooruwaa bolli denddidi, issoi issuwaa sugana. Yelagai cimaa bolli, karettidaagee bonchchettidaagaa bolli denddana.

Isiyaasa 56:1

GODAI hagaadan yaagees; “Tumu pirddaa naagite; xillobaa hanite; aissi giikko, ta ashettai ellellidi yaana; ta xillotettaikka matan qonccana.

Hizqqeela 16:3

Hagaadan yaaga; 'Ubbaa Haariya GODAI Yerusalaamo hagaadan yaagees; “Ne zareenne ne yeletai Kanaane biittaana; ne aawai Amoore biittaa asa; ne aayyiyaakka Hiite biittaa asa.

Hizqqeela 22:29

He biittaa asati bonqqoosona; hiyyeesatanne metootanchchata huqqunnoosona; eti betetakka yashissidi, miishshaa ekkidi, likke pirddaa diggoosona.

Hizqqeela 28:5

Ne zal77iyaa eran daro woriyaa demmadasa; ne duretaappe denddidaagan ne wozanai otorettiis” yaagees.

Hoose7a 14:2

GODAAKKO simmidi, hagaadan yaagidi woossite; “Nu nagara ubbaappe nuna maara; neeni nuna ne kehatettan shiishsha ekka; yaatin nuuni nu inxxarssan nena galatana.

Yuu7eela 2:12

GODAI hagaadan yaagees; “Ha77ikka xoomiiddi, yeekkiiddinne kayyottiiddi polo wozanaappe taakko simmite.

Amoxa 2:7

Manqqota biittaa baanan onggidi, eta huuphiyaa yedhdhoosona; naaqettidaageetu pirddaakka geellayoosona. Qassi aawainne na7ai naa77ai issi maccaasiyo laggettiyoogan ta geeshsha sunttaa keehippe tunissoosona.

Amoxa 3:9

Ashddooda katamaaninne Gibxxe kawo keettatun de7iya ubbatussi hagaadan yaagidi awaajjite; “Samaariyaa deretu bolli shiiqite; shiiqidi yan haniya gita wocamaanne sugetta oosuwaa be7ite” yaagite.

Amoxa 4:1

Inttenoo, Samaariyaa maccaasatoo, Baasaane biittaa macca miizzatudan modhdhidaageetoo, hagaa siyite! Intte hiyyeesata huqqunneeta; manqqotakka tuggayeeta. Intte keettaawatakka, “Nuussi ushshaa hammite” yaageeta.

Amoxa 5:11

Intte hiyyeesata yedhdhidi, eta kattaakka etappe bonqqidi ekkideta. Yaatidi masettida shuchchan keettata gimbbideta; shin intte he keettatun de7ekketa. Lo77iya woine turatakka tokkideta; shin intte he woiniyaa eessaa uyekketa.

Mikiyaasa 2:1

Iitabaa halchchiyaageetuyyo, qassi bantta hiixan de7iiddi, palabaa waati oottanaakko qoppiyaageetuyyo aayye7ana! Wolqqai eta kushiyan de7iyo gishshau, sa7ai wonttiyo wode, bantta halchchuwaa poloosona.

Mikiyaasa 7:2

Xoossaa dosiya keha asi biittan mulekka baawa; asaa garssan suure asi xayiis. Asi ubbi asa suuttaa gussanau zuggidi naagees; qassi ubbaikka ba ishaa gitiyan oiqqanau kaallees.

Zakkaariyaasa 14:21

Yerusalaameeninne Yihudan de7iya oto ubbai Ubbaappe Wolqqaama GODAASSI geeshsha gidana; yaatobare yarshshuwaa yarshshiya asai ubbai yiidi, he otota ekkidi, yarshshuwaa ashuwaa etan kattana. He gallassi Ubbaappe Wolqqaama GODAA Beeta Maqidasiyaa giddon ai zal77anchchinne de7enna.

Zakkaariyaasa 5:8

Kiitanchchai taayyo odiiddi, “Hanna Iitatettiyo geetettausu” yaagiis. Yaagidi o guyye keeshe giddo naaqqi gelissidi, irssaase qum77uwaakka duge naaqqidi, keeshiyaa qum77iis.

Zakkaariyaasa 7:9

“Ubbaappe Wolqqaama GODAI kase hagaadan yaagiis; 'Tumu pirdda pirddite. Intte giddon issoi issuwaassi kehatettaanne maarotettaa oottite.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Yohaannisa 2:16

Haraphphiyaa baizziyaageeta i, “Ha haraphpheta hagaappe kessite; ta Aawaa keettaa giya oottoppite!” yaagiis.

Yaaqooba 5:4

Akeekite; intte gaden kattaa cakkida asatuyyo qanxxibeenna keraa miishshai waassees; eta waasoi wolqqaama Godaa haittan siyettiis.

Sameela Maxaafaa Koiruwaa 12:3

Hekko taani hagan eqqaas; GODAA sinttaaninne i tiyido kawuwaa sinttan ta bolli markkattite. Taani o boora ekkidanaa? O hare ekkidanaa? Oona cimmidanaa? Oona huqqunnidanaa? Ta aifiyaa qooqissanau o kushiyaappe mattaaye miidanaa? Hageetuppe issuwaanne taani oottidobaa gidikko, taani qanxxana” yaagiis.