Hizqqeela 3:3 - Wolaytta Bible

³ Barssidi tana, “Laa asa na7au, ha taani nena barssiyo xaatta maxaafaa ma; maada ne uluwaa an kuntta” yaagiis. Yaagin taani miyo wode, ta doonan eessaadan mal77iis.

Hizqqeela 3:3 Iomraidhean Croise

Iyyooba Maxaafaa 23:12

A doonaappe kiyiya azazuwaappe taani shaahettabeikke; a qaalaakka ta wozanan wottaas.

Mazamure Maxaafaa 119:103

Ne qaalai aiba mal77ii! Eessaa ililuwaappekka aadhdhidi, ta manggaagan mal77ees.

Mazamure Maxaafaa 119:11

Taani nena naaqqennaadan ne qaalaa ta wozanan wottaas.

Mazamure Maxaafaa 119:97

Taani ne higgiyaa aiba siiqiyaanaa! Gallassaa kumettaa taani qoppiyoogee a.

Mazamure Maxaafaa 19:10

Worqqaappenne walahi bainna worqqaappe aadhdhidi dosettees; eessaappenne eessaa ililuwaappe aadhdhi mal77ees.

Mazamure Maxaafaa 19:11

Qassi tana ne ashkkaraa naagettanaadan zorees; ne higgiyaa naagiyoogan taani daro go7ettais.

Ermmaasa 15:16

Abeet GODAU, Ubbaappe Wolqqaama Xoossau, taani ne sunttan xeesettido gishshau, ne qaalai taakko yin maas. Min tana pashkkissiisinne ta wozanaa ufaissiis.

Ermmaasa 20:9

Taani, “Taani GODAABAA denttada haasayikke” woikko, “A sunttan naa77antto yootikke” giikko, GODAA qaalai ta meqettaa giddon qum77ettidi, eexxiya tama mala gididi, ta wozanan michchees. Taani giddon oiqqada ashshana gaada daafuraas; shin teqqanau danddayabeikke.

Ermmaasa 6:11

Hegaa gishshau, GODAA hanqqoi tanan kumi uttiis. Taani ha hanqquwaa teqqanau danddayikke. Yaatin, GODAI tana hagaadan yaagees; “Ta hanqquwaa ogiyan de7iya naatu bollinne shiiqida yelaga asaa bolli tiga. Maccaasiyookka azinaakka, ceeggi wurida asaakka i ekki baana.

Hizqqeela 2:10

I ta sinttan he xaatta maxaafaa birshshiis; he xaatta maxaafan naa77u baggaarakka yeehoi, azzanoinne misho waasoi xaafetti uttiis.

Hizqqeela 2:8

“SHin, asa na7au, taani neeyyo yootiyoogaa siya! He makkalanchchatudan, neenikka makkalanchcha gidoppa; ne doonaa dooyada, taani neeyyo immiyoogaa ma” yaagiis.

Hizqqeela 3:4

Hegaappe simmidi, i tana hagaadan yaagiis; “Laa asa na7au, ha77i Israa7eela asaakko ba; baada ta qaalaa etayyo yoota.

Yohaannisa 7:38

Tanan ammaniyaagau, Xoossaa maxaafai giyoogaadan, a uluwaappekka de7o haattaa shaafai goggana” yaagiis.

Qolasiyaasa 3:16

Kiristtoosa qaalai intte wozanan kumidi de7o; intteyyo de7iya aadhdhida eratetta ubban issoi issuwaa tamaarissitenne zorite; intte wozanan Xoossaa galatiiddi, xalotiyaanne mazamuriyaa, Xoossaa sunttaa xoqqu oottiya yettaa yexxite.