Hizqqeela 48:35 - Wolaytta Bible

³⁵ “Katamaa yuushoi muleera likkin, 18,000 wara gidana. He wodeppe doommidi he katamai, 'GODAI Hegan De7ees' yaagetettidi xeesettana” yaagees.

Hizqqeela 48:35 Iomraidhean Croise

Doomettaabaa 22:14

Hegaa gishshau Abrahaami, “GODAI immana” yaagidi he sohuwaa sunttiis; hachchi gakkanaashinkka haisee, “GODAA deriyan imettana” geetettees.

Hanidabaa Odiya Koiro Maxaafaa 23:25

Daawiti, “GODAI Israa7eela Xoossai ba asaa shemppissiis. GODAI Yerusalaamen merinau de7ana.

Mazamure Maxaafaa 132:14

“Hagee taayyo merinau de7iyo soho; taani amottido gishshau, hagan uttana.

Mazamure Maxaafaa 46:5

Xoossai a giddon de7iyo gishshau, he katamai qaaxxenna. Maallado guuran Xoossai a maaddana.

Mazamure Maxaafaa 46:6

Dere asai shabbarettees; kawotettati qaaxxoosona. Xoossai ba qaalaa sissido wode, sa7ai seerees.

Mazamure Maxaafaa 48:14

Intte, “Meri merinau ha Xoossai nu Xoossaa; i nuna merinaassi kaalettana” yaagidi yootite.

Mazamure Maxaafaa 48:3

He katamaa gimbbiyaa giddon, banan saro sohoi de7iyoogaa Xoossai bessiis.

Mazamure Maxaafaa 68:18

Omoodettida darota ekkidi, i pude xoqqaa kiyiis. Asaappe, harai atto makkalanchcha asaappekka imuwaa ekkiis. GODAI Xoossai yan de7ana.

Mazamure Maxaafaa 77:13

Abeet Xoossau, ne ogee geeshsha; ai xoossinne nu Xoossaa mala gita gidenna.

Mazamure Maxaafaa 87:3

Nenoo Xoossaa katamau, neeni bonchchettana mala, Xoossai hagaadan yaagees;

Kessaabaa 15:26

I eta hagaadan yaagiis; “GODAI intte Xoossai odiyoobaa minttidi siyikkonne a aifiyaa sinttan likkebaa oottikko, intte a azazuwaa ezggikkonne a awaajuwaa ubbaa naagikko, taani Gibxxetu bolli ehiido harggiyaappe issuwaanne intte bolli ehiikke; aissi giikko, taani inttena pattiya GODAATTENNE” yaagiis.

Kessaabaa 17:15

Muusee yarshshuwaa yarshshiyoosaa keexxidi, “GODAI ta Banddiraa” giidi sunttiis.

Isiyaasa 12:6

Israa7eela Geeshshai intte giddon xoqqu xoqqu giido gishshau, inttenoo, Xiyoonen de7iyaageetoo, hombbocite! Ufaissau yexxite!” yaagana.

Isiyaasa 14:32

Kawotettai kiittidoogeetussi woigidi zaaranee? 'GODAI Xiyoone keexxiis; keexxin qohettida a asai i giddon qosetti attiyoosaa demmiis' yaagana” yaagiya qaalai odettiis.

Isiyaasa 24:23

Hegaappe guyyiyan, aginaikka awaikka yeellatana. Aissi giikko, Ubbaappe Wolqqaama GODAI Xiyoone deriyaaninne Yerusalaamen kawotana; qassi i Yerusalaame cimatu sinttan ba bonchchuwaa qonccissana.

Ermmaasa 14:9

Neeni dagammida asadan, ashshanau danddayenna mino asadan aissi hanai? Abeet GODAU, neeni nu gidduwan de7aasa! Nuuni ne sunttan xeesettida; nuna neeni aggoppa!” yaagiis.

Ermmaasa 23:6

I kawotiyo laittan taani Yihudaa ashshana; Israa7eelakka saro wottana. I xeesettana sunttai GODAA, nu Xillotettaa geetettana” yaagees.

Ermmaasa 3:17

He wodiyan eti Yerusalaame GODAA Kawotaa Araataa giidi xeesana. Kawotetta ubbaappe asai GODAA sunttaa bonchchanau Yerusalaame shiiqana. Hegaappe sinttan eti ixxisi giidi, bantta iita qofaa kaallokkona.

