Hizqqeela 5:8 - Wolaytta Bible

⁸ Hegaa gishshau, Ubbaa Haariya GODAI hagaadan yaagees; “Nenoo, Yerusalaamee, taani neeyyo morkke; hara kawotettati ubbai be7ishin, ne bolli ta pirddaa ehaana.

Hizqqeela 5:8 Iomraidhean Croise

Ermmaasa 21:13

GODAI hagaadan yaagees; “Nenoo, Yerusalaamee, neeni dembban de7iya zaalladan, dilbbaappe pude xoqqu gaada beettaasa; shin taani nenaara olettana. Neeni, 'Ooninne ta bolli xalenna woikko ta de7iyoosaa gelenna' yaagaasa;

Ermmaasa 21:5

Taani ta huuphen yeddido kushiyan, wolqqaama qesiyan, yiilluwan, hanqquwaaninne gita teegan nena olana.

Ermmaasa 24:9

Laalada yeddiyo biitta ubban taani eta ha sa7aa kawotettatu ubbau daganttiyaabaanne cayiyoobaa, boriyoobaanne leemisiyoobaa, qilliicciyoobaanne qanggiyoobaa oottana.

Ermmaasa 50:7

Demmida ubbai eta dechchiis. Eta morkketi, 'Nuuni ainne mooribookko; hagee metoi ubbai eta gakkidoogee, eti GODAA, bantta shemppo sohuwaa, bantta maizza aawatu hidootaa naaqqido gishshaassa' yaagidosona.

Ermmaasa Zilaassaa 2:5

Godai morkkedan hanidi, Israa7eela xaissiis. I kawo keettatanne qatota ubbaa qoliis. Yihudaa asaa bollan kayyuwaanne yeehuwaa gujjiis.

Ermmaasa Zilaassaa 3:3

I zaari zaaridikka gallassa muliyaa tana shocanau ba kushiyaa ta bollan denttiis.

Hizqqeela 11:9

Taani inttena ha katamaappe kessada, allagatuyyo aatta immana; taani intte bolli pirddana.

Hizqqeela 13:8

“'Hegaa gishshau, Ubbaa Haariya GODAI hagaadan yaagees; “Intte worddobaa haasayido gishshaunne worddo ajjuutaa be7ido gishshau, taani intteyyo morkke.

Hizqqeela 15:7

Taani ta som77uwaa eta bollan zaarana. Eti issi tamaappe kiyikkokka, hara tamai eta maana. Taani ta som77uwaa eta bolli zaariyo wode, taani GODAA gidiyoogaa eti erana.

Hizqqeela 16:41

Eti ne keettaa xuuggidi, daro maccaasaa sinttan ne bolli pirddana. Taani ne shaaramuxatettaa agissana; neenikka ne laggettotuyyo naa77antto yaa miishshaa qanxxakka.

Hizqqeela 21:3

Hagaadan yaaga; 'GODAI hagaadan yaagees; “Taani neeyyo morkke. Taani ta bisuwaa shoohuwaappe shoddada, xillo asaanne iita asaa ubbaa wurssana.

Hizqqeela 28:22

Hagaadan yaaga; 'Ubbaa Haariya GODAI hagaadan yaagees; “Nenoo, Sidoonaa, taani neeyyo morkke! Taani ne bolli oottiyooban ta bonchchoi qonccana. Ne giddon de7iyaageeta pirddiyoogan taani ta geeshshatettaa bessiyo wode, taani GODAA gidiyoogaa eti ubbai erana.

Hizqqeela 30:19

Taani Gibxxe hegaadan qaxxayana. Taani GODAA gidiyoogaa eti hegan erana” yaagees' yaaga” yaagiiddi yiis.

Hizqqeela 34:10

Taani intteyyo, henttanchchatuyyo morkke; ta dorssata taani intteppe ekkana; taani inttena naa77antto etau henttanchcha kessikke. Hagaappe sinttau intte intte xallaa heemmiiddi de7ekketa. Ta dorssata taani intteppe wotta ekkana; hagaappe sinttan eti intteyyo quma kiyokkona. Taani Ubbaa Haariya GODAI hagaa odais” yaagees.

Hizqqeela 35:3

Hagaadan yaaga; 'Ubbaa Haariya GODAI hagaadan yaagees; “Nenoo, Se7iira Deriyau, taani neeyyo morkke; taani ta kushiyaa ne bolli yeddada, nena moorettidanne baisa kessana.

Hizqqeela 39:1

“Ubbaa Haariya GODAI hagaadan yaagees; 'Laa asa na7au, Googa bolli hananabaa yoota. Hagaadan yaaga; “Meshekanne Tubaala asaayyo waanna halaqau Googaa, taani neeyyo morkke.

Hizqqeela 5:15

Taani inttena ta hanqquwaaninne ta yiilluwan hanttaara pirddaa pirddido wode, intte intte yuushuwan de7iya kawotettatussi qilliicciyoobaanne cayiyoobaa, inttena be7ida asi naagettiyoobaanne daganttiyaabaa gidana. Taani GODAI hagaa odaas.

Naahooma 2:13

Ubbaappe Wolqqaama GODAI hagaadan yaagees; “Be7a, taani ne bollan denddaas! Taani ne para gaareta taman xuuggana; ne wodala gaammotakka bisoi maana. Neeni hasiyoobaa taani biittaappe xaissana; neeyyo kiitettiyaageetu qaalaikka naa77antto mulekka siyettenna” yaagees.

Maatiyoosa 22:7

“Kawoi daro hanqqettiis; qassi ba wotaaddarata yeddidi, he shemppuwaa woridaageeta worissidi, eta katamaa xuugissiis.

Zaarettido Wogaa 29:20

GODAA hanqqoinne qanaatee hegaa mala asa bolli eexxi kiyanaappe attin, GODAI a maarenna. Ha maxaafan xaafettida qanggetta ubbai a bolli yaana; saloppe garssa baggaappe a sunttaa GODAI xaissana.