Hizqqeela 4:17 - Wolaytta Bible

¹⁷ Etau de7iya kattainne haattai wurana; eti issoi issuwaa, 'Poora!' giiddi xeellana; eti bantta nagaraa qixaatiyan gilqqana.

Hizqqeela 4:17 Iomraidhean Croise

Kawotu Maxaafaa Naa77anttuwaa 6:25

Eti dooddido gaasuwan Samaariyaa kataman hanttaara koshai geliis; gelin issi hariyaa huuphee hosppun tammu xaqara biran, naa77u xeetu giraame gidiya haraphphiyaa shiyai ichchashu xaqara biran baizettiis.

Hanidabaa Odiya Naa77antto Maxaafaa 34:24

GODAI hagaadan yaagees; 'Be7ite, Yihudaa kawuwaa sinttan nabbabettida maxaafan xaafettida iita qanggettaa ubbaa, ha sohuwaa bollinne ha sohuwan de7iya asaa bolli ehaana hanais.

Hizqqeela 24:23

Intte huuphiyaa xaaxeeta; intte gediyan caammaa wotteeta. Kayyottekketa woikko yeekkekketa. SHin intte intte nagaraa gaasuwan gilqqananne issoi issuwaayyo oolana.

Hizqqeela 33:10

“Laa asa na7au, Israa7eela asau hagaadan yaaga; 'Intte, “Nuuni oottido nagarainne naaqoi nu bolla de7ees; hegaappe denddidaagan nuuni gilqqi wurida. Yaatin, nuuni waanidi paxa de7anau danddayiyoonii?” yaageeta.

Wogaabaa 26:26

Intte kattaa taani xaissiyo wode, tammu maccaasati issi bashiyan oittaa uukkana; hegaakka meezaanan likkidi shaakkana; intte hegaa maana, shin kallekketa.

Wogaabaa 26:39

Intteppe shaahettidi intte morkketu biittan attidaageeti bantta nagaraa gaasuwaaninne bantta aawatu nagaraa gaasuwan gilqqana.

Amoxa 4:8

Hegaa gishshau, naa77u woikko heezzu katamatu asai haattaa uyanau issi katamaa biidosona; shin alibookkona. Hegankka qassi intte taakko simmibeekketa” yaagees.