Hoose7a 11:4 - Wolaytta Bible

⁴ Taani eta qaretaaninne siiquwaa wodoruwan goochchaas; eta morggiyaappe qambbaraa denttaas; denttada hokkada eta mizaas.

Hoose7a 11:4 Iomraidhean Croise

Sameela Maxaafaa Naa77anttuwaa 7:14

Taani ayyo aawa gidana; ikka taayyo na7a gidana. I baliyo wode, taani a asaa xam77an, asai shociyo lissuwan a seerana.

Mazamure Maxaafaa 105:40

Eti miyoobaa oichchin, kuraachcho misatiya kafota etau yeddiis; eta saluwaa qumaa kalissiis.

Kessaabaa 16:32

Muusee Israa7eela asaa, “GODAI azazidobai hagaa; 'Taani inttena Gibxxe biittaappe kessido wode, bazzon mizido oittaa eti be7ana mala, mannaappe naa77u xaasa gidiyaagaa intte yaana yeletaassi ashshi wottite' yaagidi azaziis” yaagiis.

Siiquwaa Sabaa 1:4

Tana nenaara ekkada ba. Haaya, ane naa77ai issippe woxxoos! Ta kawuwau, tana ne siirixaa gelissa” yaagaasu. “Aban nuuni ai keenaa ufaittidonii! Nuuni a siiquwaa woiniyaa eessaappekka aattidi nashshoos. Tumukka maccaasai ubbai nena siiqanau bessees” yaagidosona.

Isiyaasa 63:9

Eta waayee ubban i waayettiis. A sintta kiitanchchai eta ashshiis. I eta ba siiquwaaninne ba maarotan woziis. Kase aadhdhida wodetu ubban i eta denttidi tookkiis.

Hoose7a 2:8

“Kattaa, woiniyaa eessaanne zaitiyaa iyyo immidaageenne eti Ba7aala giyo eeqau shiishshiyo biraanne worqqaa iyyo darissidaagee tana gidiyoogaa a erennan ixxaasu.

Wogaabaa 26:13

Intte Gibxxetuyyo aille gidennaadan, Gibxxe biittaappe inttena kessidaagee taani GODAI intte Xoossaa. Taani intte ailletettaa qambbaraa menttaas; qassi inttekka xoqqu giidi hemettanaadan oottaas.

Yohaannisa 12:32

Qassi taani masqqaliyaa bolli kaqettiyo wode, asa ubbaa taakko ekkana” yaagiis.

Naa77antto Qoronttoosa 5:14

Kiristtoosa siiqoi nuna godatees; aissi giikko, issi asi asa ubbaayyo haiqqidoogaa nuuni akeekida; hegaa gidikko asai ubbai aara haiqqiis.

Zaarettido Wogaa 32:12

Hara allaga xoossi bainnan, GODAA xalaalai ba asaa kaalettiis.

Zaarettido Wogaa 32:14

Eti mehiyaa wudiyaappe me77ida yeesuwaanne deeshshaa wudiyaappekka maattaa, dorssaa anqqaraanne galssaa miidosona; qassi Baasaane dorssaa wudiyaanne deeshshaa, lo77o gisttiyaara miidosona; suuttaa milatiya woiniyaa eessaakka uyidosona.