Hizqqeela 5:17 - Wolaytta Bible

¹⁷ Taani koshaanne bazzo do7aa intte bolli yeddin, eti intte naata xaissana. Taani boshaa, suuttaa gussiyoogaanne olaa intte bolli ehaana. Taani GODAI hagaa odaas” yaagees.

Hizqqeela 5:17 Iomraidhean Croise

Kawotu Maxaafaa Naa77anttuwaa 17:25

Eti koiro yan duussaa doommido wode, GODAASSI goinnibookkona. Hegaa daafan GODAI eta giddo gaammota yeddiis; yeddin gaammoti eta giddoppe aramata mentterettidi woridosona.

Kessaabaa 23:29

SHin biittai mela attennaadaaninne bazzo do7ai inttena waissennaadan, issi laittan eta gooddikke.

Ermmaasa 15:3

GODAI hagaadan yaagees; “Taani oiddu qommo bashshaa eta bolli ehaana; hegeetinne, eta woranau bisuwaa, eta ahaa goochchanau kanata, eta ashuwaa miidi xaissanau saluwaa kafotanne sa7aa do7ata.

Hizqqeela 14:15

“Woi taani eta biittaa bollan bazzo do7ata yeddin, he do7ati an de7iya asaa xaissin, he do7atu gaasuwan ooninne giddoora kanttennaadan, he biittai baisa gidikko,

Hizqqeela 14:19

“Woikko taani he biittaa bollan boshaa yeddada, ta hanqquwaa a bollan gussikko, an de7iya asaanne mehiyaa worikko,

Hizqqeela 14:21

Ubbaa Haariya GODAI hagaadan yaagees; “Taani asaanne mehiyaa woranau Yerusalaame bolli ta oiddu hanttaara pirddata, bisuwaa, koshaa, bazzo do7aanne boshaa yeddiyo wode, i ai keena aaro iitabaa gidanddeeshsha!

Hizqqeela 17:21

Doorettida a olanchchati bisuwan haiqqana; paxa attidaageeti bantta ginaara ginaara laalettana. Hagaa haasayidaagee tana GODAA gidiyoogaa intte erana.

Hizqqeela 17:24

Xoqqa mittaa ziqqi oottiyaagee, ziqqa mittaa xoqqu oottiyaagee, irxxa mittaa melissiyaageenne mela mittaakka aacissiyaagee, tana GODAA gidiyoogaa bazzo mitta ubbai erana. Taani GODAI hagaa yootaas; taani yootidoogaa taanikka oottana” yaagees' yaaga” yaagiiddi yiis.

Hizqqeela 21:3

Hagaadan yaaga; 'GODAI hagaadan yaagees; “Taani neeyyo morkke. Taani ta bisuwaa shoohuwaappe shoddada, xillo asaanne iita asaa ubbaa wurssana.

Hizqqeela 21:32

Intte tamaassi eettiyo mitta gidana; intte suuttai intte biittan gukkana; intte naa77antto hassayettekketa. Taani GODAI hagaa odaas” yaagees' yaaga” yaagiiddi yiis.

Hizqqeela 22:14

Taani nena qaxxayiyo gallassi ne goobatettai nenaara de7anee? Woikko ne kushee mino gidanee? Taani GODAI hagaa yootaas; taani yootidoogaa taanikka oottana.

Hizqqeela 23:47

Ha shabbiriya asati yiidi, eta shuchchan caddonanne bisuwan busakkona; eti eta attumanne macca naata worona; eta keettaakka taman xuuggona.

Hizqqeela 26:14

Taani nena kallo de7iya zaalla oottana; qassi neeni asati bantta moliyaa gitiyaa melissanau micciyo soho gidana. Taani GODAI hagaa yootido gishshau, neeni naa77antto keexettakka. Taani Ubbaa Haariya GODAI hagaa odais' yaagees.

Hizqqeela 28:23

Taani ne giddon boshaa yeddana; ne ogiyan suuttai gukkanaadan oottana. Ubba baggaara yiya olaa gaasuwan ne asai bisuwan haiqqana. Taani GODAA gidiyoogaa eti hegan erana.

Hizqqeela 30:12

Naile SHaafaa taani melissana; taani Gibxxe iita asatu kushiyan aattada immana; immin eti he biittaanne an de7iyaabaa muleera xaissana. Taani GODAI hagaa odaas” yaagees.

Hizqqeela 33:27

“Etayyo hagaadan yaaga; 'Ubbaa Haariya GODAI hagaadan yaagees; “Taani ta de7uwan caaqqais: Kolettida katamatun de7iya asati bisuwan haiqqana; katamaappe gaxan de7iya asata taani bazzo do7au quma oottada immana; deretuuninne gonggolotun de7iya asati boshan haiqqana.

Hizqqeela 37:14

Taani ta Ayyaanaa intte giddon wottana; wottobare intte paxa de7ana. Qassi taani inttena intte biittan wottana. He wode taani GODAI yootidoogaanne yootada oottidoogaa intte erana. Taani GODAI hagaa odais” yaagees' yaaga” yaagiis.

Hizqqeela 38:22

Taani boshaaninne haiquwan a qaxxayana; qassi wolqqaama iraa, shachchaa, eexxiya tamaanne dinniyaa taani a bolli, a olanchchatu bollinne aara de7iya cora kawotettatu bolli bukissana.

Hizqqeela 5:15

Taani inttena ta hanqquwaaninne ta yiilluwan hanttaara pirddaa pirddido wode, intte intte yuushuwan de7iya kawotettatussi qilliicciyoobaanne cayiyoobaa, inttena be7ida asi naagettiyoobaanne daganttiyaabaa gidana. Taani GODAI hagaa odaas.

Hizqqeela 5:16

Taani intte bolli woriyaanne xaissiya koshaa wonddafiyaa dukkiyo wode, inttena xaissanau dukkana. Taani intteyyo koshaa yaa yaa darissana; Yerusalaame katamaa kattai gelennaadan, taani teqqana.

Hizqqeela 6:1

GODAA qaalai taakko hagaadan yaagiiddi yiis;

Hizqqeela 6:12

Haahuwan de7iyaagee boshan haiqqana; matan de7iyaagee olan haiqqana; qassi paxa attidaagee koshan haiqqana. Hegaadan oottada, taani ta hanqquwaa eta bolli wurssana.

Wogaabaa 26:22

Taani intte bolli bazzo do7ata yeddana; eti intte naata bonqqana; intte meheta xaissana; intte qoodaakka guuttana; hegaa gaasuwan intte hemettiyo ogee bazzo gidana.

Maatiyoosa 24:35

Saloinne sa7ai aadhdhana; shin ta qaalai mulekka aadhdhenna.

Zaarettido Wogaa 32:24

Eti namisan, xuuggiya mishuwaaninne iita harggiyan wurana. Eta bolli meto gattiya bazzo do7atanne eta dukkiya allaga shooshshata eta bolli yeddana.

Ajjuutaa 6:8

Taani washalaala parai kiyidaagaa be7aas. He paraa toggidaagaa sunttai Haiquwaa; a geeduwaa Si7oolee kaalliis. Haiqoinne Si7oolee sa7aappe oiddantto kushiyaa olan, koshan, harggiyan, do7an worissana mala, etau maatai imettiis.