Hoose7a 1:6 - Wolaytta Bible

⁶ Goomera naa77anttuwaa shahaarada, macca na7iyo yelaasu. Yaatin, GODAI Hoose7a, “I sunttaa 'Loruhaamo' yaagada suntta. Aissi giikko, hagaappe sinttanau taani Israa7eela asau qarettikke; etau mulekka atto giikke.

Hoose7a 1:6 Iomraidhean Croise

Kawotu Maxaafaa Naa77anttuwaa 17:20

Hegaa daafan GODAI Israa7eela zeretta ubbaa aggi bayiis. I eta tuggayidi, ba sinttappe diggana gakkanaashin, eta bonqqiyaageetu kushiyan yeggi bayiis.

Kawotu Maxaafaa Naa77anttuwaa 17:6

Hoshee7i kawotido uddufuntta laittan Asoore kawoi Samaariyaa katamaa omooddiis. Omooddidi Israa7eela asaa ekkidi, Asoore biitti efiis. Efiidi eta attaa Halaaha kataman, attaa Meedoonatu katamatun, haraata qassi Gozaana biittan de7iya Haboora SHaafaa matan wottiis.

Isiyaasa 27:11

Mittaa tasheti meliyo wode meqerettoosona; maccaasaikka yiidi, eta eettanau efees. Ha asai akeeki bainna asa gidiyo gishshau, eta Medhdhidaagee etau qarettennanne maarenna.

Hoose7a 1:8

Goomera Loruhaamo xanttaa duuttidoogaappe guyyiyan, haranttuwaa shahaarada, attuma na7aa yelaasu.

Hoose7a 2:23

Taani o biittan taassi zerana. Kase taani qarettabeennaarissi ha77i qarettana. Qassi ta asa gidennaageeta, 'Ta asa' gaana; etikka tana, 'Neeni nu Xoossaa' yaagana” yaagees.

Hoose7a 2:4

Eti shaaramuxeeppe yelettida naata gidido gishshau, taani i naatussi qarettikke.

Amoxa 7:8

Eqqidi GODAI tana, “Amoxaa, ha neeni xeelliyoogee aibee?” yaagidi oichchiis. Oichchin taani, “Tumbbiyaa” yaagaas. Yaagin Godai tana, “Be7a, taani ta asaa Israa7eela giddon tumbbiyaa yeggais; taani eta qaxxayennan aadhdhikke.

Amoxa 9:8

GODAI hagaadan yaagees; “Be7ite, Ubbaa Haariya GODAA aifee nagaranchcha kawotettaa bollan de7ees. Taani a biittaa bollappe xaissana; shin taani Yaaqooba zariyaa muleera xaissikke.

Koiro PHeexiroosa 2:10

Intte kase Xoossaa asa gidekketa; shin ha77i intte a asa; intte kase maarotettaa ekkibeekketa; shin ha77i maarotettaa ekkideta.