Hizqqeela 29:3 - Wolaytta Bible

³ Hagaadan yaaga; 'Ubbaa Haariya GODAI hagaadan yaagees; “Nenoo, Naile SHaafaa giddon zin77ida, keehi gitanne yashshiya do7au, 'Naile SHaafai taagaa; a medhdhidai tana' yaagiya Gibxxe kawuwau, taani neeyyo morkke!

Hizqqeela 29:3 Iomraidhean Croise

Mazamure Maxaafaa 68:30

Do7aadan maqqaa giddon de7iya Gibxxe asata neeni seera. Booratunne maratu wudiyaa milatiya kawotettata neeni godata. Eti gulbbatidi, bantta biraa neeyyo immana gakkanaassi, neeni eta seera. Olettanau yeemottiya asata laala.

Mazamure Maxaafaa 76:7

SHin abeet Xoossau, neeni yashshaasa! Ne hanqqoi suullido wode, ne sinttan oonee eqqanai?

Isiyaasa 27:1

He gallassi GODAI ba mino, gitanne wolqqaama bisuwan Lewaataana giyo kolxxiyaanne xaaxettiya shooshshaa qaxxayana; abban de7iya demiyaakka worana.

Isiyaasa 51:9

Abeet GODAU, beegotta! Beegotta! GODAA qesiyau, wolqqaa maaya; kase aadhdhida wodetuuninne yeletatun beegottidoogaadan beegotta. Ra7aaba giyo demiyaa qanxxerettidaagee, miimminttiyaakka caddidaagee nena gidikkiiyye?

Ermmaasa 44:30

taani Yihudaa Kawuwaa Sedeqiyaasa ayyo morkke gididi, a woranau koyiya Baabiloone Kawuwaa Naabukadanaxoorassi aattada immidoogaadan, Gibxxe Kawuwaa Hofirakka a woranau koyiya a morkketussi aattada immana. Taani GODAI hagaa odais' yaagees” yaagiis.

Hizqqeela 28:2

“Laa asa na7au, Xiiroosa halaqaayyo hagaadan yaagada yoota; 'Ubbaa Haariya GODAI hagaadan yaagees; “Ne wozanai otorettido gishshau, 'Taani xoossa; taani abbaa giddo ginan, xoossatu araatan uttaas' yaagadasa. Neeni, 'Taani xoossadan, aadhdhida eranchcha kiyaas' gaada qoppikkonne, neeni asappe attin, xoossa gidakka.

Hizqqeela 28:22

Hagaadan yaaga; 'Ubbaa Haariya GODAI hagaadan yaagees; “Nenoo, Sidoonaa, taani neeyyo morkke! Taani ne bolli oottiyooban ta bonchchoi qonccana. Ne giddon de7iyaageeta pirddiyoogan taani ta geeshshatettaa bessiyo wode, taani GODAA gidiyoogaa eti ubbai erana.

Hizqqeela 30:12

Naile SHaafaa taani melissana; taani Gibxxe iita asatu kushiyan aattada immana; immin eti he biittaanne an de7iyaabaa muleera xaissana. Taani GODAI hagaa odaas” yaagees.

Hizqqeela 30:22

Hegaa gishshau, Ubbaa Haariya GODAI hagaadan yaagees; 'Taani Gibxxe kawuwaayyo morkke. Au kase meqo qesiyaanne payya de7iya qesiyaa naa77aakka taani menttana; a bisoikka a kushiyaappe sa7an wodhdhanaadan oottana.

Hizqqeela 32:2

“Laa asa na7au, Gibxxe kawuwaassi zilaala! Hagaadan yaaga; 'Neeni kawotettatu giddon nena gaammo kessadasa; shin neeni abbaa giddon de7iya haulaasho mala. Neeni shaafatuppe kiyadasa; ne gedetun purchchakkada, haattaa bulqqoyadasa.

Daaneela 4:27

Hegaa gishshau, kawuwau, ta zoriyaa ekka. Nagaraa oottiyoogaa aggada, xillobaa ootta; huqqunnettidaageeta naaqqiyoogaa aggada, etau qaretta. Yaatin, geella neeni saro de7ana wodee aduqqikkonne' yaagiis.

Amoxa 6:13

Intte Lodabaara katamaa xoonido gishshau ufaitteeta; qassi, “Nuuni Qarnnaima katamaakka nu minotettan oiqqida” yaageeta.

Naahooma 1:6

A hanqquwaa sinttan eqqanai oonee? A hanqquwaa suuluwaakka danddayanai oonee? A hanqqoi tamaadan bukkiyo wode, zaallati za77idi phalqqettoosona.

Zaarettido Wogaa 8:17

Neeni, 'Ta wolqqainne ta kushiyaa minotettai ha duretettaa taayyo ehiis' geennaadan naagetta.

Ajjuutaa 13:11

Hegaappe guyyiyan, hara do7ai sa7aappe kiyiyaagaa taani be7aas. Dorssa kace milatiya naa77u kacee ayyo de7ees; qassi he do7ai miimminttiyaadan haasayiis.

Ajjuutaa 13:2

Taani be7ido do7ai maahe milatees; a tohoi beeriyaa giyo iita do7aa tohuwaa milatees; a doonai gaammo doona milatees. Miimminttee ba wolqqaa, ba araataanne ba gita maataa he do7aayyo immiis.

Ajjuutaa 13:4

Miimminttee ba maataa do7aayyo immido gishshau, asai ubbai miimminttiyaayyo goinniis. Qassi he asai, “Do7aa malai oonee? Aara olettanau ooni danddayii?” yaagiiddi, do7aayyo goinniis.

Ajjuutaa 16:13

Hegaappe guyyiyan, taani shodhdhe milatiya heezzu tuna ayyaanati miimminttiyaa doonaappe, do7aa doonaappenne wordduwaa hananabaa yootiyaagaa doonaappe kiyishin be7aas.

Ajjuutaa 20:2

Kiitanchchai miimminttiyaa, he ceega shooshshaa, xalahe halaqaa woi Seexaanaa giyoogaa oiqqiis; oiqqidi sha7u laittau qachchiis.