Hizqqeela 34:13 - Wolaytta Bible

¹³ Qassi taani kawotettatu giddoppenne hara biittaa ubbaappe kessada shiishshana; shiishshada eta biitti ehaana. Ehaada Israa7eela deretun, pulttotuuninne asai de7iyo sohotun taani eta heemmana.

Hizqqeela 34:13 Iomraidhean Croise

Mazamure Maxaafaa 106:47

Abeet GODAU, nu Xoossau, nuna ashsha. Nuuni ne geeshsha sunttaa galatanaadaaninne ne bonchchuwan ceeqettanaadan, kawotettatu giddoppe nuna shiishsha.

Mazamure Maxaafaa 37:3

Neeni GODAN ammanetta; lo77obaa ootta. Yaatada biittan saro de7a.

Isiyaasa 30:25

Intte morkketu qatoti omoodettin, asai goora7ettidi wuriyo gallassi, gita deretuppenne xoqqa deretuppe pultto haattati goggana.

Isiyaasa 49:9

Omooduwan de7iyaageeta, 'Kiyite!' xumaa qashuwan de7iyaageetakka, 'Birshshettite!' gaana mala, asaassi maachcha oottada nena immana. Eti ogiyaa lanqqen heemettana; booddila kera ubbaa bolli allaxxana.

Ermmaasa 30:18

GODAI hagaadan yaagees; “Taani Yaaqooba zaretu keettaa omoodettosaappe guyye zaarada, ishalissana; eti de7iyo sohuwaukka qarettana. Yerusalaame katamaikka kase ba qolettidosan, kawo keettaikka kase ba sohuwan simmidi keexettana.

Ermmaasa 30:3

Taani ta asaa Israa7eelanne Yihudaa omooduwaappe guyye zaarada ishalissiyo gallassati yaana; taani eta maizza aawatussi immido biittau eta zaarana; etikka laattana. Taani GODAI hagaa odais” yaagees.

Ermmaasa 31:8

Be7ite, taani eta huuphessa bagga biittaappe ehaana; sa7aa gaxaappekka taani eta shiishshana. Qooqeti, wobbeti, abbe ixeta maccaasatinne maaretai oiqqido maccaasati etaara issippe yaana; keehi daro asai ba biittaa simmana.

Ermmaasa 32:37

“Be7ite, taani ta suulo hanqquwaaninne ta gita yiilluwan eta laalido biitta ubbaappe shiishshana; shiishshada ha sohuwaa zaarada ehaada, eti sarotettan de7anaadan oottana.

Ermmaasa 33:12

Ubbaappe Wolqqaama GODAI hagaadan yaagees; “Ha asainne mehee bainna baisa biittaaninne an de7iya katamatun henttanchchati bantta dorssaa wudiyaa allaxxissiyo gadee de7ana.

Ermmaasa 50:19

SHin Israa7eela i heemettiyo sohuwaa zaarana; Qarmmeloosanne Baasaane Deretun i heemettana. Qassi eti Efireema gezziyaaninne Gala7aade gezziyan kallidi maana.

Hizqqeela 11:17

“Hegaa gishshau, neeni hagaadan yaaga; 'Ubbaa Haariya GODAI hagaadan yaagees; “Taani inttena kawotettatuppenne intte laalettido biittatuppe shiishshana; qassi Israa7eela biittaa taani zaarada intteyyo immana” yaagees' yaaga.

Hizqqeela 20:41

Intte laalettido kawotettatu giddoppe taani inttena ehiyo wodenne hara biittatuppe taani inttena shiishshiyo wode, sawuwaa tonggu giya yarshshuwaa ekkiyoogaadan, taani inttena ekkana. Kawotettati xeellishin, taani intte giddon geeshshaa gidiyoogaa erissana.

Hizqqeela 20:42

Taani kase intte maizza aawatuyyo immana gaada caaqqido Israa7eela biittaa inttena zaarada ehiido wode, taani GODAA gidiyoogaa intte erana.

Hizqqeela 36:12

Taani ta asai Israa7eeli intte bollaara hemettanaadan oottana. Naa77antto eta naata xaissekketa. Eti inttena laattana; inttekka etayyo laata gidana” yaagees.

Hizqqeela 36:24

“'“Aissi giikko, taani inttena kawotettatu giddoppe kessana; biitta ubbaappekka shiishshana. SHiishshada intte biitti zaarada ehaana.

Hizqqeela 36:29

Intte tunatetta ubbaappe taani inttena ashshana; kattai intteyyo daranaadan oottana; koshaakka naa77antto intte bolli ehiikke.

Hizqqeela 36:30

Koshaa gaasuwan intte kawotettatu giddon kauyyennaadan, taani intte mittaa aifiyaanne intte shooqaa kattaa darissana.

Hizqqeela 38:8

Daro wodiyaappe guyyiyan, neeni koyettana; sinttappe yaana laittatun neeni daro wodiyaa baisa gididi de7ida biittaa, olaappe shemppida biittaa, an de7iya asai daro kawotettatuppe Israa7eela deretukko shiiqido biittaa woraajjana. Eti daro kawotettatuppe shiiqidaageetanne ubbaikka ha77i saruwan de7iyaageeta.

Hizqqeela 39:25

“Ubbaa Haariya GODAI hagaadan yaagees; 'Ha77i taani Yaaqooba zareta omooduwaappe zaarada ehaana; qassi Israa7eela asaa ubbaayyo qarettana. Taani ta geeshsha sunttai cayettennaadan oottana.

Hizqqeela 39:27

Taani eta kawotettatu ubbaa giddoppe zaarada ehaana; qassi eta morkketu biittaappekka eta shiishshana. Hegaadan oottada, taani geeshsha gidiyoogaa kawotettata ubbaa bessana.

Amoxa 9:14

Omooduwan biida ta asaa Israa7eela zaarada ishalissana. Eti qolettida katamata zaaretti keexxidi, etan de7ana. Woine turaakka tokkidi, appe woine eessaa uyana. Qassi ataakilttetakka tokkidi, eta aifiyaa maana.

Mikiyaasa 2:12

“Inttenoo, Yaaqooba zaretoo, taani inttena ubbaakka shiishshana; taani Israa7eela asaappe attidaageeta tumuppe muliyaakka shiishshana. Dorssati birddiyan shiiqiyoogaadaaninne dorssaa wudee hentta gaden shiiqiyoogaadan, taani eta issippe shiishshada wottana. He sohoi daro asaa wocaman kumana.

Mikiyaasa 4:6

GODAI hagaadan yaagees; “He gallassi taani wobbeta shiishshana; qassi omooduwan haaho sohuwaa biidaageetanne taani tuggayidoogeetakka shiishshana.

Mikiyaasa 5:4

I yaana; yiidi, GODAA minotettan, GODAA ba Xoossaa sunttaa anggan ba asaa heemmana. I sa7aa gaxaa gakkanaashin gita gidiyo gishshau, eti sarotettan de7ana.

Sofonaasa 3:13

Israa7eela asaappe attidaageeti iitabaa oottokkona; wordduwaa haasayokkona; eta inxxarssankka cimoi beettenna. Hegaa gishshau, eti heemettananne allaxxana; eta yashissiyaabikka de7enna” yaagees.

Zaarettido Wogaa 30:3

hegan GODAI intte Xoossai intte omooduwaa zaarana; i intteyyo qarettana. GODAI intte Xoossai inttena laalido kawotettatu ubbaa giddoppekka zaaridi shiishshana.