Ermmaasa 33:16

He wode Yihudaa asai attana; Yerusalaame asaikka woppu giidi de7ana; ha katamaikka GODAA, Nu Xillotettaa yaagetti xeesettana.

Ermmaasa 8:19

Ta asai haaho biittan waassiyo waasuwaa siyite. Eti, “GODAI Xiyoonen baawee? Ha Xiyoone Kawoi naa77antto yan de7ennee?” yaagidi waassoosona. Waassin GODAI eta Kawoi, “Eti bantta massido misiletun, bantta pattenna allaga eeqatun woni tana aissi yiilloyidonaa?” yaagees.

Hizqqeela 35:10

“'“Taani GODAI Israa7eelanne Yihudaa biittatun de7ishin intte, 'Ha naa77u kawotettatanne ha naa77u biittata nuuni oiqqana; eti nubaa gidana' giido gishshau,

Hizqqeela 37:26

Taani etaara Sarotettaa maachchaa maacettana; he maachchaikka etaara merinaa maachcha gidana. Taani eta minttada essana; eta qoodaakka corissana; ta Beeta Maqidasiyaakka merinau eta giddon wottana.

Hizqqeela 37:28

Ta Beeta Maqidasee eta giddon merinau de7iyo wode, Israa7eelata geeshshiyaagee tana, GODAA gidiyoogaa kawotettati erana” yaagees' yaaga” yaagiiddi yiis.

Hizqqeela 48:34

Arggo dirssaa gimbbee 4,500 wara aduqqana; he gimbbiyan Gaada penggiyaa, Aseera penggiyaanne Nifttaaleema penggiyaa geetettiya heezzu penggeti de7ana.

Yuu7eela 3:21

Taani haluwaa kessennan aggido eta suuttaa haluwaa biron kessana; aissi giikko, GODAI Xiyoonen de7ees” yaagees.

Zakkaariyaasa 14:21

Yerusalaameeninne Yihudan de7iya oto ubbai Ubbaappe Wolqqaama GODAASSI geeshsha gidana; yaatobare yarshshuwaa yarshshiya asai ubbai yiidi, he otota ekkidi, yarshshuwaa ashuwaa etan kattana. He gallassi Ubbaappe Wolqqaama GODAA Beeta Maqidasiyaa giddon ai zal77anchchinne de7enna.

Zakkaariyaasa 2:10

GODAI hagaadan yaagees; “Xiyoone asau, yexxitenne ufaittite! Aissi giikko, taani yaada intte giddon de7ana” yaagees.

Zakkaariyaasa 8:3

GODAI hagaadan yaagees; 'Taani Xiyoone simmana; simmada Yerusalaame giddon de7ana. Qassi Yerusalaameekka Ammanettiya Katama geetettana; Ubbaappe Wolqqaama GODAA deree qassi Geeshsha Dere geetettidi xeesettana' yaagees.

Qoodaabaa 23:21

Yaaqooba zariyau iitabi yaanabi, Israa7eela asau metoi gakkanabi taayyo beettibeenna. GODAI eta Xoossai etaara de7ees; i etau kawo gidiyoogaa awaajjoosona.

Ajjuutaa 21:3

Gita cenggurssai araataappe hagaadan yaagidi, haasayishin, taani siyaas; “Xoossaa keettai asaara de7ees; Xoossai asaara issippe de7ana. Eti a asa gidana; Xoossai ba huuphen etaara de7ana. I eta Xoossaa gidana.

Ajjuutaa 22:3

He kataman qanggetti aibinne de7enna. Xoossaa kawotaa araatainne Dorssaa kawotaa araatai he kataman de7ana. Xoossaa ashkkarati Xoossaayyo goinnana.

Ajjuutaa 3:12

Taani xooniya uraa ta Aawaa Beeta Maqidasiyan tuussa oottana; i hegaappe mulekka kiyenna. Taani ta Xoossaa sunttaa, ta Xoossaa katamaa sunttaanne ta Xoossaa matappe wodhdhana ooratta Yerusalaame sunttaa a bolli xaafana. Qassi taani ta ooratta sunttaakka a bolli xaafana.

Daannatu Maxaafaa 6:24

Yaagin Geedooni GODAAYYO yarshshiyoosaa yan giigissidi, he sohuwaa GODAI Saro Xoossaa yaagidi sunttiis. He yarshshiyoosai Abi7eezera yaratubaa gidiya Oofiran hachchi gakkanaashin eqqidi de7ees.