Hizqqeela 34:12 - Wolaytta Bible

¹² Henttanchchai ba dorssatuppe bayin koyiyoogaadan, taanikka ta dorssata koyana; shaarai goozidonne xumai sikkido gallassi eti laalettido soho ubbaappe taani eta shiishshana.

Hizqqeela 34:12 Iomraidhean Croise

Leemiso Maxaafaa 27:23

Ne dorssati de7iyo hanotaa loittada era; ne mehiyaa wudiyaakka wozanappe heemma.

Isiyaasa 40:11

I ba wudiyaa henttanchchaadan mizees; ba dorssa maratakka ba qesiyan shiishshidi, ba kiyuwan idimmana. Xanttiyaageetakka loddaara kaalettana.

Isiyaasa 50:10

Intte giddoppe GODAASSI yayyiyaageenne a ashkkaraa qaalaassi azazettiyaagee oonee? Xuman hemettiyaageenne poo7oi bainnaagee i oonee? He urai GODAA sunttan ammanetto; ba Xoossankka zemppo.

Isiyaasa 56:8

Israa7eelappe laalettidaageeta shiishshiya, Ubbaa Haariya GODAI, “SHiiqidaageetu bolli gujjada, taani haratakka shiishshana” yaagees.

Ermmaasa 13:16

GODAI intte Xoossai xumissanaappe kasetidi, intte tohoikka xumiya deriyan xubettanaappe kasetidi, a bonchchite. Intte, “Poo7oi yaana” giidi naageeta; shin i sakkana xumau laammana.

Ermmaasa 23:3

Hegaappe guyyiyan, ta wudiyaappe attidaageeta kase laalido biitta ubbaappe taani ta huuphen shiishshana. SHiishshada eta guyye eta hentta gade zaarana. Etikka hagan yelettidi corattana.

Ermmaasa 31:10

“Inttenoo, kawotettatoo, GODAA qaalaa siyite! Siyidi haahosan, abbaa doonan de7iya biittatun hagaadan yaagidi awaajjite; 'Israa7eelata laalidaagee i eta shiishshana; qassi henttanchchai ba wudiyaa dorssaa heemmiyoogaadan, i eta heemmana' yaagite.

Ermmaasa 31:8

Be7ite, taani eta huuphessa bagga biittaappe ehaana; sa7aa gaxaappekka taani eta shiishshana. Qooqeti, wobbeti, abbe ixeta maccaasatinne maaretai oiqqido maccaasati etaara issippe yaana; keehi daro asai ba biittaa simmana.

Ermmaasa 33:12

Ubbaappe Wolqqaama GODAI hagaadan yaagees; “Ha asainne mehee bainna baisa biittaaninne an de7iya katamatun henttanchchati bantta dorssaa wudiyaa allaxxissiyo gadee de7ana.

Hizqqeela 30:3

Aissi giikko, he gallassai matiis! GODAA gallassai gakkiis! He gallassai shaarai sikkido gallassanne kawotettatu ubbaayyo meto gallassa gidana.

Hizqqeela 32:7

Taani nena xaissiyo wode, saluwaa goozana; xoolinttetakka xumissana; awaakka shaaran kammana; aginaikka ba poo7uwaa diggana.

Sofonaasa 1:15

He gallassai hanqqo gallassa, metonne un77o gallassa, bashshanne koletta gallassa, xumanne ciggaara gallassanne shaaranne sakkana xuma gallassa gidana.

Zakkaariyaasa 10:3

GODAI hagaadan yaagees; “Ta hanqqoi henttanchchatu bolli eexxi kiyiis; he kaalettiyaageeta taani qaxxayana. Aissi giikko, Ubbaappe Wolqqaama GODAI ba dorssa wude gidiya Yihudaa asaa i heemmees; i eta olau salppida ba wolqqaama paraa mala oottana.

Zakkaariyaasa 9:16

He gallassi GODAI eta Xoossai eta ashshana; aissi giikko, eti a asaa wudeta. Kallachchaa bolli de7iya alleequwaadan, GODAA biittaa bollan eti phoolana.

Luqaasa 15:8

“Woikko tammu bootta shilinggee de7iyoora geelladan, issi shilinggee bayikko, xomppiyaa xomppada, ba keettaa pittada demmana gakkanaashin, minttada koyennaara oonee?

Luqaasa 19:10

Aissi giikko, taani Asa Na7ai, bayidaagaa koyanaunne ashshanau yaas” yaagiis.

Yohaannisa 10:16

Ha wudiyan bainna hara dorssatikka tau de7oosona. Taani etakka ehaanau bessees. Qassi eti ta qaalaa siyana; issi wudee de7ana; heemmiyaageekka issuwaa gidana.