Hizqqeela 3:7 - Wolaytta Bible

⁷ Israa7eela asai taani yootiyoogaa siyanau koyenna gishshau, eti neeni yootiyoogaakka siyokkona. Aissi giikko, kumetta Israa7eela asai morgge zozzanne wozana muume gidiyo gishshau, ne yootiyoogaa siyokkona.

Hizqqeela 3:7 Iomraidhean Croise

Isiyaasa 3:9

Eta som77uwaa merai eta bolli markkattees; eti bantta nagaraa Sadooma asaadan awaajjoosona; bantta nagaraa qottokkona. Etau aayye7ana! Aissi giikko, eti bantta bolli iitabaa ehiidosona.

Isiyaasa 48:4

Aissi giikko, neeni yootin siyennaagaa, ne morggee birataa mala gidiyoogaa, ne som77oikka nahaasiyaa giyo birataadan leeqqamennaagaa taani eraas.

Ermmaasa 3:3

Hegaa gishshau, badhdheesai teqettiis; silaa iraikka bukkennan aggiis. Hegaa hanikkokka, neeyyo shaaramuxiyo merai de7ees; neeni yeellatennan ixxadasa.

Ermmaasa 44:16

“Neeni GODAA sunttan nuuyyo yootiyoobaa ubbaa nuuni siyokko.

Ermmaasa 5:3

Abeet GODAU, ne aifeti tumaa xeellokkonaayye? Neeni eta dechchadasa, shin eta sakkibeenna. Neeni eta kinchcherettadasa, shin eti seeraa ekkennan ixxidosona. Eti bantta som77uwaa zaallaappe aatti minttidi, bantta nagaraappe simmennan ixxidosona.

Ermmaasa 6:10

Taani oossi odooshsha? Oona seerooshsha? Ooni siyanddeeshsha? Be7ite, eti siyenna mala, eta haittai baretti uttiis. Be7ite, GODAA qaalai etayyo qilliicciyoobaa gidiis; eti an ufaittokkona.

Ermmaasa 6:17

Taani naagiyaageeta intte bolli sunttada, 'Malkkatai punettiyo wode siyite!' yaagada odaas. SHin intte, 'Nuuni siyokko' yaagideta.

Ermmaasa 7:27

“Hagaa ubbaa neeni etayyo yootana; shin eti ne giyoobaa siyokkona. Neeni eta xeesana; shin eti neeyyo koyokkona.

Hizqqeela 2:4

Eti wozana muumenne morgge zozza gidiyo gishshau, taani nena etakko kiittais. Baada, 'Ubbaa Haariya GODAI hagaadan yaagees' yaaga.

Hizqqeela 24:7

“'Aissi giikko, he katamiyaa worido asaa suuttai hanno gakkanaashinkka in de7ees; suuttaa gussaidda, baanan kammanau biittan gussennan, aibinne kammenna zaallaa bollan gussaasu.

Hizqqeela 3:6

Qassi taanikka nena eta haasayai gelenna, allaga biittaa qaalaa deexuwaa haasayiya daro asaakko kiittabeikke. Tumaa gais; taani nena hegeetukko kiittidabaa gidiyaakko, eti neeni yootiyoogaa siyana shin!

Hizqqeela 3:8

SHin taani nenakka etaagaadan morgge zozzanne mino oottana.

Zakkaariyaasa 7:11

SHin eti ezggennan ixxidosona; qassi zokkuwaa zaaridosonanne siyennaadan, bantta haittaakka tuccidosona.

Zakkaariyaasa 7:12

Ubbaappe Wolqqaama GODAI ba Ayyaanan kase ba hananabaa yootiyaageetu baggaara kiittido higgiyaanne qaalaa siyenna mala, eti bantta wozanaa zaallaadan minttidosona. Hegaa gishshau, Ubbaappe Wolqqaama GODAA matappe gita hanqqoi eta bolli yiis.

Luqaasa 10:16

“Intte giyoobaa siyiya asi taani giyoobaa siyees; inttena ixxiya urai tana ixxees; tana ixxiya urai tana kiittidaagaakka ixxees” yaagiis.

Luqaasa 13:34

“Yerusalaame katamaa asau, Yerusalaame katamaa asau, hananabaa yootiyaageeta intte woreeta; Xoossai inttekko kiittidoogeetakka shuchchan caddeeta; kuttiyaa ba marata ba qefiyan haphphiyoogaadan, taani intte naata issi diri shiishshanau aapputoo koyidanaa! SHin tana diggideta.

Luqaasa 19:14

“SHin a biittaa asai a ixxidi, ‘Hagee nu bolli kawotanau koyokko’ yaagiiddi, asaa a geeduwaa kiittiis.

Sameela Maxaafaa Koiruwaa 8:7

Woossin GODAI Sameela, “Asai nena giyo qaalaa ubbaa siya; aissi giikko, taani eta bolli kawotennaadan, eti tana ixxidosonappe attin, nena ixxibookkona.