Hizqqeela 39:28 - Wolaytta Bible

²⁸ Taani eta kawotettatu giddo omooduwau yeddido gishshaunne eta shiishshada, eta biitti zaarido gishshau, taani GODAA eta Xoossaa gidiyoogaa eti erana. Taani etappe issuwaanne kawotettatu giddon aggikke.

Hizqqeela 39:28 Iomraidhean Croise

Mazamure Maxaafaa 147:2

GODAI Yerusalaame bottokonees; Israa7eela asatuppe betidaageetakka shiishshees.

Isiyaasa 27:12

He gallassi Efiraaxiisa SHaafaappe Gibxxe SHaafaa gakkanaashin, GODAI kattaa qoxxana; inttenoo, Israa7eela asatoo, inttekka intte kayan kayan shiiqana.

Hizqqeela 34:30

He wode eti taani GODAI, eta Xoossai etaara de7iyoogaanne Israa7eela asai ta asaa gidiyoogaa erana. Taani Ubbaa Haariya GODAI hagaa odais.

Hizqqeela 37:21

eta hagaadan yaaga; 'Ubbaa Haariya GODAI hagaadan yaagees; “Taani Israa7eela asaa eti biido kawotettatu giddoppe kessana; taani eta ubbasaappe shiishshada, eta biitti zaarada ehaana.

Hizqqeela 38:8

Daro wodiyaappe guyyiyan, neeni koyettana; sinttappe yaana laittatun neeni daro wodiyaa baisa gididi de7ida biittaa, olaappe shemppida biittaa, an de7iya asai daro kawotettatuppe Israa7eela deretukko shiiqido biittaa woraajjana. Eti daro kawotettatuppe shiiqidaageetanne ubbaikka ha77i saruwan de7iyaageeta.

Hizqqeela 39:22

He gallassaappe doommidi, Israa7eela asai taani GODAA eta Xoossaa gidiyoogaa erana.

Hizqqeela 39:27

Taani eta kawotettatu ubbaa giddoppe zaarada ehaana; qassi eta morkketu biittaappekka eta shiishshana. Hegaadan oottada, taani geeshsha gidiyoogaa kawotettata ubbaa bessana.

Hizqqeela 39:29

Taani ta Ayyaanaa Israa7eela asaa bolli gussana; naa77antto ta som77uwaa etappe mulekka genttikke. Taani Ubbaa Haariya GODAI hagaa odais' yaagees” yaagiiddi yiis.

Hoose7a 2:20

taani ammanettada nena taassi giigissana. Neenikka GODAA erana” yaagees.

Amoxa 9:9

“Be7ite, kattaa zazzariyan zazzariyoogaadan, Israa7eela asaa kawotettatu ubbaa giddon zazzaranaadan, taani azazana; shin eta giddon ammanettiyaageetuppe issoinne sa7an wodhdhidi xayenna.