Hizqqeela 32:2 - Wolaytta Bible

² “Laa asa na7au, Gibxxe kawuwaassi zilaala! Hagaadan yaaga; 'Neeni kawotettatu giddon nena gaammo kessadasa; shin neeni abbaa giddon de7iya haulaasho mala. Neeni shaafatuppe kiyadasa; ne gedetun purchchakkada, haattaa bulqqoyadasa.

Hizqqeela 32:2 Iomraidhean Croise

Doomettaabaa 49:9

Yihudau, neeni wodala gaammo. Ta na7au, neeni shankkaappe woridi simmidi, cogochchidi zin77ida gaammo mala. Neeni asi bosherettanau koyenna macca gaammee mala.

Iyyooba Maxaafaa 41:23

A ashoi issippe nuketti uttido gishshau, a bollai birataadan minnees.

Iyyooba Maxaafaa 7:12

Hagaa keenaa neeni tana aissi naagai? Taani neeyyo abba woikko abba giddo miimmintte gaadiiyye?

Leemiso Maxaafaa 25:26

Iita uraa eeshshaa tamaariya xillo asi bulqqotida pulttuwaanne moorettida olla haattaa mala.

Leemiso Maxaafaa 28:15

Hiyyeesa asaa haariya iita daannai gudiya gaammuwaanne namisettida godariyaa mala.

Leemiso Maxaafaa 30:30

Hegeetikka: do7a ubbaappe minniyanne yayyidi baqati erenna gaammuwaa;

Isiyaasa 27:1

He gallassi GODAI ba mino, gitanne wolqqaama bisuwan Lewaataana giyo kolxxiyaanne xaaxettiya shooshshaa qaxxayana; abban de7iya demiyaakka worana.

Isiyaasa 51:9

Abeet GODAU, beegotta! Beegotta! GODAA qesiyau, wolqqaa maaya; kase aadhdhida wodetuuninne yeletatun beegottidoogaadan beegotta. Ra7aaba giyo demiyaa qanxxerettidaagee, miimminttiyaakka caddidaagee nena gidikkiiyye?

Ermmaasa 4:7

Gaammoi ba de7iyo buuraappe kiyiyoogaadan, kawotettata xaissiyaagee ba sohuwaappe denddiis. Denddidi intte biittaa xaissanau yiis. Intte katamati moorettidi ona gidana.

Ermmaasa 46:7

“Hegee Naile SHaafai kixxidi, yuushuwaa ubbaa kumiyoogaadan, biitta ubbaa kumidaagee oonee?

Ermmaasa 46:8

Hegee Naile SHaafai kixxidi, yuushuwaa ubbaa kumiyoogaadan, biitta ubbaa kumidaagee Gibxxe! Gibxxee hagaadan yaagees; 'Taani kixxada, biittan sa7an eellana; katamatanne katamatun de7iya asaa ubbaa bashshana.

Ermmaasa 9:18

Eti eesuwan yiidi, nu aifee afuttaa siluwaa xoohana gakkanaassinne nu aifiyaa ciroi haattaa pulttana gakkanaassi nu bolli zilaalona.

Hizqqeela 26:17

Hegaappe guyyiyan, eti neeyyo hagaadan yaagidi zilaalana; “Aayyee, erettida katamau, abbaa giddon wolqqaamiya asati de7iyo katamau, neeni waana laalettadii! Neeninne ne giddon de7ida asati abbaa lanqqiyan de7iya asaa ubbaa yashissideta shin!

Hizqqeela 27:2

“Laa asa na7au, Xiiroosassi zilaala.

Hizqqeela 27:32

Neeyyo eti hagaadan yaagidi zilaalidosona; 'Ha77i abbaa giddon sirphphi giida, Xiiroosaara likkettiyai oonee?

Hizqqeela 28:12

“Laa asa na7au, Xiiroosa kawuwaassi hagaadan yaagada zilaala; 'Ubbaa Haariya GODAI hagaadan yaagees; “Neeni kase aadhdhida eran kumidaagaa; neeni asi leemisidi odiyo aadhdhida puulanchcha gidadasa.

Hizqqeela 29:15

Gibxxee hara kawotettatu ubbaappe aadhdhida laafa kawotetta gidana. Naa77antto hara kawotettatu bolli bana xoqqu xoqqu oottenna. Naa77antto i hara kawotettaa haarennaadan, taani a guuttana.

Hizqqeela 29:3

Hagaadan yaaga; 'Ubbaa Haariya GODAI hagaadan yaagees; “Nenoo, Naile SHaafaa giddon zin77ida, keehi gitanne yashshiya do7au, 'Naile SHaafai taagaa; a medhdhidai tana' yaagiya Gibxxe kawuwau, taani neeyyo morkke!

Hizqqeela 32:16

“'“Hegee ubbai etayyo zilaaliyo zilaassa gidana. Kawotettatu maccaasati Gibxxessinne a cora asaassi zilaalana. Taani Ubbaa Haariya GODAI hagaa odais” yaagees' yaaga” yaagiiddi yiis.

Hizqqeela 32:18

“Laa asa na7au, Gibxxe asaa coraa gishshau yeekka! Hara haiqqida, wolqqaama kawotettatuura eta Si7ooliyaa yedda.

Hizqqeela 34:18

Intte lo77o qooruwan heemettiyoogee gidana xayiinee, attida maataa intte tohuwan yererettiyoogee? Qassi intte xillo haattaa uyiyoogee gidana xayiinee, attida haattaa tohuwan bulqqoyiyoogee?

Hizqqeela 38:13

Yaagin Saaba asai, Dadaana asainne Tarsseesa katamatu zal77anchchati ubbai hagaadan yaagana; 'Neeni bonqqanau yaadii? Neeni ne olanchchata omooduwaa toossanau, biraanne worqqaa efiissanau, miizzaanne miishshaa ekkanaunne keehi daro omooduwaa oiqqanau shiishshadii?' yaagana” yaagees' yaaga.

Qoodaabaa 24:9

Israa7eela asai gaammuwaadan zin77ees. Macca gaammeedan eta denttanau ooni xalanee? Inttena anjjiya ubbai anjjettidaagaa gidana; inttena qanggiya ubbai qanggettidaagaa gidana” yaagiis.

Maatiyoosa 7:24

“Hegaa gishshau, hagaa ta qaalaa siyidi oottiya ubbai shuchchan ba keettaa keexxida wozannaama asa mala.